Lukas 10:7 - O GIKIMOI AWI JAJI ma BUKU

⁷ Ka o tahu moika nimasidodogu, de upa nimatotuluru o tahu ma somoaka, ma bati o doku magenaka o habari daloloha nisihabari kasi. O ino o kia bato inihike, ka magena niaodo. Sababu o nyawa imomanara gena bilasu manga oho ma kurangi yafangu.

Lukas 10:7 Iomraidhean Croise

Markus 6:10

Nakoso o doku moika niwosa de ka o tahu moika nimasidodogu, de upa nimatotuluru ma bati o doku magena niodongosa.

Lukas 10:6

De nakoso o tahu ma nyawa gena inidehe daloha, de igogou o Jou Gikimoi asa Awi laha wasidumu onaka. Duma nakoso ona ngini iniholu, de dohaka, done asa o Jou Awi laha gena ona he yamakewa.

Lukas 9:4

Nakoso o doku moika niwosa de ka o tahu moika nimasidodogu, de upa nimatotuluru ma bati o doku magena niodongosa.

Rasul 16:15

So ongo Lidia de ami tahu ma raba moi ona lo yaosi daboloka, de muna asa momikoro de momiaso motemo, “O dodiao, ngini ninako igogou ngohi o Jou Yesus towipiricayaka, nako daloha de tanu niahino la ai tahuka nimasidodogu.” So komagena muna momigegego sidago ngomi to muna ami tahuka mimasidodogu.

Rasul 16:34

Dabolo de o Paulus de o Silas wangaholi awi tahuka, de o ino wahike so kagena ona iodo. De una de lo awi nyawa o tahu ma raba moi o Gikimoi iwipiricayaka, so ona yangodu yanali de imamore icarawa.

Rasul 16:40

So komagena o Paulus de o Silas o buino isupu daboloka, de itagi itulu ongo Lidia ami tahuka. So kagena yamake o bi nyawa ipipiricaya, so manga sininga isiputuru daboloka, de o Paulus de o Silas imajobo kali.

Galatia 6:6

Nakoso kanaga o nyawa la ona o Gikimoi Awi dodoto itotiai inidoto nginika, de ona magegenaka bilasu kanaga o moi-moi daloloha de ikurangi onaka gena ngini niahike.

1 Timotius 5:13

De lo upasi manga ronga isingosa sababu manga orasi yaumo. Komagena so o wange isigeto-geto itagi ikahika ikahino, o bi tahumoi-tahumoika iwosa de isupu. De foloisi datorou ona asa o nyawa manga ronga ma dorou yogaka de o nyawa manga aturu moi-moi kanaga ona lo yocapu, sidago lo o moi-moi isibicara ngaroko o bicara maro komagena akuwa posibicara.

2 Timotius 2:6

De wototoro moi nakoso una womanara wokaeli, una magena asa ma noma-noma ma sopo wautu. So nakoso ngona lo o Yesus Kristus Awi manara naaka nokaeli, ma duuruka asa ngona ani manara ma sopo namake.