Lukas 10:6 - O GIKIMOI AWI JAJI ma BUKU

⁶ De nakoso o tahu ma nyawa gena inidehe daloha, de igogou o Jou Gikimoi asa Awi laha wasidumu onaka. Duma nakoso ona ngini iniholu, de dohaka, done asa o Jou Awi laha gena ona he yamakewa.

Lukas 10:6 Iomraidhean Croise

Lukas 10:5

Nako ngini o tahu moika niwosa, de gila-gila nitemo, ‘Tanu o Jou Awi laha kanaga ngini o tahu manena ma rabaka.’

Lukas 10:7

Ka o tahu moika nimasidodogu, de upa nimatotuluru o tahu ma somoaka, ma bati o doku magenaka o habari daloloha nisihabari kasi. O ino o kia bato inihike, ka magena niaodo. Sababu o nyawa imomanara gena bilasu manga oho ma kurangi yafangu.

Efesus 5:6

So upa sidago o nyawa de manga bicara ma faida ihihiwa gena, ngini inikulai de inibaja la o gogoho ma manara maro komagena de niaaka. Sababu igogou o nyawa nakoso yaaka komagena de o Gikimoi wisigisewa, ona magegena asa Una wangamo.

2 Tesalonika 3:16

Ngomi migolo tanu o Jou Yesuska, o sanangi wonahihike, Una masirete asa winiriwo ngini, so ngini lo o orasi isigeto-geto asa nia sininga foloi isanangi. De lo migolo tanu o Jou kanaga wogogesi dede ngini ningoduka.

Yakobus 3:18

So nakoso ngone la kanaga de nanga sininga damuudu o nyawaka la o dame de o sohi posigokoka, gena asa ma dodoguka o moi-moi paaka itotiai de daloha. So maro o goho moi la o doroka yadato asa ioho de ma dodoguka lo asa isopo daloha.

1 Petrus 1:14

O Gikimoi wotemo ngini gena to Una Awi ngopa-ngopa masirete, komagena so bilasu ngini niwisigise daloha. Upa sidago o dorou gena niodupa niaaka, maro idomaka o habari daloloha ma ngale o Yesus Kristus gena nionako waasi so o dorou niodupa niaaka.