Lukas 10:42 - O GIKIMOI AWI JAJI ma BUKU

⁴² Duma kanaga ma lamo ka ngai moi kiaka bilasu ngona naaka, ena gena o Gikimoi Awi demo nosigise. Nako ani nongoru muna manena daloloha mahirika, de asa yaakuwa o loha magena yadehe munano.”

Lukas 10:42 Iomraidhean Croise

Markus 8:36

Ngaroko o nyawa moi o dunia de ma raba manena he dangodu ka to una, duma dangodu magena ma faida ihiwa, nakoso ma duuru una wamakewa o oho ka sidutu ikakali.

Lukas 10:39

Kanaga lo ma nongoru moi ami ronga ongo Maria. Ongo Maria muna magena mowidateku, de Una Awi dohuku mogoge ma ngale Awi dodoto mosigise.

Lukas 11:1

Ma moiku o Yesus kanaga wosumbayang. Wosumbayang daboloka, de Awi muri moi wotemo Unaka, “Jou, togolo tanu Ngona nomidoto ngomika la misumbayang, maro o Yohanes Wooosi wadoto wimomoteka la isumbayang.”

Lukas 12:20

Duma o kia imaaka igogou gena o Gikimoi wotemo unaka, ‘He, nofufuma! O putu manena bato asa nosone. So o bi moi-moi dangodu natolomuka gena, idadi to nagoona.’

Lukas 12:33

Komagena so Ngohi totemo, nitagi kasi la nia arata nia tahu ma rabaka dangodu nisiija de ma pipi o nyawa isususaka niasitoku. Bilasu o pipi ma ngihi nimagaka la done yaraca lo yaakuwa. Sababu magena idadi isitero de o soroga ma kaya, kiaka niadodiahi de done isisawa, sababu o nyawa moi lo akuwa yatosi de lo o lupu yaakuwa yaodo so ibakawa.

Lukas 16:2

So wokakaya una magena awi arata ma jojaga gena wiaso, de wotemo unaka, ‘Ngohi toise kanaga o galaki moi ma ngale ngona. O orasi manena bato o nagi ma bi buku dangodu gena nosikelelo ngohika. O wange manena de ai arata ngona masirete asa naaturu kawa bai!’

Lukas 16:25

Duma o Abraham wosango, ‘Ai ngopa, nomasininga: Ma orasi idomaka ka noohosi o duniaka, de o loha dangodu namake, salanta o Lazarus gena ka o dorou wamake. O orasi manena una kanena wosanangi, de nako ngona gena ka nosangisara.

Lukas 18:22

O Yesus woise komagena, de wotemo, “Cawali o ngai moisi naaka waasi. Notagi kasi la ani ronga moi ani tahu ma rabaka nosiija de ma pipi o nyawa isususaka nasitoku, la ngona asa namake o arata ma duhutu o sorogaka. Daboloka, de nahino la noimote Ngohi.”

Lukas 8:18

Komagena so niatagapi nia siningaka de nimadiahi o kia ngini niiiseka. Sababu nagoona o Gikimoi Awi demo yoise la imadiahi manga siningaka, done Awi demo magena asa wasidogo manga siningaka la yosihoda itiai. Duma nagoona Awi demo gena yoholu, ngaroko Awi demo kanaga manga siningaka la ka ma cunu, done asa ka wadehe kali.”

Yohanes 11:1

Kanaga o nyawa moi asa wopanyake, una magena awi ronga o Lazarus. Una o Betaniaka ma nyawa de awi bira yasinoto ona lo yogoge o Betania ma dokuka. De awi bira moriria ami ronga ongo Marta de mononongoru ami ronga ongo Maria.

Yohanes 11:19

so kanaga o Yahudika yadadala o Yerusalemka de yahino, la ma ngale manga hira wososone gena aku ma bira moriria ongo Marta de mononongoru ongo Maria ona magena manga sininga isiputuru.

Yohanes 12:3

So mononongoru ongo Maria magena o gososo dabobou de ma ija ihahali maaho. O gososo magena o bi ngutu dabobouno. So kagena mahino, de gila-gila o gososo magena mosidahu o Yesus Awi dohuku de ami hutu masirete Awi dohu mosiese, ma ngale Una mowihoromati. So o tahu ma raba magena ipasiku de o bou daloloha.

Yohanes 17:3

De o oho ka sidutu ikakali magena ma ngale ona gena aku ininako igogou Ngona o Gikimoi nomatetengo, de lo inako Ngohi gena o Yesus Kristus Ngona noisusuloka so tahino.

Yohanes 4:14

Duma nakoso o nyawa la kanaga o ake Ngohi tahihike gena yaudo, ka ma moi yaudoka de isidadu kawa. Sababu o ake magegena imadadi maro o jobubu moi ona manga rohe ma rabaka, de nogena asa isupu la yamake o oho ka sidutu ikakali.”

Yohanes 5:24

O nyawa nagoona la kanaga yosigise to Ngohi Ai demo de lo Ai Baba iwipiricaya kekiaka Una woisulo so Ngohi tahino, ona magena kanaga o oho ka sidutu ikakali gena yamake de yasisala kawa. Ena gena, ona dede o Gikimoi imakitinga kawa de yamake o oho ka sidutu ikakali bai!

Yohanes 6:27

Upa ngini nimanara ma ngale o ino done asa ibaka, duma ngini bilasu nimanara ma ngale o ino kanaga ibabakawa gena niamake o oho ka sidutu ikakali. O oho gena Ngohi o Nyawa ma Duhutu asa tinihike nginika, sababu Ngohi manena Ai Baba Gikimoi woisitatapu la ma ngale to Una Awi manara taaka.”

1 Korintus 13:3

De lo ngaroko ngohi kanaga ai arata dangodu tahike o nyawa isususaka de lo ma ngale o Jou Yesus towipiricaya so ngohi ai rohe tahike la o nyawa aku yatupu, duma ai dodara o nyawaka gena he ihiwa, de ngohi ai oho gena asa ma faida ka ihiwa.

Galatia 5:6

Sababu nakoso ngone de o Yesus Kristus pomarimoika, de o nyawa moi una womasunaka eko hiwasi gena o Gikimoi he iwitailako kawa. Duma o Gikimoi asa watailako nakoso o nyawa la kanaga ma Kristus iwipiricayaka. De o nyawa nakoso manga sininga itotiai ma Kristus waakaka gena yopiricayaka, de ona magena aku o Gikimoi wileleani de o bobita o Gikimoino upa yamote, duma ka o nyawa yadodara.