Lukas 10:16 - O GIKIMOI AWI JAJI ma BUKU

¹⁶ Dabolo de o Yesus wotemoli wimomote ona magenaka, “O nyawa nagoona ngini nia demo yadehe daloha, magena imatero de ona lo Ngohi Ai demo yadehe daloha. O nyawa nagoona ngini iniholu, magena imatero de ona lo Ngohi iholu. So o nyawa nagoona la Ngohi iholu, ona manga holu ma manara magena lo ma meta Ai Babaka, sababu Ngohi Una woisulo so tahino.”

Lukas 10:16 Iomraidhean Croise

Matius 10:40

O nyawa nagoona ngini inidehe daloha, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga dehe ma manara magena lo ma meta Ai Babaka, sababu Ngohi Una woisulo so tahino.

Matius 18:5

De lo o nyawa nagoona la o ngopa manenaka iwidehe daloha sababu imote Ngohi, magena imatero de ona lo Ngohi idehe daloha.

Markus 9:37

“O nyawa nagoona la o ngopa manenaka iwidehe daloha sababu ona imote Ngohi, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga manara magena lo ma meta Ai Babaka, sababu Ngohi Una woisulo so tahino.”

Lukas 9:48

de wotemo onaka, “O nyawa nagoona la o ngopa manenaka iwidehe daloha sababu ona imote Ngohi, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga manara magena lo ma meta Ai Babaka, sababu Ngohi Una woisulo so tahino. Nagoona so yasiceke to ngini nia sidongirabaka, ona magena foloi yolamo.”

Yohanes 12:44

So kagena de o Yesus asa womatoore wotemo, “O nyawa nagoona la kanaga Ngohi gena ipiricayaka, upa nitemo ipiricaya cawali Ngohi, duma nakoso ipiricayaka magena Una woisusuloka so Ngohi tahino, Una magena lo asa wipiricaya.

Yohanes 12:48

Duma nagoona Ngohi ihoholu de Ai demo yosigogogisewa, ona magena igogou de manga salaka. Ena gena, ma orasi o dunia ma dodoguka de Ai demo idodomaka la tosibicaraka, magena asa ona yasisala so bilasu ona dede o Gikimoi imakitingaka.

Yohanes 13:20

O nyawa Ngohi tasusulo so itagi o nyawaka, la nakoso ona magena yadehe daloha, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga dehe ma manara magena lo ma meta Ai Babaka, sababu Ngohi Una woisulo so tahino.”

Rasul 5:4

Igogou, ani tona magena nosiija waasi gena to ngona, so nako nodupawa, upa he nosiija. De igogou ani tona magena lo nosiijaka ma pipi lo to ngona, so nako nodupa ka ma sononga nahike, upa he nokulai de notemo ma ija ma lamo cawali kamagena. De imaaka idodooha so ani sininga ma rabano nosimaha o dorou ibao sidago naaka maro komanena. So, igogou, ngona o nyawa nakulaiwa, duma o Gikimoi nowikulaika bai!”

Galatia 4:14

De kanaga lo ngohi ai siri magena ma rabaka tinisitubuso nginika, duma ngohi gena ngini he nilekiwa. Salanta ngini asa nisimore ngohi de nia nalika, imatero de o malaikat moi o Gikimoino yahino de nisimore, eko maro o Yesus Kristus wahino de Una lo niwisimoreka.

1 Tesalonika 4:8

So nakoso nginika de kanaga o nyawa nagoona la o dodoto moi-moi manena yaholu gena, upa nitemo ona ka o nyawa yaholu, duma o Gikimoi, Awi Gurumi Datetebi wahihikeka lo, Una magena wiholu.