Lukas 10:12 - O GIKIMOI AWI JAJI ma BUKU

¹² O Yesus lo wotemo wimomoteka, “Ngohi totemo, igogou ma wangeka done manga dorou ma sopo o Gikimoi wafanggali de o dorou, de o doku magenaka asa yafanggali de o dorou ifoloisi datorou de o dorou idodomaka o Sodom ma bi nyawa ma dorou manga fanggali.”

Lukas 10:12 Iomraidhean Croise

Dodadi 19:24

De o Jou wositodokaku o walira de ma uku-ukuka wosimuura o Sodom de o Gomoraku, so yatupuka.

Matius 10:15

Ngini tinisingangasu igogou, ma wangeka done manga dorou ma sopo o Gikimoi wafanggali de o dorou, de o doku magenaka asa yafanggali de o dorou ifoloisi datorou de o dorou idodomaka o Sodom de o Gomora ma bi nyawa ma dorou manga fanggali.”

Matius 11:24

Ngini tinisingangasu igogou, ma wangeka done manga dorou ma sopo o Gikimoi wafanggali de o dorou, de ngini gena asa inifanggali de o dorou ifoloi datubuso de o dorou o Sodom ma bi nyawaka manga fanggali idodomaka.”

Markus 6:11

De lo nakoso o riho moika la nitulu, de ona ngini iniholu sidago nia demo o habari daloloha magena lo yoise iholu, o riho magena niodongosa. Duma nia dohu ma gaapo niapari kasi la imaaka o nonako moi onaka, igogou ona magena de manga fajaka o Gikimoi Awi simaka.”