Lukas 1:6 - O GIKIMOI AWI JAJI ma BUKU

⁶ Yasinoto magena o Gikimoi Awi simaka manga sigogise daloha Awi bobita dangoduka, de yacoho itiai so manga sala o nyawa moi lo akuwa yamake.

Lukas 1:6 Iomraidhean Croise

Dodadi 17:1

Ma orasi o taungu mogiowo de saange ipasaka, so o Abram awi umuru o taungu morisiwo de siwoka, kagena de o Jou womasimane unaka, de wotemo, “Ngohi manena o Gikimoi Wilalamo, so bilasu o moi-moi naakaka imatero Ngohi dede ngona pomarimoika ma ngale ani sininga asa foloi itiai Ngohika.

Dodadi 6:9

O Nuh awi jarita gena kanaga una de awi ngopa yaruwange, ena gena o Sem de o Ham, de lo o Yafet, de o bi nyawa yangodu manga sidongirabaka ka cawali una magena o moi-moi o kia itotiai gena waaka o nyawaka, de o nyawa moi lo akuwa awi sala yamake. Una magegena o moi-moi waakaka imatero maro una dede o Gikimoi imarimoika.

Dodadi 7:1

De o Jou wotemo kali o Nuhka, “Hika ngona de ani tahu ma raba moi ningodu nowosa o deru ma rabaka. Sababu o nyawa yangodu manga sidongirabaka ka cawali ngona gena o moi-moi o kia itotiai gena naaka o nyawaka.

Lukas 1:7

Duma manga ngopa ihiwasi, sababu ma pedeka magena morohewa de lo yasinoto gena yaperekika.

Lukas 16:15

Kagena de Una wotemo onaka, “Ngini nia manara itiaika o nyawa manga simaka, duma o Gikimoi nia sininga gena ka wanako. O kia naga o nyawa isihohoromati, magena o Gikimoi ka woleki.

Lukas 2:25

O orasi magena o Yerusalemka, kanaga o nyawa moi awi ronga o Simeon, una magena awi sininga itiai de awi sigogise daloha o Gikimoika. O Gurumi Datetebi kanaga unaka, de lo una wongongano ma orasi he idumuka o Gikimoi asa o Israel awi ngopa de awi danoku magena wariwo.

Rasul 2:25

Ma ngale o Yesus wosone kawa gena o Daud lo wotemo daboloka, ‘Ngohi o orasi isigeto-geto towikelelo o Jou ngohi ai simaka, Una kanaga ai dateka, la o susa moi upa lo idahe.

Rasul 23:1

So kagena de o Paulus wakeri-keri o Mahkamah Agama ma nyawaka, de una wotemo, “Ai gianongoru, ma dekaka sidago o wange manena gena tamalo o Gikimoi Awi simaka ai sininga de ai manara ma rabaka ai sala ihiwa.”

Rasul 24:16

Ma sababu komagena to ngohi ai sininga ma rabaka o orasi isigeto-geto de tosidailako ai oho de ai manara ma rabaka ai sala ihiwa o nyawaka komagena lo o Gikimoika.

Rasul 8:21

Sababu ani sininga itiaiwa o Gikimoi Awi simaka, so ngohi toholu tosimote ani sininga ma dorou magena so tonihikewa.

Roma 8:4

Komagena waaka la ma ngale maro o bobita Unano inadotoka, komagena ngone paaka itiai, de ma ngale gena upa o dorou ma dupa nanga sininga ma rabaka posigise, duma podupa powisigise o Gurumi Datetebika.

1 Korintus 11:2

Nako to ngini nia giliri gena, magena ngohi asa tosimane, sababu ngini nitemo o bi moi-moi ma rabaka o orasi isigeto-geto ngohi nisosininga, ena gena nimasidodiahi ai dodoto nginika magena nimasigocoho daputuru.

2 Korintus 1:12

Ngomi mia giliri misimane, sababu mia sininga masireteno kanaga ibao de itemo igogou to ngomi mia gogoho gena ka daloha. Upa de o dunia ma nyawa manga cawaro, duma de ka o Gikimoi Awi laha so ngomi aku miaaka de mia sininga igogou de ibolowo o nyawa yangoduka, de ma boboloi miaaka nginika.

Filipi 2:15

La ma ngale ngini gena nia sininga ibolowo de o nyawa moi lo yaakuwa inikalaki so, ngaroko ngini kanaga o bi nyawa ma dorou manga sidongirabaka, duma ngini maro o Gikimoi Awi ngopa-ngopa so niamanara daloha de itiai. O nyawa ona magenaka ngini o bi moi-moi itotiai niasikelelo, maro o bi ngoma ma nita yodisiwa o dunia dapopuputuka.

Kolose 1:22

Ngaroko komagena, duma Una magena asa ma Ngopa wisulo so wahino womadadi maro o nyawa moi de wosone, so Una o Gikimoi dede ngini gena aku nimakadameka. La ma orasi ngini winingoso to Una Awi simaka gena nitebika de o nyawa moi lo yaakuwa ngini inikalaki.

1 Tesalonika 3:13

Komagena so tanu winiriwo la nia sininga asa wosiputuru kali so ma orasi o Jou Yesus wahino kali dede to Una Awi malaikat yatetebi, de nanga Baba o Gikimoi Awi simaka asa ngini nia sininga lo datebi de o nyawa moi lo akuwa nia sala yamake.

2 Petrus 3:14

Ai dodiao tinidododara, ma sababu o bi moi-moi magegena ngini niodamahasi, so ngohi tongongano bilasu nikaeli la asa niodupa niaaka de niamote o bi moi-moi o kia o Gikimoi wodudupa, ma ngale ma wange magena yaado done Una aku wotemo ngini moi-moika, “Ngona manena ani dorou idodoma gena moi lo ihiwa de lo tonisisala kawa, so igogou aku pomatekerimoi.”

1 Yohanes 2:29

Sababu ngini lo nianako o Gikimoi o orasi isigeto-geto o moi-moi itotiai gena wodupa waaka, so igogou nakoso o nyawa la kanaga o bi moi-moi itotiai gena yodupa yaaka, de igogou ona magegena to Una Awi ngopa-ngopaka.

1 Yohanes 2:3

Nakoso ngone gena, o bi moi-moi o kia naga o Gikimoi wosusulo gena podupa paaka, de magena igogou aku powinako Una.

1 Yohanes 3:7

Komagena so, ai ngopa-ngopa tinisosininga, upa sidago kanaga ngini lo o nyawa nagoona bato inikulai so o dorou gena niodupa niaaka. Nakoso o nyawa la kanaga o bi moi-moi o kia itotiai gena yodupa yaaka, ona magena manga sininga itiai imatero maro ma Kristus lo Awi sininga itiai.