Lukas 1:59 - O GIKIMOI AWI JAJI ma BUKU

⁵⁹ Ma orasi o ngopa magena awi umuru o wange tupaangeka, de o nyawa imakokadate de o gianongoru ona magena yahino imatolomu ma ngale una iwisuna, mote de o Yahudika manga adati de manga galepu. Manga edekati la yodupa iwisironga o Zakharia, maro awi baba masirete awi ronga.

Lukas 1:59 Iomraidhean Croise

Dodadi 17:12

O orasi kangano manena de isolano ngona ani ngopa yanau asa isibubuoku la nakoso manga umuru o wange tupaange gena bilasu imasuna. Komagena lo bilasu nasuna to ngona ani gilalo yanau ani tahuka imomanara, bai ona isibubuo ani tahuka bai lo ona naijaka.

Lukas 2:21

O ngopa Una magena Awi umuru o wange tupaange yaadoka, de asa Una wisuna, yamote maro o Yahudika manga adati de manga galepu, de lo wisironga o Yesus, o ronga kiaka idomaka Una wihiwasi so ka ma awa ami rohe kasi de o malaikat gena wihikeka.

Rasul 7:8

So kagena de o Gikimoi wojaji o Abrahamka, de wotemo nako o Abraham awi nyawa la imasunaka, magena o nonako moi yaakaka ma ngale o jaji magena ona lo yodupa. So o Abraham awi ngopa o Ishak wisibuoka, de asa wisuna ma orasi awi umuru o wange tupaangeka. So komagena lo awi ngopa de awi dano o nonako magegena yacoho, ena gena o Ishak wisuna awi ngopa o Yakub de lo o Yakub wasuna awi ngopa yamogiowo de sinoto, ona magena to ngone nanga ete de nanga topora.

Filipi 3:5

Sababu ngohi gena idomaka ai umuru asa o minggu moi de isunaka. De ngohi lo ai sihino o Israelka ma nyawa moi, ai suku o Benyaminno, de lo ai jojoho o Ibrani ma bahasa de ma adati. De ngohi asa maro Farisika moi o Yahudika manga adati de manga galepu gena tacoho tokaeli de daputuru.