Lukas 1:49 - O GIKIMOI AWI JAJI ma BUKU

⁴⁹ Sababu o Gikimoi Wokokuasa to Una Awi kuasa gena woisikelelo ngohika. Una Awi ronga magena datebi bai!

Lukas 1:49 Iomraidhean Croise

Dodadi 17:1

Ma orasi o taungu mogiowo de saange ipasaka, so o Abram awi umuru o taungu morisiwo de siwoka, kagena de o Jou womasimane unaka, de wotemo, “Ngohi manena o Gikimoi Wilalamo, so bilasu o moi-moi naakaka imatero Ngohi dede ngona pomarimoika ma ngale ani sininga asa foloi itiai Ngohika.

Markus 5:13

Magena de wasimaha so o toka idadala gena isupu o nyawano de widongosaka, de yowosa o titika. O titi ma duduo magena iloda de kugena o dirasuku itura, so dangodu o talagaku dalutu de isoneka.

Lukas 1:48

Una ngohi woisiningaka, ngohi gena Awi gilalo so tomahadoku. O orasi manena de isikahika, o bi nyawa ona yangodu asa itemo, ngohi manena o ngopedeka moi o Gikimoi Awi laha woisicatu.

Lukas 1:50

Una Awi galusiri gena kanaga o nyawa yangodu hitilahi ona wisusuba, gena sidago manga ngopa de manga danoka.

Efesus 3:20

O Gikimoi Awi kuasa la kanaga imanara to ngone nanga siningaka, gena foloisi itiai. De Awi kuasa gena o Gikimoi aku waaka ifoloi de o bi moi-moi dangodu ngone pogogolo de podudupa.

Gogelelo 15:4

Jou! O nyawa yangodu ka nisihoromati, o nyawa yangodu bilasu nisigiliri, ka ka Nonga nomatengo bato gena Ani sininga datebi. Ngona o nyawa yangoduka nasikelelo to Ngona Ani manara itetero, de o dunia ma bi nyawa ngodu done hino Ani simaka isuba.”

Gogelelo 4:8

O dodadi iooho magena moi-moi de to ona manga golupupu ngai butanga, de manga golupupu magena dangodu de ma lakoka. O putu de o wange ona magena inyanyi imatogu-toguwa itemo, “Jou Gikimoi, o orasi manena naga de o orasi idodomaka kanaga noohosi, done lo nahino kali. Jou nokokuasa, Ngona ka nitebi bato. Ani dorou moi lo asa ihiwa Ngonaka.”