Filemon 1:10 - O GIKIMOI AWI JAJI ma BUKU

¹⁰ so asa togolo ngonaka la tanu kanaga ai ngopa moi gena asa ngona nowiriwo. Una magena maro ai ngopa masirete. Sababu ma orasi ngohi o bui ma rabaka de o habari daloloha towisingangasu unaka, de maro o ngopa moi awi rohe ma sihino ma babano so to una awi piricaya lo ma sihino ngohino. Una magena awi ronga o Onesimus (de awi ronga ma ngale gena faida daloha).

Filemon 1:10 Iomraidhean Croise

Markus 9:17

Magena de o nyawa yadadala manga sidongirabano o nyawa moi wahino wosango, “Baba Guru, ngohi ai ngopa towingaho Ngonaka. Una manena wimumusu de awi ili ihiwa, sababu o toka wingosaka.

Roma 12:1

Ai dodiao nipipiricaya, ma ngale o Gikimoi Awi galusiri kanaga nginika, so ngohi tinibaja de tinigolo nginika bilasu nia sininga nisitatapu de to ngini nia rohe masirete bilasu niwileleani o Gikimoi, la aku Una niwisisanangi. Maro idodoma ona manga haiwani gena yaaho maro o suba moi Unaka ma ngale Awi sininga isanangi. Ka cawali nia manara komagena asa itiai Unaka.

1 Korintus 4:14

Ai dodiao tinidododara, to ngohi ai lefo manena upa nitemo ngini tinisimade, duma ma ngale tinisitiari de tinidoto ngini maro ai ngopa-ngopa masirete.

1 Korintus 4:15

Sababu ngini gena ngaroko kanaga nia guru de ma cala-cala la inidoto ma Kristus niwimote, duma ka cawali ngohi tomatengo todadi maro to ngini nia baba. Gena ma orasi ngohi todomaka, o habari daloloha tinisihabari so ngini o Yesus Kristus niwipiricayaka. Komagena so ngohi tinidododara ngini maro ai ngopa-ngopa masirete.

Galatia 4:19

ngohi ai sininga ma rabaka ma siri ifoloi, maro o ngopedeka moi ma orasi mopuo de ami siri gena komagena. Gena ma ngale ngini gena, kodo, nisihoda waasi idodooha ma Kristus nia sininga itotiai gena waaka.

Kolose 4:9

Kanaga una done asa imakangaho de o Onesimus, una magena o nyawa moi nginino nanga dodiao wopipiricaya moi so ngomi miwidodara ifoloi de lo aku powipiricaya. So ona yasinoto gena ma ngale o kia naga idadi kanena ngohika asa dangodu inisingangasu nginika.

1 Timotius 1:2

O surati manena tolefo ngonaka maro ai ngopa masirete tonisiboboso. Sababu maro o ngopa moi awi rohe ma sihino ma babano, so to ngona ani piricaya lo ma sihino ngohino, ma orasi o habari daloloha tonisingangasu ngonaka. Ngohi togolo o Gikimoi nanga Baba de o Yesus Kristus to ngone nanga Jou tanu inidogo ngonaka o laha de o galusiri ifoloi, la ani sininga yaaka so foloisi isanangi.

Titus 1:4

O surati manena tolefo ngonaka maro ai ngopa masirete tonisiboboso, sababu ngona nopiricayaka o Gikimoi Awi dodoto imatero maro de ngohi. Ngohi togolo o Gikimoi nanga Baba de o Yesus Kristus to ngone nanga Salamati tanu inidogo ngonaka o laha de o galusiri ifoloi, la ani sininga yaaka so foloisi isanangi.

Filemon 1:11

Ngaroko idodomaka asa una awi riwo datorou de ma faida ihiwa ma ngale ngonaka, duma o orasi manena ma ngale awi riwo ngona de ngohika gena ka dalohaka so awi faida lo daloha.

Filemon 1:13

Ma orasi ngohi ibuika sababu o habari daloloha tosihabari, de ka todupasi towisulo la maro to ngona ani dagali moi gena una wogoge de woileleani ngohi.

3 Yohanes 1:4

Ngona gena ani piricaya ma sihino ngohino ma orasi o habari daloloha ngohi tonisingangasu ngonaka, so ngona maro ai ngopa masirete. So o orasi manena to ngohi ai nali de ai more ilamo gena he podedemo kawa, sababu ngona ai ngopa gena asa o dodoto itotiai ka nodupa namote.