Yunut 1:7 - Ala Wone Peenok Peebi Mbanak

⁷ Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee'ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa'nanok aap Yunut owagam ari nagagerak.

Yunut 1:7 Iomraidhean Croise

Etet 3:7

Mbake mbareegi, aap Akatiwerot nogo endagembogut wonage kagak, tahun 11 eeppunuk, ambi eerak tut aa'nduk Nitan penenak paga at Kaman nen maluk eeginaburak kooneegerak nogo tut inom, tanggal inom, kin age yelok kaawak nduk, liiru mbanogo punuk, waganggo mengga kwak, it pur eeko menggaarak nogo eeko logonet, at Kaman enggaanom paga tut 12 endage Arat penenak ti paga eeriyak mbanak nogo aret waganeegwaarak.

Ayup 10:2

An nen Ala yoriyak nogo yi o. Kat nen, Maluk eekendak o, yinuk, An yo'niriyak mage o. Ata, Kat ndi eekendak kenok, eeppagage agarik o, Yinuk, an yo'niriyak op aret o.

Ndawi 22:18

Nambogoyum abok aret tumbukkologwe, Nayum yirik minggirak kolaawok nduk, iri'ngga mbanogo wakkaanuk kologwe, Eeko agaarik o.

Kini Wuppiige 16:33

Ta mippuurak kin kaawok nduk iri'ngga mbanak waganggo menggaarak kwe, “Ti aret wamen o,” yinuk, yorage menggerak nogo ti, Aliku ALA nen aret o.

Linggineegwaarak 32:23

Ndi, wone yogotak nogo ndak-ndak eerumunggup lek kenok perak, Aliku ALA aret maluk eeppumunggup me, Kinomaluk nen eyak nibingginabi woraagin, abet aret mbako logomunggup o.

Matiyut 27:35

It nen Yetut eebe nogo eyo karo-karo aago paga nabembunuk, “Ambogoyum ta koloorak kaamun?” yinuk, yugum anggen nggween paga mbo wuppegak eeko logonet, ayum nogo ambi kolagak eeko nogogwaarak.

Nappiigak 13:19

Ti'nuk, it aakumi o Kanan mendek inanebunu 7 nogo lek eerogo piinok, inobaane'me at apuri ninombomini nogo unde logowak nduk yate kwak inanggween punogo piyareegerak.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Yotuwa 7:10

Yoge mbareegi, at Aliku ALA nen Yotuwa yoge, “Kat nano nduk ketenggen wanduk windak wonage agandik? Mi'naru o.