Yunut 1:2 - Ala Wone Peenok Peebi Mbanak

² Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.

Yunut 1:2 Iomraidhean Croise

Wakkagagerak 10:11

Time nen at o Atiyut nage nagagerik, o Niniwe inom, Erekobot inom, Kala inom,

2 Endagembogut 19:36

Ti eeke mbareegi, aap Atiyut inowe endagembogut Tanerip nogo nen o time mbo punuk, iyokan o Niniwe aret puk ari nagagerak.

2 Mbinineegwaarak 28:9

Nogo mbareegwa, at Aliku ALA nen yoge kagak yoraga ambi endage Oret o Tamariya time wonage me, it wim eeka Iterali mendek nogo, o Tamariya unggwi nogogwaarak. Unggwi nogwe me, at iya wundi wage nagagerik, yorage, “Kinombomini inogoba Aliku Ala nen it Yekura mendek anini inoba piige logonet, kineenggi paga pinagagaarak kwe, inabuwa mbaka'lek kinanini lombok paga inoorit nogotak nogo at mbogut paga menggerak nen muk kiigerak o.

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Yetaya 37:37

Ti eeke mbareegi, aap Atiyut inowe endagembogut Tanerip nogo nen o time mbo punuk, iyokan o Niniwe aret puk ari nagagerak.

Yetaya 58:1

At Aliku ALA nen ari logonet, “Eeppiyoorak wone yokkege yi, koone mbuuluk paga ari mage o. Ata, koone mondok nggwok paga ari, Oone nggwok eeka trompet oone eeke menggi kwak koone ari, Aliku ALA nen yokkirage nogo, Eeriyak nineebi, yogwe ti, nonggop nduk yogwe o? yinuk, an napuri yorage, Kit maluk ndogop aret eeko ogotik o, yinuk, it Yakup paga wiganak nogo yorage, Eeke logot o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yetikiyen 2:7

It ti, an yorage eeriyak ineebi mbaka aret me, an noone inaruk koneniyak mbakwi kenok konenggwi, mbo puurak mbakwi kenok mbo pugwi, eerugun me, noone yi, yora nak mban o.

Oteya 7:2

It maluk eerit nugwi abok aret an aberak minggirak nogo it liippanega'lek aret wonogo agaarik o. Inomaluk nogo nen wanggeppiinok wonage, It maluk eekwi ti, an aberak mban wonage, Eeke agaarik,” yegerak o.

Yunut 3:2

Yoge logonet, “Kat o kota nggwok Niniwe time nage logomenggendik, It ndogop yoret o, yokkege nogo, koone nggwok paga yoraamunggun o.”

Yunut 3:3

Yoge mbareegi, at Yunut nogo, “Aliku ALA nen yo'negerak ti, eerikit aret o,” yinuk, o Niniwe nagagerak. O kota Niniwe nogo ti, o nggwok aret nenaarak me, irip me nen irip me noorak kenok, nogo kenagan yegak nogo menggaarak me,

Yunut 4:11

o kota nggwok Niniwe time aakumi nen, Yi op kagi, yi maluk kagi, maloppega'lek ineebe ambik lombok seratus dua puluh ribu wonogwe inom, inaanggumi ambik inom, wonogwe me, an nen o kota nggwok Niniwe nogo, inabuwa mbaka'lek nonggoti mbo piyoobok kenok, liippunuk eeppiyoorak koongge ti, meek nombake agandik ya?” yinuk, yoreegerak o.

Mika 3:8

Togop kwe, an perak, it Yakup mendek Ala wone taganogo pit nugwi, It Iterali mendek maluk eerit nugwi, eekwi nogo Inaruk wake logokit nduk, Aliku ALA Aberiniki paga nomaawi lombok eerogo panege, A'me nggelok eeppiinet nage logonet, nagabiti lek yoranet nage logokit nduk, eeppanege, Eeke agaarik o.

Nakum 1:1

At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.

Nakum 3:19

Kooreegwaarak kawin kamiya ti ari wonage nogo, obeelom ariyak amburu lek aret me, ti paga aret kambumunggun o. Kat aakumi inabuwa nen puk aga'lek kogogumbuk logonet maluk mban eeppiinet nage nogo ti, Eeppiiga'lek ambi ta wonage mbaken? Abok aret eeppiinet nage menggendak me, It aakumi abok aret kat aremenggendak wonage ti, Inaruk konenggo logomenggaarik, inale'nggen nen ineenggi telak yogo logogun, yokkigi o, yinuk, yoreegirak.

Matiyut 10:18

Kit nen it aap yo'nggok inom, aap inendagembogut inom, aap endekem mendek inom, an eeke neegotak paganogo yoraabagip nduk, alom an paga inowagam wokkiren nagun o.

Matiyut 12:41

At Yunut ti, aap mbuuluk negen logonet, it aakumi Niniwe mendek wone yorage mbareegi, iniki koombunuk, inomaluk mbo pereegwaarak kwe, at ambi yime wonage yi perak, aap abu nggwok aret me, wone yokkirage nogo konembunuk, kinomaluk mbo puurak op aret kagak, kinogogumbuk wonogwe me, peebi aakumi inowak looniyak eyom paga it aap o Niniwe mendek nogo nen mi'na'nuk, kit yogondak wonogwe yi, Kinenggali o, yinuk, yokkirogwe iyaamunggup o.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.