Yunut 1:12 - Ala Wone Peenok Peebi Mbanak

¹² Yogo mbareegwa, it yorage logonet, “O wiya nggwok warit wage logonet, kit niyo lebengginaburak eeke ti, alom an eekirak paga eeke an neenu aret me, an neebe waganogo niyo kole yenggenak laut inikime mbo wuppanugwi kiinok, niyo kilaarak-mogonik eeke yi, lek aret arigin o.”

Yunut 1:12 Iomraidhean Croise

2 Tamuwen 24:17

At Ala ayonggo malayikat nen aakumi lek eerogo piinet nage nogo, at Ndawut enegen kage nagagerik, Aliku ALA yoge logonet, “An nen aret wone yugu taganogo maluk lombok eekirak o. An nen aret maluk eekirak me, an inom, naaganapuri inom, aaninggin ninoba pinaniyak op aret kagak, it aakumi ndomba kwak yi, nano eekaarak paga inooke agandik o?” yinuk, yoreegerak.

1 Mbinineegwaarak 21:17

Ti'nuk, at Ndawut nen Ala yoge logonet, “Aap ineegin warak ineenggi linggininaburak wone lengganogo yoragaarak nogo ti, an nen aret yoragarak nogo lek a? An nen aret yoragarak me, yoragarak ti, koone taganogo punuk, maluk lombok aret eekirak o. An nen aret maluk eekirak me, an inom, naaganapuri inom, aaninggin ninoba pinaniyak op aret kagak, it aakumi ndomba kwak yi, nano eekaarak paga inooke agandik o? Lek me, Kaliku nogoba Ala wae. Kugi andi kapuri inoba piigendak yi, inoba logorak lek o, nogoba. Ata, lek eerogo piyet o,” yinuk, yoreegerak.

Ayup 35:8

Lek aret me, kat maluk eerit nage nogo ti, It aap kat kokwak mban maluk eeppiige, Ndi, kat abe koonak mban eerit nage nogo ti, Aakumi inapuri aret obeelom eeppiinet nage, Eeke menggendak o.

Wone Alom Kibingga 9:18

Wim nambuka yi mendek ndi mendek ti, iya negen kwe, iniki warak nen wone koongga ti perak iya lombok me, O obeelom wonage nogo aap maluk mendek ambit nen a'nggan waganogo pege menggerak.

Yunut 1:11

Yogwi iigak, niyo kole yenggenak laut nogo kilaarak-mogonik eerit lagangge me, at yogo logonet, “Nit lebenninabukwak niyo nggwok yenggenak laut yi, tebe agan wambuwak nduk, kat nonggop eeppagagwi o?”

Yunut 1:13

Yorage mbareegi, eyo paga alelo mbaniyak eereegwaarak kwe, o wiya nen niyo abunuk kilaarak-mogonik eeke kenok, meek agagerak me,

Yaya 11:50

Aakumi nit mendek nineebe abok aret lek eerogo pinaniyak ti meek o. Ata, aap ambit nen aakumi nit mendek abok ninake kambuurak perak, op aret yi kogo ogotik?” yinuk, yoragagerak.

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Yotuwa 7:12

Kumaappatinuk wonogwe ti paga kineebe pup eerogo pinagarak kinetenggen luurik aret wonogwe me, aap kinawim nen kinoorit wogwe iinok, ko waka'lek kinamborowak kin-kin mbaganit kumaa'narit nogwe kiigirak me, an namendek lek eerogo puurak yugu kagak, aap kumaakerak wonage ti, lek eerogo pega'lek wonogwe kiinok, an kit ninom logogin lek o.