Wundeegwaarak 9:6 - Ala Wone Peenok Peebi Mbanak

⁶ Yoge mbareegi, Karun imbirak Pirawun yori nogogwaarak kwe, eewa yaga'lek mbareegi, Aliku ALA nen ko'lu eeriyak yegerak nogo ndak-ndak eeke logonet, it aakumi Metit mendek inaanggumi abok aret kambit nogogwaarak kwe, it Iterali inaanggumi perak, ambiriluk ambi abu kambulik enaani aret wonagagerak.

Wundeegwaarak 9:6 Iomraidhean Croise

Ndawi 78:48

Mayu anggen nen inaanggumi lembu-tapi inooruwak nduk nappi wage, O kimbik pindanogo inaanggumi kambin-ndomba inoba kwippiige,

Ndawi 78:50

At Ala iniki yanggo yinuk puk arulik anini kani omoonuk negen inoba kwippiige, Inabuwa nen inili yaga'lek kugilengga inoba iyak wurogo piige, Eeke logonet,

Wundeegwaarak 12:12

Ti eekwi wonogwe iigak, Naliku ALA an aret me, oonikiya ti paga o Metit irip-irip abok aret nage logonet, aakumi Metit mendek inapuri manggu ndarak inom, inaanggumi aa'nduk ndarak inom, abok aret inooke, inagugi abok aret inomaawi lek eerogo piige, eerigin o.

Wundeegwaarak 12:29

Ne ti paga o nogo iniki mbere eeke paga at Aliku ALA nen aap endagembogut kwi'ndak menggim kwi'ndak wonage Pirawun apuluk nogo nen nok, it aap keele maarogo mambiyareegwaarak inapurilogwe kuli inom, inaanggumi inom, o Metit paga manggu ndarak wonogwe, abok aret inoorogo piinet nagagerak.

Wundeegwaarak 8:22

Naliku an ALA o Metit yime wonage nogo, at Pirawun eenu aruwak nduk, an napuri Iterali mendek inom, at apuri Metit mendek inom, inalitak ogoorogo piyaminggirak me, an napuri Iterali mendek o Nggoten wonogwe me nogome ti'neebon mili lom eerak nugwi iyaagin lek o. At eenu agak eerubok yi nogo ti, ko'lu aret age kaagin, yegerak o, yinuk, yori nak o.”

Wundeegwaarak 9:25

O Metit time mayu kumulinggen lubu-lubu inoba wangge logonet, aakumi inom, inaanggumi inom, yi mendek ndi mendek yabume yarak inom, yigirik-noonom eerogo pege, eyo-kale tubunik-lenggenak eerogo pege, eereegerak kwe,

Wundeegwaarak 9:26

it Iterali wonogwe me o Nggoten time perak, mayu kumulinggen ambi wambi woroolik aret wonagagerak.

Wundeegwaarak 9:4

Nappi woraminggirak paga aakumi Iterali inaanggumi kambukwak, Naliku ALA nen aakumi Iterali mendek inaanggumi teppiige logonet, it aakumi Metit mendek inaanggumi kenok, inoorogo piyaagin o.

Wundeegwaarak 9:5

Ndi, o Metit yime eeriyak yagarak ti, ko'lu aret eerigin me, Aliku ALA nen togop aret yegerak o, yinuk, Pirawun yori nak o.”