Wundeegwaarak 9:4 - Ala Wone Peenok Peebi Mbanak

⁴ Nappi woraminggirak paga aakumi Iterali inaanggumi kambukwak, Naliku ALA nen aakumi Iterali mendek inaanggumi teppiige logonet, it aakumi Metit mendek inaanggumi kenok, inoorogo piyaagin o.

Wundeegwaarak 9:4 Iomraidhean Croise

Wundeegwaarak 10:23

Nogo kenagan yereegwaarak ti, it aakumi nen inigen iigwi, iname nen endekem wundi nogwe, eeka'lek aret wonogwe iigak kwe, it aakumi Iterali wonogwe me perak, o eya aret wonagagerak.

Wundeegwaarak 12:13

Inoorit nage logonet kwe, it an napuri Iterali perak, an neenu agak amiya iname paga labunik nenegen kage logominggirik, inooka'lek iname obaga mbo nanuk aakumi Metit mendek mban inoorit nagin o.

Wundeegwaarak 8:19

It aap kugi alom ineenu nogo nen wakkogogwaarak meek aret age mbareegi, Pirawun yogwi, “Yi Ala eenggi omaawi paga nen aret eeke o,” yoreegwaarak kwe, Aliku ALA nen wone aa'nduk yereegerak nogo ndak-ndak aret Pirawun iniki omaawi age nagagerik, it inoone konenulik mbo pereegerak.

Wundeegwaarak 8:22

Naliku an ALA o Metit yime wonage nogo, at Pirawun eenu aruwak nduk, an napuri Iterali mendek inom, at apuri Metit mendek inom, inalitak ogoorogo piyaminggirak me, an napuri Iterali mendek o Nggoten wonogwe me nogome ti'neebon mili lom eerak nugwi iyaagin lek o. At eenu agak eerubok yi nogo ti, ko'lu aret age kaagin, yegerak o, yinuk, yori nak o.”

Wundeegwaarak 9:26

it Iterali wonogwe me o Nggoten time perak, mayu kumulinggen ambi wambi woroolik aret wonagagerak.

Wundeegwaarak 9:5

Ndi, o Metit yime eeriyak yagarak ti, ko'lu aret eerigin me, Aliku ALA nen togop aret yegerak o, yinuk, Pirawun yori nak o.”

Wundeegwaarak 9:6

Yoge mbareegi, Karun imbirak Pirawun yori nogogwaarak kwe, eewa yaga'lek mbareegi, Aliku ALA nen ko'lu eeriyak yegerak nogo ndak-ndak eeke logonet, it aakumi Metit mendek inaanggumi abok aret kambit nogogwaarak kwe, it Iterali inaanggumi perak, ambiriluk ambi abu kambulik enaani aret wonagagerak.

Amot 4:7

“Tut kenagan penembunuk, anggen mbaniyak aret kwe, o mayu wura wage kero, tu nake, O kota ambime mayu wuppi wage logonet, o kota ambime mayu wuppi waga'lek mbo piige, Ineyabu ambi yagat wurik me o mayu wogorage logonet, ineyabu ambi yagat wurik me o mayu wogoraga'lek mbuk eerogo piige, Eereegirak paga

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.