Wundeegwaarak 9:16 - Ala Wone Peenok Peebi Mbanak

¹⁶ an nomaawi inom, nendage inom, yi aakumi ndi aakumi o nggween paga yime wonogwe nogo abok aret ineenu arit nogo logowak nduk, at eenik teppege agarik o.

Wundeegwaarak 9:16 Iomraidhean Croise

Oroma 9:17

Ala nen at Pirawun nogo yoge logonet, “Kat eeppagage nogo paga nomaawi lombok kogwe, ndi, an nendage ineenu a'nuk, yi awi ndi awi wiganit nogwe, eeko logowak nduk, kat mippagareegirak o,” yinuk, yoreegerak liiru mbanak nogo wonage me,

Kini Wuppiige 16:4

Yi mendek ndi mendek eeriyak koonggwi nogo abok aret aakumi nen, “Ti yogop nduk eeruwok o,” mba'nuk eerit nogwe nogo Aliku ALA nen waganogo at eeriyak mbaketak mban eerit nage, Ndi, it aap maluk mendek kunduk, aakumi aaninggin inoba eeppiyoorak eyom paga, it maluk mendek ti inake eeppiyoorak nduk, pipuk eerogo piige, eeke menggerak.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

1 Mbinineegwaarak 16:24

At mondok tiyanak menggerak nogo, aakumi lombok inenggela'me mbininogo yorogwe, At iya tit eeke menggerak nogo, aakumi inanebunu lombok yoranet nugwi, Eeko logonip o.

Wundeegwaarak 14:17

Titik ige keenok, niyo mogonnaremenggerak paga aakumi Iterali wunda nogwe me, it Metit mendek muguren wunda nawak nduk, iniki omaawi eerogo piyaminggirak paga muguren wunda nogwe iinok, Pirawun anggweendo inom, it nggweendo wim eeka kuda paga punuk, wonok nogwe ineebe nogo inom, an ambi eeppiige neenok, it Pirawun awuri yigin unde menggerak inom abok aret, Ala wi! yinuk, nendage tiyappugun o.

Oroma 9:22

Iniki mba'nuk aret eeke menggerak ti kokwak, Ala ti ndak-ndak aret eeke menggerak me, at nen ari logonet, “Nanini eeppiige, ndi, nomaawi paga eerit nage, eeke neyaawak o,” yinuk, it at anini eeppiige logonet, ineebe pup eerogo piyaakit mbaketak mendek iniki kwippunuk mondok liirogon eeppiige logorak koongge kenok ti, nonggop mbarumunggup?

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Wundeegwaarak 14:4

an nen Pirawun iniki omaawi eerogo pigin o. Iniki omaawi eerogo piminggirak paga kit mukkiren wogwe iinok, an tiyanak minggirak nogo nen at Pirawun awuri ineegin warak inom ambi eeppiige neenok, it aakumi Metit mendek nen Naliku ALA an aret ineenu arugun o,” yinuk, yoge mbareegi, Muta yoreegerak nogo it aakumi Iterali mendek nogo nen ndak-ndak aret eereegwaarak.

1 Peterut 2:19

Kit maluk eeka'lek kiigak, andi-pandi kinoba pinagagwi iinok, “Ala nen togop eeppinaniyak mbakerak me, op aret eeppinanugwi iigo o,” mba'nuk, waganggwi kiinok, Ala ale'nggen kinoba pinagage kaamunggup o.

Maleyaki 1:14

“An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

1 Tamuwen 4:8

It inagugi omaawi mondok iya me, ineenggime nen ta nen ninagap ndarigin o. It aakumi Metit mendek o karume aaninggin-paaninggin inoba piyareegerak kambit nogo nogogwaarak nogo, inagugi ti nen aret inooke nagagerak me,

Wundeegwaarak 9:15

An neenggi omaawi paga nen at inom, at apuri inom, kugi andi ogole warak mendek paga abu pup agago piyoorak op aret kwe,

Wundeegwaarak 9:17

At iniki ogogumbuk a'nuk, an napuri nawak nduk, teppiiga'lek pippiirogo wonage me,

Nekemiya 9:10

Eeke nagagindik, it Metit mendek nen iniki wogoppako logonet, ninombomini eeppiigo nogogwaarak nogo kat keenu me, aap endagembogut Pirawun inom, at inom eeko menggaarak inom, at o unde menggim aakumi abok aret inom, eerubok mendek eeppiige, inagabiti aruwak nduk eeppiige, eereegindak paga kendage wigak yereegerak me, o yogondak wonage aret o.

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Ndawi 106:8

Kendage tiyanak logowak nen Komaawi ambik menggendak nogo, It ineenu aruwak nduk, inagap ndake,

Yeremiya 32:20

Aa'nduk o Metit paga ineenu agak iya eeriyak mendek inom, eerubok mendek inom, eerit wundi wagagindak nen nok, o yogondak yi kuli it Iterali inenggela'me inom, it aakumi abok inenggela'me inom, eeke yi paga o yogondak kendage wigak yegerak yi aret o.

Yetikiyen 39:21

Yi aakumi ndi aakumi inenggela'me an mondok tiyanak neyaawak nduk eeke logonet, it yi aakumi ndi aakumi abok aret it inomaluk onggo eeppiige nogo neegwi, neenggi omaawi lombok paga inooke nogo neegwi, eerugun o.

Linggineegwaarak 14:21

Togop eekirak kwe, o Metit paga time inom, o karume yime inom, nomaawi paga eerubok mendek iya tit eeke neenok, Wi, yinuk, pi wa'nako logonet kwe, ne 10 kuli an nabut mbaniyak nduk eeko logonet, noone konengga'lek tagambunuk maluk mban eerit wundi wogwe me, it inombomini nggween wogoroorak noone abuk nggaruk togon kumbuk mbanogo yoragagim nogome piya naakit lak, it aakumi yi, an meek eerogo panugwi me, ambiriluk ambi o time inigen kaagun mondok lek o, yinuk, o nggween paga yime menggaarak abok nen Naliku an ALA eeke neenok, Wi! nugwi an mondok neenik minggirak nendage paga nowak mbanogo yokkigi o.

2 Tamuwen 7:23

Kat Ala nen it aakumi Iterali inagap ndarogo kat kapuri lombok aruwak nduk, o Metit paga tebenak wonogwe me, wondet eerogo piige, kendage tiyak yuwak nduk eeke, ndi, kat kaa'nduk a'nuk, mondok iya lombok tam warak negen eeke logonet inawim mugogo wumbiige, inagugi tebenogo piige, eereegindak me, o nggween paga yime abok aret it kapuri Iterali pogom ambi wonogwe lek aret o.

2 Endagembogut 19:35

Yoreegerak oonikiya ti eyom paga it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.