Wundeegwaarak 9:12 - Ala Wone Peenok Peebi Mbanak

¹² Togop eeginabeegerak kwe, at Aliku ALA nen Pirawun abunuk iniki omaawi eerogo pege mbareegi, Aliku ALA nen Muta yoreegerak nogo ndak-ndak it yogwi nogo at aruk konenulik mbo pereegerak.

Wundeegwaarak 9:12 Iomraidhean Croise

Wundeegwaarak 10:1

Ti'nuk, at Aliku ALA nen Muta yoge, “An aakumi Metit mendek inenggela'me ineenu agak eerubok mendek eerikit nduk, at Pirawun inom, at awuri inom wone koongga inom, iniki omaawi agago piigirak nogo ti,

Wundeegwaarak 10:20

Mondok lek ogogwaarak kwe, at Aliku ALA nen Pirawun iniki omaawi eerogo pege mbareegi, it aakumi Iterali nogo nawak nduk, teppiyoolik mondok ogogumbuk aret puk agagerak.

Wundeegwaarak 11:10

Ndi, it Muta Karun imbirak Pirawun enggaanom paga eerubok mendek abok aret eereegwaarak kwe, Aliku ALA nen iniki omaawi agago pereegerak me, Iterali mendek at abu'me piige menggim nen wundi nawak nduk teppiyoolik ogogumbuk aret wonagagerak.

Wundeegwaarak 4:21

Tu paga awo nogwe me, Aliku ALA nen Muta yoge logonet, “Kiyokan o Metit nage logomenggendik, eerubok mendek ee'nok nduk koba pagagirak nogo abok aret Pirawun enggaanom paga liirogon aret eeri nanu o. Eeri namenggendak kwe, aakumi Iterali wundi noorak lek yoraawak nduk, an nen Pirawun iniki omaawi agago pigin o.

Wundeegwaarak 7:4

konengga'lek mban kenok, an neenggi omaawi lombok paga nen it aakumi Metit mendek pippiirogo logonet, maluk eereegwaarak onggo aaninggin mondok alik lombok inoba kwippiige logominggirik, an napuri Iterali mendek inawuri leenok lombok eerak wogoren wundi nagin o.

Wundeegwaarak 9:7

Wonage mbareegi, at Pirawun nen aakumi Iterali inaanggumi inom kanggaarak kero lomboppiyaawak nduk, awuri nappiyareegerak wogo nogogwaarik, “Inaanggumi ambiriluk ambi kambulik aret o,” yinuk, Pirawun yoreegwaarak kwe, at Pirawun nogo iniki omaawi a'nuk aakumi Iterali teppiyoolik ogogumbuk aret pippiirogo wonagagerak.

Oroma 9:18

at Ala nen aap ambi abuwa mba'nuk teppikit mbake kenok, teppege, ndi, ambi iniki omaawi eerogo pikit mbake kenok, iniki omaawi eerogo pege, eeke kogo monggoorak o, yinuk, yokkirage agarik o.