Wundeegwaarak 8:9 - Ala Wone Peenok Peebi Mbanak

⁹ Yoge mbareegi, Muta nen Pirawun yoge, “Ogolem kineebe paga inom, kinawi paga inom, wonage nogo lek a'nuk, niyo Nin inikime mban logowak nduk, kat inom, it kawuri kinom wone koongga inom, kapuri aakumi o Metit mendek inom, abok kinake tamban eeriyak yagandak nogo ti, mandenom eeriyak nogo yo'niru o.”

Wundeegwaarak 8:9 Iomraidhean Croise

1 Endagembogut 18:25

Yogo mbareegwa, at Eliya nen it aap kugi Mba'an wone unde nogo yorage logonet, “Kit kineebe ambik me, kinaa'nduk tapi ngguunok ambi miippunuk, pipuk eerogo pogo logomonggotik, kani paaka'lek kagak, kit alut eeko monggotak kinogoba wiirumunggup o.”

Wundeegwaarak 7:25

At Aliku ALA nen niyo Nin amiya eerogo pereegerak kagak, nogo 6 yereegerak.

Wundeegwaarak 8:10

Yoge mbareegi, Pirawun nen, “Ko'lu aret Aliku ALA yoru o.” Yoge mbareegi, Muta nen ari logonet, “At Aliku ninogoba Ala kokwak ambi wonage lek keenu arenok nduk, kat yagandak nogo ndak-ndak aret eerigin o.

Wundeegwaarak 8:11

Ogolem nogo ti, kat keebe paga inom, kiname paga inom, it kawuri kinom wone koongga iname paga inom, kapuri aakumi o Metit mendek ineebe paga inom, lek age logonet, niyo Nin inikime mban logowak nduk eerogo piyaagin o.”

Wundeegwaarak 8:8

Ogolem nogo wonage mban mbareegi, Pirawun nen Muta Karun imbirak woraawak nduk, wiiragagerak wogo mbareegwa, it yorage logonet, “An inom, napuri aakumi o Metit mendek inom, ogolem ninoba wonage yi, at Aliku ALA nen lek eerogo puwak nduk, tamban eekwi kiinok, an nen kat kapuri aakumi Iterali nogo Aliku ALA ake warogo wogori nawak nduk nappiyaagin o.”

Yetaya 10:15

Aap ambi aye paga eyo muuke kagak, ye ti nen, “At aap yi, iya lek o. An perak iya o,” yinuk, wogoppake, Ndi, aap ambi anggege paga eyo mbangge kagak, nggege nogo nen, “At yi lek o. An mban iya o,” yinuk, tiyappake, Eeko menggaarak mbakop? Aap ambi owaanggun wagangge kenok, waanggun nogo nen, “An nen kat wokkabi o,” yinuk, yoge, Ndi, yawi mbanak nen, “Yogop eeru,” yinuk, aap nogo yoge, Eekulik o.

Linggineegwaarak 14:20

Yoge mbareegi, at Aliku ALA nen ari logonet, “Kat nen nggino yo'negendak nogo ndak-ndak aret inomaluk lek eerogo pigi o.

Owak Loongga 7:2

Wuppunuk wonogwe iigak, at Aliku ALA nen Nggireyon yoge logonet, “An nen aakumi Miriyan mendek kineenggime wokkirage neegak, Iterali nen yogo logonet, Ala omaawi paga lek o. Ata, nit ninomaawi paga eeko o, yinuk, iniki tiyappatukwak, kawuri apit kinom wagandak ti, ando mogonogo nappiyoorak me,