Wundeegwaarak 8:8 - Ala Wone Peenok Peebi Mbanak

⁸ Ogolem nogo wonage mban mbareegi, Pirawun nen Muta Karun imbirak woraawak nduk, wiiragagerak wogo mbareegwa, it yorage logonet, “An inom, napuri aakumi o Metit mendek inom, ogolem ninoba wonage yi, at Aliku ALA nen lek eerogo puwak nduk, tamban eekwi kiinok, an nen kat kapuri aakumi Iterali nogo Aliku ALA ake warogo wogori nawak nduk nappiyaagin o.”

Wundeegwaarak 8:8 Iomraidhean Croise

1 Endagembogut 13:6

Ti eeke mbareegi, aap endagembogut nogo nen aap Ala wone liirogon eeka nogo yoge, “An neenggi wonage menggi kwak obeelom ee'nabuwak nduk, nake tamban eeke logonet, kabuwa warak nggo-nggo Aliku kogoba Ala yoru o.” Yoge mbareegi, abuwa warak nggo-nggo logonet Aliku ALA yoge mbareegi, eenggi wonage menggi kwak obeelom aret agagerak.

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Wundeegwaarak 10:16

Nenet nogwe iinok, Pirawun nen Karun Muta imbirak mbet-mbet woraawak nduk, wiiragagerak nogo mbareegwa, it yorage logonet, “At Aliku kinogoba Ala inom, kit inom, maluk lombok eeppinagagirak me,

Wundeegwaarak 10:17

yogondak maluk eekirak yi kunduk lek eerogo paninuk, aaninggin nen aakumi kanggwi yi, lek aruwak nduk, at Aliku kinogoba Ala yo'nip o.”

Wundeegwaarak 10:18

Yorage mbareegi, at Muta nen Pirawun teppunuk, Aliku ALA yori wage mbareegi,

Wundeegwaarak 14:5

Eeko mbareegwa, it aakumi Metit mendek nen, “It aakumi Iterali o Metit mbo punuk, mbaganit nogo agaarik o,” yinuk, aap Metit mendek endagembogut Pirawun nogo yogo mbareegwa, at Pirawun inom, awuri wone koongga inom, iniki alik koonggo nogogwaarik, yogo logonet, “Nit ninayeloman tebembiirogo monggoorak nogo, nawak nduk nonggop nduk teppiigo o?”

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Wundeegwaarak 8:15

Ndi, ogolem nogo lek agagerak at Pirawun kage nagagerik, iniki aaninggin wonage nogo tayok yereegerak kwe, Aliku ALA nen wone yereegerak nogo ndak-ndak iniki omaawi a'nuk, Muta Karun imbirak inoone koneniyak eebi mbareegerak.

Wundeegwaarak 8:29

Yorage mbareegi, Muta nen, “An yogondak kat mbo paganuk, wundi nage logominggirik, Aliku ALA yoge neenok, ko'lu ti'neebon mili kat keebe paga inom, it kawuri kinom wone koongga ineebe paga inom, kapuri aakumi Metit mendek ineebe paga inom, wonage nogo lek aret arigin o. Ndi, lek age kenok, it aakumi Iterali Aliku ALA ake warogo wogori noorak op yagandak nogo, koone pilit ari logonet, yilinogo pinanukwak, liippu o.”

Wundeegwaarak 8:32

Lek aret age mbareegi, at Pirawun nogo aa'nduk iniki omaawi agagerak nogo ndak-ndak aret a'nuk, aakumi Iterali nogo nawak nduk teppiyoolik, ogogumbuk aret piirogo wonagagerak.

Wundeegwaarak 8:9

Yoge mbareegi, Muta nen Pirawun yoge, “Ogolem kineebe paga inom, kinawi paga inom, wonage nogo lek a'nuk, niyo Nin inikime mban logowak nduk, kat inom, it kawuri kinom wone koongga inom, kapuri aakumi o Metit mendek inom, abok kinake tamban eeriyak yagandak nogo ti, mandenom eeriyak nogo yo'niru o.”

Wundeegwaarak 9:27

Ti eeke mbareegi, at Pirawun nen Muta Karun imbirak wiiragagerak wogo mbareegwa, yorage logonet, “An nogo abu maluk eekirak o. At Aliku ALA nogo ti, abu obeelom mban wonage kagak, an napuri ninom perak, maluk aret eekoorak me,

Wundeegwaarak 9:28

o ngguurubu eeke, mayu kumulinggen wangge, eeke yi, yi kuli aret teppuwak nduk, Aliku ALA yo'nip o. Yogwi kiinok, kit o yime ambinom pinagago logorak lek mbet-mbet wundi namunggup nduk, teppinagagin o.”

Wundeegwaarak 9:33

Ndi, Muta nen Pirawun nogo o kota nogome teppunuk, wungge nagagerik, eenggi titik eeke logonet, at Aliku ALA nogo yoge mbareegi, o mayu kumulinggen wangge nogo puk age, o ngguurubu eeke nogo lek age, eeke logonet, o mayu lubu-lubu nggween paga wangge nogo, mbaneegerak.

Linggineegwaarak 21:7

Kambit nogo mbareegwa, it aakumi Iterali mendek nogo apit aret Muta owagam wogo nogogwaarik, yogo logonet, “Kat inom, Aliku ALA inom, ninoone maluk yokkirogoorak ti maluk nggwok eekoorak o. Ndi, maluk eekoorak paga waalo ineyak mbaninakwi yi, lek aruwak nduk, kat nen Aliku ALA yoru o, ninogoba!” Yogo mbareegwa, at Muta nen it inake Ala yoreegerak.

Nappiigak 8:24

Yinuk, mberege mbareegi, at Timon nen, “Ai! Kit yogotak nogo an ee'nake kero, kinogoba Ala yogo logonip o,” yoragagerak.

1 Tamuwen 12:19

Mbako nogogwaarik, it aakumi abok nen Tamuwen yogo logonet, “Nit ninomaluk aa'nduk eeko nogoorak wonage kagak, Aap ambi ninowe endagembogut logowak o, yinuk, nggino yokkogoorak nogo ti, maluk ambinom aret eekoorak me, nit kambukwak, kayeloman mini ninake at Aliku kogoba Ala yoru o.”