Wundeegwaarak 8:6 - Ala Wone Peenok Peebi Mbanak

⁶ Yoreegerak nogo at Karun yoge mbareegi, Karun nogo owaanggun paga yi niyo ndi niyo o Metit wonage nogo titik ige mbareegi, ogolem apit aret nugut tiyak agan lagit wogo logonet, o Metit time nggween enete lek a'nuk ogolem mban nugut tiyak yereegwaarak.

Wundeegwaarak 8:6 Iomraidhean Croise

2 Tamuwen 7:22

Kaliku Kitok Menggendak nogoba ALA kat abu nggwok aret menggendak me, nit lombok nen ninaruk konenggo monggoorak ndak-ndak, kat pogom ambi wonage lek Ala kalik aret menggendak o.

2 Mbinineegwaarak 6:14

Aliku ALA yoge logonet, “Kaliku Iterali inogoba Ala wae. Mbogut paga inom, nggween paga yime inom, kat Ala kwak ambi wonage abu lek aret o. It kayeloman mini nen iniki inom, ineebe inom, mondok nggaruk togon kat paga panggombunuk, kenggaanom paga liirogon eerit nogo menggaarak nogo, kiniki kunik aganake logonet, kinom wone koonogo pereegindak nogo mbeyok yukwak, a'me nggelok eeke menggendak me, wa!

Ndawi 105:30

Ogolem inanggween paga ninggirogo punuk, Aap endagembogut awuri inom iname inago ogoorik-ogoorak me unggwit nogwe,

Ndawi 78:45

Ti'neebon nen ineebe nawak nduk nappiya wage, Inomanggen tayok yuwak nduk Ogolem inenggela'me nappiya wage,

Ndawi 86:8

Nogoba o. Yi kugi ndi kugi inenggela'me kat Ala kokwak ambi wonage lek aret o. Kat eerit nage kwak, it ambi nen eeka'lek aret o.

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Wundeegwaarak 10:2

it aakumi Metit mendek nen, Nit ninomaawi meek aret kagi, mbaruwak nduk, at Ala nen ineenu agak eerubok mendek yogop eeppiige nagagerak o, yinuk, kapuri-kombowologwe mbininogo yorage, ndi, Naliku an ALA kineenu ogwe, eeko logomunggup nduk, eeke me, Pirawun yori nak o,” yinuk, nappereegerak.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 7:19

Yoge mbareegi, yori nogogwaarak kwe, eewa yaga'lek mbareegi, Aliku ALA nen Muta yoge, “Niyo nage paga inom, yomban wogome inom, niyo yenggenak paga inom, eyo nenaarak me niyo toolak inom, o Metit paga yi niyo ndi niyo abok aret owaanggun titik ige kenok, o Metit ilin-unggut eyo nenaarak me toolak inom, yugum nenaarak me toolak inom, abok aret amiya lombok telek yuwak nduk, Karun yoru o.”

Wundeegwaarak 9:29

Yorage mbareegi, it nen at yogwi, “O nggween yi, Aliku ALA mban unde menggerak keenu arenok nduk, o ngguurubu eeke nogo lek age, o mayu kumulinggen wangge nogo mbangge, eeruwak nduk, an o kota yime nen wundi nage logominggirik, neenggi titik eerogo Aliku ALA yori nagin kwe,

Yetaya 43:10

Aliku ALA nen ari logonet, “It an napuri ti, an eeke inigen neenok yoraga it aret o. It an liippanugwi, abet nombakwi, ndi, an Ala nalik aret ineenu ogwe, Eeruwak nduk, An nen leenogo piyareegirak nayeloman mini aret agaarik o. An aa'nduk nalik nitok neegak, Ala alik ambi logolik o. Ndi, an peebi logogin lek kenok, Ala alik ambi wonage logogin lek mban.

Ala Unde 11:12

Yi mendek ndi mendek niyoome menggaarak inagabolo omaawi obaga nabenak mondonogo nappugwi lek eraabin kwi nogo mendek inom, inamborowak anggege paga niyo kilaarit nugwi lek nogo mendek inom, abok aret, Ogole o, yinuk, nengga'lek mbo pogo logowak o.

Pelaareegerak 32:31

Togop aret eeppinanit nogo logogun kwe, Yugum Nu'lek Menggi kwak, nit at paga panggonak wonogwe nogo kwak, It kunduk togop panggonak wonogwe lek ineenu agaarik o.

Pelaareegerak 33:26

Ti'nuk, wone ambinom yoge, “Kit aakumi Yetiyurun mendek yi wae. Kit kinogoba Ala kokwak ambi wonage lek o. At nen yeenggwa kiraawak nduk, mbogut paga nen at aa'nduk ari wage, Ndugwi abinak lan ee'nuk wage, Eeke menggerak me,

Pelaareegerak 4:35

Ala nen eerit wagagerak abok aret kinigen kogotak ti, at kokwak ambi wonage lek o. At Aliku ti, Ala alik aret mbarumunggup nduk, eereegerak o.

Wayu 16:13

Kage nagarik, nenegen neegak, waalo nggwok tinambe pogom nogo ambeme inom, nggeewo anini warak niyome nen wundi wagaarak nogo ambeme inom, ndi, aap pilit wone pugunogo yorage menggerak nogo ambeme inom, time nen ogolem pogom kugi maluk lombok ineebe kenagan wundi wogwe iigirak.