Wundeegwaarak 8:21 - Ala Wone Peenok Peebi Mbanak

²¹ Nappiiga'lek kenok, an nen ti'neebon mili at oba inom, awuri inom wone koongga inoba inom, apuri aakumi Metit mendek inoba inom, inawi wurik paga inom, nappi woraminggirak paga it aakumi Metit mendek inanggween paga inom, iname paga inom, abok aret ti'neebon mili nik yigin o.

Wundeegwaarak 8:21 Iomraidhean Croise

Ndawi 105:31

At Aliku ALA oone ari kenok, Ti'neebon ninggi'nuk wogwe, Iname abok aret laami nggit-nggit unggwit wogwe, Eereegwaarak.

Ndawi 78:45

Ti'neebon nen ineebe nawak nduk nappiya wage, Inomanggen tayok yuwak nduk Ogolem inenggela'me nappiya wage,

Wundeegwaarak 10:6

Ndi, ombomini-ogobamini o nggween paga yime maan nda'nogogwaarak kuli nen nok yogondak wonogwe kuli yi paga, yogop ambi eeke kogo logolik mendek yogondak mban aret wurin ninggilu-punggulu eeke logonet, at ame inom, awuri inom wone koongga nogo iname inom, aakumi Metit we ugun mendek iname inom, apit aret wurin mban enete kuuri'lek ari unggwi woraagun, yegerak o,” yo'nuk, Pirawun mbo punuk iniyokan wundi wogogwaarak.

Wundeegwaarak 8:20

Ti'nuk, at Aliku ALA nen Muta yoge, “Kat kuubondendok keenik a'nuk at Pirawun niyo aa'nggi paga wage me, kimbirak lambungge logomenggendik, at yoge, At Aliku ALA nen ari logonet, An napuri Iterali nogo, nalut eeri nawak nduk, nappiyaawak o.

Wundeegwaarak 8:22

Naliku an ALA o Metit yime wonage nogo, at Pirawun eenu aruwak nduk, an napuri Iterali mendek inom, at apuri Metit mendek inom, inalitak ogoorogo piyaminggirak me, an napuri Iterali mendek o Nggoten wonogwe me nogome ti'neebon mili lom eerak nugwi iyaagin lek o. At eenu agak eerubok yi nogo ti, ko'lu aret age kaagin, yegerak o, yinuk, yori nak o.”

Wundeegwaarak 8:24

Yoge mbareegi, Karun imbirak Pirawun yori nogogwaarak kwe, eewa yaga'lek mbareegi, Aliku ALA yoragagerak nogo it eeko mbareegwa, Pirawun ame o nggwok abe wurik me inom, it aap Pirawun awuri inom wone koongga iname inom, o Metit ti, ti'neebon mili nogo apit aret yagabit tobo agan wogogwaarak paga o Metit ti, etenggen maluk aret agagerak.

Yetaya 7:18

Ne ti eyom paga Aliku ALA nen nuwet-koole ari kenok, ti'neebon niyo Nin elaganggen irip-irip time wonage nogo wogwe, nggiin o nggween Atiyut paga wonage nogo wogwe, eerugun o.