Wundeegwaarak 8:13 - Ala Wone Peenok Peebi Mbanak

¹³ Muta nen Aliku ALA yoreegerak nogo, aruk konembunuk, iname inom, inawoore'nggam inom, ineyabume inom, ogolem wonage nogo apit aret kambit nogogwaarak me,

Wundeegwaarak 8:13 Iomraidhean Croise

1 Mbinineegwaarak 23:28

It Lewi mendek ti nen at Karun paga wiganak nen Aliku ALA awi wurik me eekwi nogo, yeenggwaarogo logowak nduk, ineyabu unde eeppiyareegwaarak nogo ti, Ala awi wurik oore'nggam endekem inom, akem ko ogoorik-ogoorak aago me inom, unde wonogwe, yi mendek ndi mendek Ala ake alik leenak wonage nogo, maluk age kero, liirogon ndegenggo logonet, Ala awi wurik me eeko logorak yugu nogo eekwi,

Ndawi 105:31

At Aliku ALA oone ari kenok, Ti'neebon ninggi'nuk wogwe, Iname abok aret laami nggit-nggit unggwit wogwe, Eereegwaarak.

Wundeegwaarak 8:11

Ogolem nogo ti, kat keebe paga inom, kiname paga inom, it kawuri kinom wone koongga iname paga inom, kapuri aakumi o Metit mendek ineebe paga inom, lek age logonet, niyo Nin inikime mban logowak nduk eerogo piyaagin o.”

Wundeegwaarak 8:12

Yoge nagagerik, Muta Karun imbirak Pirawun teppunuk wundi nogo nogogwaarik, ogolem Pirawun owagam nappi wagagerak wonage nogo lek aruwak nduk, Muta nen oone nggwok paga Aliku ALA yoreegerak.

Wundeegwaarak 8:14

it aakumi Metit mendek nen ogolem kambit nogogwaarak nogo kuwak agago pit nogo mbareegwa, o Metit nogome obari ambik ndi wuke nagagerak.