Wundeegwaarak 7:4 - Ala Wone Peenok Peebi Mbanak

⁴ konengga'lek mban kenok, an neenggi omaawi lombok paga nen it aakumi Metit mendek pippiirogo logonet, maluk eereegwaarak onggo aaninggin mondok alik lombok inoba kwippiige logominggirik, an napuri Iterali mendek inawuri leenok lombok eerak wogoren wundi nagin o.

Wundeegwaarak 7:4 Iomraidhean Croise

Wundeegwaarak 10:1

Ti'nuk, at Aliku ALA nen Muta yoge, “An aakumi Metit mendek inenggela'me ineenu agak eerubok mendek eerikit nduk, at Pirawun inom, at awuri inom wone koongga inom, iniki omaawi agago piigirak nogo ti,

Wundeegwaarak 11:9

Wungge mbareegi, Aliku ALA nen Muta yoge, “At Pirawun nen kat koone koneniyak, eebi, kombake me, an nen o Metit paga yime eerubok mendek eeke nogo abunuk ambinom eeke logogin o,” yinuk, yoreegerak.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Wundeegwaarak 13:3

Yoge mbareegi, at Muta nen it aakumi Iterali yorage, “Kit aakumi Metit mendek inayeloman eerak wonogwe me nen ne yi paga aret Aliku ALA eenggi omaawi paga wokkiren wundi woramenggerak me, ne yi paga ari wage kenok, abeko logonet, laago nggwok aret lako logomunggup o. Lako logonet, oroti piiruwak nduk, pogo menggaarak ragi nogo yi mendek ndi mendek enggela'me punuk, amok mbanogo nonggo logorak mage o.

Wundeegwaarak 13:9

At Aliku ALA eenggi omaawi paga kit o Metit nen wokkiren wundi wagagerak kenok, laago yi lako logorak me, at Aliku ALA nen, eeko logorak wone lengganogo yokkiragagerak kinikime mondok-mondok porogo logorak yereegerak aberak logomunggup nduk, kineenggi paga inom, kinenggaawak paga inom, ligi negen te'mulunik aret logowak o.

Wundeegwaarak 18:8

Unggwi wogogwaarak wonogwe me, at Aliku ALA nen it aakumi Iterali o Metit nen wundi nawak nduk, Pirawun aakumi Metit mendek inom eeppiige, ndi, aakumi Iterali tu paga wogo logonet, aaninggin inoba wonogwe iinok yeenggwaarage, eerit wagagerak nogo Muta nen liirogon mbininogo yoreegerak.

Wundeegwaarak 3:19

Yorumonggotak kwe, aap ambi eenggi omaawi ambik paga eeppega'lek kagak, E o, yokkiraagin lek ti, neenu aret me,

Wundeegwaarak 3:20

an neenggi omaawi paga eerubok mendek eeke logonet, it Metit mendek alik negen yigirogo inooke neenok perak, teppinagamenggerak wundi woraamunggup o.

Wundeegwaarak 6:1

Yoge nagagerik, Ala nen Muta ambinom yoge logonet, “Naliku ALA an aret o.

Wundeegwaarak 6:26

Ndi, aakumi Iterali o Metit nen wogoren wundi nawak nduk, aap Metit inowe endagembogut Pirawun yoreegwaarak tirogon aap inalik lek Karun Muta imbirak mban aret.

Wundeegwaarak 6:6

it an napuri lombok ogwe, ndi, an inogoba Ala aret age, eerigin me, it aakumi Metit mendek inake yabu eeko logowak nduk, inoone omaawi paga yorogwe nogo, ineenggime nen ndinogo wondet eerogo piyaminggirak paga Naliku inogoba Ala an aret ineenu arugun o.

Wundeegwaarak 7:13

Togop aret eereegerak kwe, Aliku ALA nen aa'nduk yereegerak nogo ndak-ndak Pirawun iniki omaawi age nagagerik, inoone konenulik mbo pereegerak.

Wundeegwaarak 7:16

Tokkogwe me, kiniya nage kenok, yogo logonet, Aakumi Iberani inogoba Aliku Ala nogo nen, Napuri o karume nalut eeri nawak nduk teppiyaawak, yogirak kwe, aa'nduk nen nok-nok yogondak kuli yi paga an noone ari nogo, at aruk konengga'lek me,

Wundeegwaarak 8:15

Ndi, ogolem nogo lek agagerak at Pirawun kage nagagerik, iniki aaninggin wonage nogo tayok yereegerak kwe, Aliku ALA nen wone yereegerak nogo ndak-ndak iniki omaawi a'nuk, Muta Karun imbirak inoone koneniyak eebi mbareegerak.

Wundeegwaarak 8:19

It aap kugi alom ineenu nogo nen wakkogogwaarak meek aret age mbareegi, Pirawun yogwi, “Yi Ala eenggi omaawi paga nen aret eeke o,” yoreegwaarak kwe, Aliku ALA nen wone aa'nduk yereegerak nogo ndak-ndak aret Pirawun iniki omaawi age nagagerik, it inoone konenulik mbo pereegerak.

Wundeegwaarak 9:12

Togop eeginabeegerak kwe, at Aliku ALA nen Pirawun abunuk iniki omaawi eerogo pege mbareegi, Aliku ALA nen Muta yoreegerak nogo ndak-ndak it yogwi nogo at aruk konenulik mbo pereegerak.

Wundeegwaarak 9:3

Naliku ALA nen inaanggumi endekem wonage kambin-ndomba inom, keledai-kuda inom, tapi-unta inom, kugi andi ogole warak mendek ambi inoba nappi woraagin o.

Kini Wuppiige 19:29

Aap miyuk-meya eerogo piiga eeppiyoorak onggo inake pipuk aago wonage, Ndi, aap iniki lek wi inamborowak paga yawi inooriyak inake eerak wonage, Eeke menggerak.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Leendawi 3:3

Kulinik-kalinik kuubondendok nen nok, oonikiya nabuwa mbaka'lek nookak mban eeke, Eeke nagagerak o.

Yetikiyen 14:21

At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!

Yetikiyen 25:11

Wogorage logonet, it Mowap mendek inomaluk onggo inoba kwippiyaagin me, kwippiige neenok, Naliku ALA an aret ineenu arugun o,” yinuk, yegerak me, yokkiragi o, yoragagirak.

Yetikiyen 30:14

O Patarot yi oone lek ndi oone lek o wogo aret eerogo pege, O Towan kani pege, o Tebe inomaluk onggo inoba kwippiige,

Yetikiyen 30:19

It Metit mendek inomaluk onggo inoba kwippiyaagin me, kwippiige neenok, Naliku ALA an aret ineenu arugun,” yegerak me, yokkiragi o, yinuk, yoragagirak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 19:2

Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,

Owak Loongga 2:15

At Aliku ALA nen wone kumbuk mbanogo yoragagerak ndak-ndak, wim namburiyak nduk wundi nogwe iinok, ineegin tebek yuwak nduk, Aliku ALA nen eeppiige kagak, aaninggin-paaninggin alik negen inoba age nagagerak.