Wundeegwaarak 7:11 - Ala Wone Peenok Peebi Mbanak

^11-12 Waalo aret age mbareegi, at Pirawun nen o Metit time aap kugi alom ineenu inom, tili pagangga inom, wiiragagerak wogo nogogwaarik, inalitik-inalitak inowaanggun woppunuk, inikime nen mban inagugi nogo linogo mbo nappogo mbareegwa, waalo aret agagerak kwe, Karun owaanggun nogo nen perak, it inowaanggun nogo tigitogon aret nenggegerak.

Wundeegwaarak 7:11 Iomraidhean Croise

Wakkagagerak 41:8

Mbake nagagerik, ko'lu kuubondendok at Pirawun nogo nen iniki piirik age mbareegi, aakumi o Metit mendek inabi kogwe iinok, eebe yoraga inom, it aap yi wone ndi wone ineenu mendek inom, abok aret wiiragagerak kuwak ari wogo mbareegwa, abi kagagerak nogo mbininogo yoragagerak kwe, it nogo ambi nen, “Kabi kagandak ti, eebe yi aret o,” yinuk, yorulik aret eereegwaarak.

Wundeegwaarak 7:22

Ti eereegerak nogo it aap Metit mendek kugi alom ineenu nogo nen inagugi nogo inikime nen mban eeko mbareegwa, niyo nogo amiya age mbareegi, at Pirawun nogo Aliku ALA aa'nduk yereegerak nogo ndak-ndak iniki omaawi age nagagerik, it Muta Karun imbirak inoone konenulik mbo punuk,

Wundeegwaarak 8:18

It aap kugi alom ineenu nogo nen laami agagerak kokwak aruwak nduk, inagugi nogo inikime nen mban eereegwaarak kwe, it togop eeriyak meek aret agagerak. Ndi, laami nogo aakumi ineebe paga inom, inaanggumi paga inom, abok aret inoba nagabak wonagagerak.

Wundeegwaarak 8:3

Niyo Nin inikime ogolem mban nugut tiyak agan lagit wogo logonet, ame o nggwok abe wurik me inom, nogo yege menggim inom, ageyo ndoonak paga inom, at awuri inom wone koongga iname inom, ndi, apuri aakumi o Metit mendek iname inom, oroti worako menggam inom, tenggap oroti amok mbanggo menggam inom,

Wundeegwaarak 8:7

Togop eeke mbareegi, it kugi alom ineenu nogo nen inagugi nogo inikime nen mban eeko mbareegwa, o Metit nogome ogolem togop mban nik yereegerak.

Ndaniyen 2:2

Meek age mbareegi, it kugi alom ineenu nen yoraga inom, inagugi nen yorage kenok, yoraga inom, it aap tili pagangga inom, laaluguragan pekkenok yaga inom, abok aret nen abi kagagerak eebe nogo mbininogo yoruwak nduk, wiiragagerak. Wiiragagerak owagam mi'nari unggwogo mbareegwa,

Ndaniyen 2:27

Yoge mbareegi, at Ndaniyen nen aap endagembogut nogo yoge, “Nabinggaanggo alom abu nobarak kagarak nogo yo'ninip o, yagandak ti, it aap yi wone ndi wone alom ineenu inom, inagugi nen yorage kenok yoraga inom, it kugi alom ineenu inom, it tili pagangga inom, abok aret nen, Alom ndogop o, yinuk, kin paga yokkiriyak meek aret kwe,

Ndaniyen 4:6

Nabinggaanggo kagagirak ti, it aap yi wone ndi wone alom abok ineenu o Mbaben wonogwe nogo nen paganogo yo'niri woraawak nduk, wiiragagirak o.

Ndaniyen 5:11

It kugi inayuk warak lombok nen yoragaatak ineenu mengga kwak aap ambi togop aret yogwi iinok, abu eenu me, kat nogoba kabu'me piinok menggenom yime agaarik o. Kat kogoba endagembogut logonet, wone lengganogo yorage kagak, at aap ti, wone mbet-mbet liippege, wone abok eenu logonet ari, kugi ineenu kwak iniki warak lombok wonage, eeke nagagerak. Aap endagembogut kogoba Nebukanetat ti nen it kugi alom ineenu inom, inagugi nen yorogwe iinok yoraga inom, laaluguragan pekkenok yoraga inom, it tili pagangga inom, abok aret at abu'me piinok inowe logowak nduk mippereegerak o. Kogoba endagembogut nogo nen aret eereegerak me yagi o.

Ndaniyen 5:7

Eeke logonet, aap endagembogut nogo it aap inagugi nen yorogwe iinok yoraga inom, laaluguragan pekkenok yaga inom, it tili pagangga inom, it yi wone ndi wone alom yelok kaga o Mbaben mendek abok wiiragagerak wogo mbareegwa, yorage logonet, “Kit ambi nen wone liiru mbanak yi, lunggo logomonggotik, Alom yogop nduk liiru mbanak o, yinuk, yo'nugwi kiinok, yum maa'ngga anggup kunik at yippege, iinggen mbuti emas mendaarak enggaanok me yippege, eeke logominggirik, an nabu'me piinok wone lengganogo yorage minggim nineebe mbere tiyanak niigak at ninabu'me tiyanak logonet, ninom wone lengganogo yorogo logowok nduk, mippigin o,” yinuk, yoragagerak.

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Nggalatiya 3:1

Kit Nggalatiya mendek yi wae. Yetut Keritut eyo karo-karo paga kambeegerak wone nogo, kumaarak lek mondok kin paga aret paganogo yokkirage nagagirak konenggo nogogutak kwe, yogondak ta nen kugi pulunogo pinagagerak kenok, kiniki lek kumili negen agan nugu ogotik?

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

2 Timotiyut 3:8

It aap Yanet Yamberet imbirak en Muta wone, “Nineebi o,” yinuk, yogogwaarak nogo pogom, it aap ti, Ala ari menggerak wone, “Nineebi o,” yinuk, yogo menggaarak. It iniki mondok maluk mban koonggwi me, nit wone abet mba'nuk eekwi paga inabut mbambunuk, eekwi lek iinok, mbo piyareegurak.

2 Timotiyut 3:9

It aap Yanet Yamberet imbirak nen eerit nogogwaarak kin agagerak nogo pogom, it aap ti, iniki ugun kobak logonet, agan nugwi nogo aakumi abok inenggaanom paga pagak ari kenok, ambinom eeko logogun lek o.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.

1 Tamuwen 6:2

it aakumi Pilitin mendek nogo nen aap kugi unde inom, it tili pagangga inom, woraawak nduk, wiirogogwaarak wogo mbareegwa, yorogo logonet, “Aliku ALA aloobut mbanak yi, nonggop eeruwok o? Iyokan wonagagim nappuurak kenok, nonggop agago nappuurak, yo'niraanip o.”