Wundeegwaarak 7:10 - Ala Wone Peenok Peebi Mbanak

¹⁰ At Aliku ALA nen wone abok aret Muta Karun yorage mbareegi, it imbirak Pirawun owagam nogo nogogwaarik, Aliku ALA nen yoragagerak nogo ndak-ndak Karun owaanggun nogo Pirawun inom, it aap Pirawun inom wone koongga inom, inigen iigak inabu'me mbo pege mbareegi, waanggun nogo waalo aret agagerak.

Wundeegwaarak 7:10 Iomraidhean Croise

Ndawi 135:9

Kat o Metit yi wae. Kat kenggela'me time eerubok mendek iya tit eeke, ineenu agak mendek eeke, Eeke logonet, Aap Pirawun inom, at inom eeko menggaarak abok inom, Aaninggin inoba piige,

Wundeegwaarak 12:28

Alut eeppunuk, iname nogo nogogwaarik, Aliku ALA nen it Iterali eeko logowak nduk, Muta Karun imbirak yoragagerak nogo ndak-ndak aret eereegwaarak.

Wundeegwaarak 4:3

Yoge mbareegi, Aliku ALA nen, “Nggween paga mbo pu o.” Yoge mbareegi, nggween paga mbo pege nagagerik, waanggun nogo waalo aret age mbareegi, Muta nogo ogole nen tayo yi nagagerak.

Wundeegwaarak 7:15

aap Pirawun kuubondendok niyo Nin aa'nggi paga nage menggerak me, kit ko'lu kuubondendok waanggun waalo agaarak nogo kineenggime wonok Pirawun kinom lambuniyak nduk, niyo Nin aa'nggi paga taati tokkogwe a nanu o.

Wundeegwaarak 7:20

Yoge mbareegi, Muta Karun imbirak Aliku ALA yoragagerak nogo ndak-ndak at Karun nen owaanggun wagangge nagagerik, Pirawun inom, it aap Pirawun inom wone koongga inom, inigen iigak, niyo Nin nogo wake mbareegi, yi niyo ndi niyo nogo abok aret amiya lombok telek yereegerak.

Wundeegwaarak 7:6

Yorage nagagerik, at Aliku ALA nen Muta Karun imbirak ambinom yorage logonet, “At Pirawun nen, Eerubok mendek ambi ee'nip o, yokkirage kenok, kat nen Karun yoge logonet, Kowaanggun ti, waganogo Pirawun owagam nggween paga ya'i mbo nappu o, yoge keenok, mbo nappemenggerak waalo aret arigin o,” yinuk, yoragagerak. At Aliku ALA nen Muta Karun yoragagerak nogo ndak-ndak Pirawun yori nogogwaarak nogo ti, at Muta ndarak kagak tahun 80 eeke, ndi, Karun nogo ndarak kagak tahun 83 eeke, eereegwaarak paga aret yori nogogwaarak.

Amot 9:3

It nen kole puut Karemen paga kumaa'nari namenggaarak kwe, an kwaaganabit nage logomenggirik, piginabunuk, time nen wogoren wage, An wonage me nen kole niyo nggwok laut inikime ogu lombok kumaa'nari wambemenggaarak kwe, waalo nggwok nogo nen eyak mbaninabuwak nduk, yoge,

Marakut 16:18

waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.

Lukat 10:19

Waalo aakumi inooka inom, nggitamuru inom, kiniyok paga aan mbelenogo pugwi, at kinom wim mbanak nogo omaawi lek eerogo tebenogo pugwi, eeko logobagip nduk, an nawone kilikkiragarak. Nawone kilikkiragarak me, maluk ambi kinoba arigin mondok lek aret o.