Wundeegwaarak 6:4 - Ala Wone Peenok Peebi Mbanak

⁴ it aakumi Metit mendek nen Iterali mendek inayeloman eeppiirogo wonogwe iinok, Yi eeppinanugwi ao, yinuk, ineebi-ineeba yogwe nogo, konengge nagarik, an noone mondok nggaruk togon yoragagirak nogo abekirak o.

Wundeegwaarak 6:4 Iomraidhean Croise

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 15:13

at Aliku ALA nen at yoge logonet, “Kat kombowologwe nda'naremenggaarak nogo nen aakumi iname we nggiru negen ari nanuk wonogwe iigak, it aakumi nen inayeloman eeppiinok logonet, meek lagik-loguk aganakwi iigak, tahun empat ratus eerugun me, wone yi abet aret yokkege me, liippu o.

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 17:13

It inagabolo mbanak ti paga, Wone yugu nogo lek aga'lek mondok aret logogin kagi, yinuk, aberak logowak nduk, kame nen ndarak inom, kawu paga kunik inom, ambi teppiiga'lek abok aret inagabolo mbanggo logonu o.

Wakkagagerak 17:4

“An perak, ninom wone abuk nggaruk togon mbaneegurak nogo aret yokkiri o. Kat keebe nogo ti, yi aakumi ndi aakumi inanebunu lombok inombo aret arumunggun me,

Wakkagagerak 23:4

“An aap alik mendek nggiru wagarak kinenggela'me ninom wonage neegak, nakwe kanggerak me, an nakwe pege, ndi, an mendek kanggwi iinok piigwi, eeko logorak me, kinanggween ambi onggo mbanikit nduk, yo'ninip o.”

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

Wakkagagerak 26:4

An nen kat kapuri-kombowologwe ti, laaluguragan mbogut paga ambik wonage ti pogom, ambik agago wokkege, ndi, o yime taganak abok aret it unde eeppunuk logowak nduk, wogorage, eerigin o. At Abarakam nogo nen an wone ari minggirak inom, Yogop ee'nu ndogop ee'nu, wone yugu inom, wone lengganak inom, Yogop eeriyak ndogop eeriyak mage wone yugu inom, mondok liippunuk, yanggonak mban eeke nagagerak me, kit ndak-ndak eekwi paga it yi aakumi ndi aakumi o nggween paga yime menggaarak abok aret inale'nggen mbako logogun o,” yoreegerak.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 28:4

Ala nen Abarakam wogoreegim aap nggiru negen wonage menggenom o yi, yogondak kat unde eekkolaanok nduk, at Ala nen Abarakam ale'nggen oba pege nagagerak pogom kat kombowologwe kinom kinoba pinagage logogin o,” yinuk,

Wakkagagerak 6:18

It abok aret ndonggoninabit nage logonet kwe, kat kakwe kimbirak inom, kapurilogwe it inakuwi inom, abok aret kinagap ndarikit nduk, yiiro kat wuremenggenom nogome aret unggwi namunggup o, yinuk, noone abuk nggaruk togon aret yokkiragi o.”

2 Tamuwen 23:5

Ala enggaanom paga naaganapuri ninom Togop aret wonogwe nogo lek a? An mondok-mondok eeke logokit nduk Nimbirak wone li'lak koonogo punuk, Mbeyok yukwak liirogon unde wonage, Yi wone ndi wone noba age me nagap ndake, An uugwe mbarit nage nogo wo'nege, Eerigin lek mbakop?

Ndawi 105:11

“Nggween o Kanan ti, yate kwak mondok unde logobagip nduk, wokkiraagin o,” Yinuk, yorage, Eereegerak.

Ndawi 105:12

Ineebe mbuuluk mban wonogwe, Ineebe mbereret aap nggiru kwak wonogwe, Eeko logonet,

Wundeegwaarak 13:4

Tut yogondak iyaalok Abip penenak yi paga aret o Metit mbo punuk, wundi namunggup o.

Wundeegwaarak 13:5

Wundi nogwe me, at Aliku ALA nen wokkiren it aakumi Kanan mendek inom, Ket mendek inom, Amori mendek inom, Kewi mendek inom, Yebut mendek inom, wonogo menggam yilak amburu inom, nggiin amburu inom, niyo eneeri negen kila-kila wungge menggim kinombomini wogoraagin o, yinuk, kumbuk mbanogo yoragagim nogome pinagi namenggerak wonogo logonet, tut yi peneni wage kenok, laago yi, lariyak abeko logonet,

Wundeegwaarak 6:8

Ti'nuk, at Muta nen aakumi Iterali wone ti yoragagerak kwe, inayeloman eeppiinok, inoone omaawi paga yorogo logonet, yawi inom inookwi paga iniki ale'nggen abu lek agagerak me, wone yoragagerak ti, abet mbarulik.

Yetaya 55:3

At nen wone yo'nirage liippuwok o, yinuk, an neya wogwe, Ineenik logowak nduk, noone inaruk liirogon konenggwi, Eeko logowak o. An kabuwa nen obeelom mban eeppagagak eeke logogin o, yinuk, at Ndawut koonogo yoreegirak nogo ndak-ndak, Wone lek ariyak lek mondok-mondok eeko logorak wone ninom koonogo puwok o.

Linggineegwaarak 10:29

Eeko mbareegwa, at Muta aru aap Miriyan mendek Erekuwen aput Kobap nogo Muta nen yoge, “At Aliku ALA nen, Nggween wokkiraagin o, yinuk, yereegim nogome nogwe me, nit ninom nawok nduk omok o. Ninom nogo logomonggoorik, Aliku ALA nen nit aakumi Iterali obeelom eeppinaniyak, yo'niragagerak nogo obeelom eeppinanege kenok, nit nen kat obeelom eerogo pagagun o.”

Nappiigak 7:5

Nappi wagagerak wonage me, at Ala nen Abarakam unde logowak nduk nggween ambi mbanege, we mbuuriluk mbanak ambi kolaawak nduk wogoge, eerulik aret kwe, at apurilogwe abu lek iigak, yoge logonet, Nggween yi, kat inom, kat paga wiganak inom, unde logomunggup o, yinuk, wone abuk nggaruk togon yoreegerak.