Wundeegwaarak 6:12 - Ala Wone Peenok Peebi Mbanak

¹² At Aliku ALA nen, “Aakumi Iterali apit aret o Metit nen wogoren wundi woraawak nduk, aakumi Iterali mendek inom, Pirawun inom, yora nanip o,” yinuk, Muta Karun imbirak yoragagerak nogo ti aret.

Wundeegwaarak 6:12 Iomraidhean Croise

Wundeegwaarak 3:11

Yoreegerak kwe, at Muta nen Ala yoge, “An Pirawun owagam nage logominggirik, aakumi Iterali o Metit nen wogoren wundi woroorak yo'negendak nogo ti, an ta nduk yo'negen o?”

Wundeegwaarak 3:13

Yoge mbareegi, Muta nen Ala yoge, “Togop aret kwe, an aakumi Iterali wonogwe me nage logominggirik, Kinombomini inogoba Ala nogo nen nappani wagarak kinowagam wagi o. Yorage neenok, it nen an kin wa'nako logonet, At endage ta? Yo'nugwi iinok, an nen onggo nano yoraagin o?”

Wundeegwaarak 4:1

Yoge mbareegi, at Muta nen Ala yoge, “It aakumi Iterali mendek nen an yoraminggirak nogo noone konembunuk abet nombaka'lek logonet, At Aliku ALA nikkeya woroolik kagak pilit ari o, yo'nugwi iinok, an nen nonggop yoraagin o?”

Wundeegwaarak 4:10

Yoge mbareegi, at Muta nen Aliku ALA yoge, “Ai nogoba! An kayeloman o maan nen yogondak wone yori noorak yo'negendak yi kuli, aakumi ninom wone mbangge logonet, noone teeluk mbanggeelik nambe aaninggin me, meek o.”

Wundeegwaarak 6:13

Muta Karun imbirak inombomini paga wiganak inendage yi aret. Aap Yakup apuluk manggu ndarak Uruben apuri inendage ti, Kenok, Palu, Ketoron, Karimi aret. At Uruben paga nen wiganak ndarak nogo ti aret.

Wundeegwaarak 6:9

Abet mbaka'lek mbareegwa, at Aliku ALA nen Muta yoge logonet,

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yeremiya 1:6

Yo'nege mbareegi, an nen at yoge logonet, “Ai! Kaliku Kitok Menggendak ALA o. An awo wulaga mbuuluk aret o. Ndi, wone yuurak kunduk kobak aret o.”

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,