Wundeegwaarak 5:6 - Ala Wone Peenok Peebi Mbanak

⁶ Yorage nagagerik, ne ti eyom paga Pirawun nen at awuri Metit mendek yabu eekwi unde inom, it Iterali mendek inawuri yabu lengganinako menggaarak nogo inom, wone lengganogo yorage logonet,

Wundeegwaarak 5:6 Iomraidhean Croise

2 Mbinineegwaarak 26:11

Ndi, aap endagembogut inom eeko menggaarak ambi at Kananiya inarum wonage kagak, aap o ake liiru mbangga Yeyiyen awot abu'me eeke menggerak Maateya imbirak, at Utiya awuri ineegin warak logowak nduk, kuwak eeppiinok, wim eeriyak inobam kenok, wundi noorak aap aago lombok li'luk eerogo inendage mbaneegwaarak nogo at abu'me wonogwe,

Wundeegwaarak 1:11

Yorage nagagerik, it aap Metit mendek nen aakumi Iterali mendek inarum logonet, inoone omaawi paga yabu aaninggin inoba piigo logowak nduk mippiige mbareegi, it aap Iterali mendek nogo aap Pirawun ake yi mendek ndi mendek pogo logorak o Pitom Araametet imbirak taganak nogome, o yaga'lelo nambit-mbit wurogo pit nogogwaarak.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 5:10

Yorage mbareegi, Pirawun awuri yabu eekwi inarum wonogwe nogo inom, it aap Iterali mendek inawuri yabu lengganinaka nogo inom, wundi nogo nogogwaarik, aakumi Iterali yorogwe, “At Pirawun nen ari logonet, An wiiringga ambinom wogoraagin lek me,

Wundeegwaarak 5:19

Yorage mbareegi, Ne ambi paga yi kuli worariyak, wone lengganak nogo ambi mbo puurak lek ndak-ndak aret eeko logorak yoragagerak nogo it aap Iterali inawuri yabu lengganinaka nogo nen konenggo nogogwaarik, “Aaninggin lombok ninoba pinanege yi, iya!” yinuk,

Wundeegwaarak 5:7

“It aakumi Iterali mendek ti, ineenggi tanep logonet, Ninogoba Ala ake warogo wogori nawok nduk, E, yo'niret o, inoone nabenak mban yo'nugwi me, wiiringga negen mbanogo nggween nggabok inom nenggelak-kenggelak agago woraruwak nduk wogorogo monggoorak nogo, yogondak kuli wogoroorak mage o. Ata, it inalik nen kuwak eerogo aa'nduk, Yi kuli worariyak o, wone yugu worako nogogwaarak nogo ndak-ndak worako logowak nduk, yoraanip o.

Kini Wuppiige 12:10

Aap iniki abe koonak nen aanggumi abe logowak nduk ndegeninake menggerak kwe, Aap maluk mendek nen inaanggumi inabuwa mbakwi ti, inanini eeppiigwi ti aret.

Linggineegwaarak 11:16

Yoge mbareegi, at Aliku ALA nen Muta yoge, “Kat nen it aap Iterali inoweewi iniki warak inenggela'me nen aakumi inarum menggaarak inom, inawot lombok eerak ndegeninaka inom, keenu kero, ineebe 70 paga kuwak eeppiinok, an ninom lambungge minggim nawooliya wurik me tungga paga taati kinom mi'nari woraanip o.

Pelaareegerak 1:15

an nen kinoweewi kinawone amburu mbanggo logorak kinanebunu lombok, iniki warak at oone konengga kero, wogonake nagagirik, ineebe seribu wonage kenok unde logowak nduk ambi mippege, ineebe 100 wonage kenok unde logowak nduk ambi mippege, ineebe 50 wonage kenok unde logowak nduk ambi mippege, ineebe 10 wonage kenok unde logowak nduk ambi mippege, eerogo piinet nage nagagirik, kinanebunu lombok kinawone amburu mbanggo logowak nduk, inom mippiyareegirak nogo o.

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Yotuwa 24:1

Ti'nuk, Yotuwa nen it aap inanebunu lombok Iterali mendek nogo o Tikem time kuwak eeppiyareegerak. Eeppiige nagagerik, it Iterali inoweewi inom, wone koongga inom, aap owak loongga inom, aap wim wone mbangga nogo inom, wiirage mbareegi, wogo nogogwaarik, it apit aret Ala enggaanom paga ari wogogwaarak wonogwe iigak,

Yotuwa 24:4

Ndi, Itak nogo paga nen apurilogwe Yakup Etawu imbirak wogoreegirak. Wogoge nagagirik, Etawu nogo anggween puut nggelok-nggobok Teyit time wogoge mbareegi, wonage kagak, Yakup apurilogwe inom o Metit nogogwaarak.

Yotuwa 8:33

Pege mbareegi, it Ala unde inanebunu Lewi mendek nogo nen Ala wone yugu aloobut mbanak me yonggolak nogo eewurik oolo porogo iigak, it aap Iterali inoweewi inom, wim wone mbangga inom, inowak loongga inom, aap nggiru inaworak Iterali abok aret kuwak eeppunuk, Ala aloobut mbanak inengga loolo logonet, it ando mogonogo puut Nggeritin paga ina na'nogwe, ndi, ando mogonogo puut Eban paga ina na'nari wogwe, eeko mbareegwa, “It aakumi Iterali ale'nggen inoba piigo logonet, ndogop eeko logomunggup o,” yinuk, at Aliku ALA ayeloman Muta nogo nen yoragagerak nogo ndak-ndak aret eereegwaarak.