Wundeegwaarak 5:1 - Ala Wone Peenok Peebi Mbanak

¹ Ti'nuk, Muta Karun imbirak Pirawun owagam nogo nogogwaarik, at yogo logonet, “At Aliku Iterali inogoba Ala nen ari logonet, An napuri o karume time nalut eeri noorak nappiyaawak nduk, aap Pirawun yori nanip o, ari mbaki, yokkiri wogo o.”

Wundeegwaarak 5:1 Iomraidhean Croise

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Wundeegwaarak 10:4

Ndi, teppiyoorak eebi mbake kenok, an nen ko'lu aret wurin iname nappi woraagin o.

Wundeegwaarak 10:9

Yorage mbareegi, at Muta nen, “Nit aap tawe kumi tawe inom, kumi-aap inanggok inom, ninapurilogwe wologwe-komologwe inom, ndi, Aliku ALA alut eeko logonet, laago nggwok lariyak me, ninaanggumi kambin-ndomba inom, tapi inom, apit aret wogoren wundi nagun o.”

Wundeegwaarak 3:18

Kat yoramenggendak nogo it aap Iterali yo'nggok nogo nen konenugun aret me, konenggwi iinok, kinom aap endagembogut Metit mendek nogo owagam nogo logomonggotik, at yogo logonet, At Aliku aakumi Iberani inogoba Ala nogo muk niniya wagaarak me, nogo kenagan yegak karume time at Aliku ninogoba Ala ake warogo wogogo logonet, alut eeri noorak me, kat nen, E, yo'niraanok nduk, yokkiri wogo o, yinuk, yo'nu o.

Wundeegwaarak 33:13

kat nen abet aret nabuwa mbake kenok, it aakumi inanebunu Iterali yi, An mendek aret o, yinuk, inoba aberak logonet, kat keebe liirogon neenu age, ndi, kat nimbirak mondok-mondok niniki kunik wonage, eerikit nduk, kat eeriyak mbake menggendak nogo yo'niru o.”

Wundeegwaarak 6:11

Muta nen Aliku ALA yoge logonet, “Aakumi Iterali mendek yi, yoragagirak kwe, konenggwi iyoolik me, at Pirawun yoriminggirak kwe, an nambe aaninggin me, at kunduk konenigin lek mbaki o,” yinuk, yoreegerak.

Wundeegwaarak 6:27

Muta nogo o Metit time wonage me, at Aliku ALA nen Muta yoge logonet,

Wundeegwaarak 7:16

Tokkogwe me, kiniya nage kenok, yogo logonet, Aakumi Iberani inogoba Aliku Ala nogo nen, Napuri o karume nalut eeri nawak nduk teppiyaawak, yogirak kwe, aa'nduk nen nok-nok yogondak kuli yi paga an noone ari nogo, at aruk konengga'lek me,

Wundeegwaarak 7:2

An nen, Ndogop yoret o, yinuk, yokkege nogo abok aret yorage, ndi, at Pirawun nen aakumi Iterali mendek wumbiyaawak nduk, koweeluk Karun nen yoge, eerumonggotak kwe,

Wundeegwaarak 8:1

Nogo 6 yippunuk ko'lu Aliku ALA nen Muta yoge, “Kat Pirawun owagam nage logomenggendik, wone yogop yoru o. Naliku ALA nen napuri Iterali ti, nalut eeri nawak nduk, nappiyaawak o.

Wundeegwaarak 8:16

Ti'nuk, at Aliku ALA nen Muta yoge logonet, “At Karun nen o Metit nogome liirubu aa'ngga nogo paga nen laami aruwak nduk, owaanggun paga nggween yawi waruwak nduk, yoru o.”

Wundeegwaarak 8:17

Yoreegerak nogo ndak-ndak eeko logonet, at Karun nen owaanggun eenggime wagangge nagagerik, nggween paga wake mbareegi, liirubu o Metit ilin-unggut abok aret liirubu aa'ngga paga laami age nagagerik, aakumi ineebe paga inom, inaanggumi paga inom, abok aret wiga agan inoba nagabit wogo nogogwaarak.

Wundeegwaarak 8:20

Ti'nuk, at Aliku ALA nen Muta yoge, “Kat kuubondendok keenik a'nuk at Pirawun niyo aa'nggi paga wage me, kimbirak lambungge logomenggendik, at yoge, At Aliku ALA nen ari logonet, An napuri Iterali nogo, nalut eeri nawak nduk, nappiyaawak o.

Wundeegwaarak 8:27

Togop eerukwak me, at Aliku ninogoba Ala yo'niragagerak nogo ndak-ndak o karume time nogo kenagan yegak, ake warogo wogori noorak perak op o.”

Wundeegwaarak 9:1

Ti'nuk, Aliku ALA nen Muta yoge, “Kat Pirawun owagam nage logomenggendik, at yoge logonet, It aakumi Iberani inogoba Aliku Ala nen, An napuri Iterali mendek nalut eeri nawak nduk teppiyaawak o.

Wundeegwaarak 9:2

Teppiyoorak, Neebi, mba'nuk, pippiirogo wonage kenok,

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetikiyen 2:6

Aakumi nen ndarak kat yi wae. It ineebe paga inom, inoone yokkugwi paga inom, kagabiti mbake, An muun alok inom, nggonggoondu alok inom, enggela'me wonage, nggitamuru awi mbanak me wonage, eeke agarik, mbarumunggun kwe, kagabiti mbake, it an yorage ineebi mbaka mendek aret me, it inoone yogwe paga kagabiti mbake, kiniki ma'nage, eerubok o.

Matiyut 10:18

Kit nen it aap yo'nggok inom, aap inendagembogut inom, aap endekem mendek inom, an eeke neegotak paganogo yoraabagip nduk, alom an paga inowagam wokkiren nagun o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Nappiigak 4:29

Ninooriyak nduk eekwi yi iyet o, ninogoba. Niige logomenggendik, ninagabiti lek logonet, kat koone yorogo logowok nduk, nit kayeloman mini niniki nu'lek eerogo pinanu o.

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.