Wundeegwaarak 4:5 - Ala Wone Peenok Peebi Mbanak

⁵ Age mbareegi, Aliku ALA nen, “It aakumi Iterali inombomini Abarakam inom, Itak inom, Yakup inom, at Aliku inogoba Ala nogo nen kat nikkeya wagaarak abet aret kombaruwak nduk, togop aret eeri namunggun o.”

Wundeegwaarak 4:5 Iomraidhean Croise

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 26:2

Nage nagagerik, o Metit naakit nduk eeke me, at Aliku ALA nen Itak owagam wage nagagerik, yoge logonet, “O Metit time nagun o. Ata, an nen o logorak yokkege neenok, time aret logomunggun o.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 48:15

Nogo eeppege nagagerik, ari logonet, “Nogoba Ala wa! An nombo Abarakam inom, nogoba Itak inom, imbirak kat kiniki kunik me, kenegen wogoren nege, An nda'nagagirak kuli nen nok yogondak kuli aap ndomba ndegeninako mengga kwak, an ndegenneren nege, Ndi, an maluk noba age kero, malayikat negen a'nuk, pi'neren nage, eeke menggendak kat Ala aret me, It wologwe yi, kale'nggen inoba piige logomunggun o. An nendage inom, nombo Abarakam endage inom, nogoba Itak endage inom, it wologwe yi nen ki eerit nogo logowak o. Ndi, inombowologwe o nggween paga yime ambik aret wigannarit nogo logowak o,” yinuk, Yutup ale'nggen oba pereegerak.

Wakkagagerak 48:3

Mi'ndak wonage me, at Yutup nogo ka wage mbareegi, Yakup nen yoge logonet, “An o Kanan tini ambi Lut nogome wonage me, at Omaawi Lombok Menggerak Ala nogo nen an nimbirak lambumbunuk, ale'nggen noba panege logonet,

1 Endagembogut 18:36

Ndi, Ala ake warogo wogogo menggam abu kiyoma ari wage mbareegi, aap Ala nen yoge kagak yoraga Eliya nen mi'na'nuk, tamban eeke logonet, “Abarakam inom, Itak inom, Iterali inom, inogoba Kaliku Ala wa! It Iterali inenggela'me inogoba Ala kat aret wonage ineenu ogwe, ndi, an kayeloman eeke yi, abok aret kat yo'nege keenok, eeke ineenu ogwe, eeruwak nduk,

2 Mbinineegwaarak 20:20

Ti'nuk, ko'lu kuubondendok it aakumi karume Tekowa nawok nduk, eeko mbareegwa, at Yotapat nen mi'na'nuk, wone yorage logonet, “Kit aakumi Yekura mendek inom, Yerutalem mendek inom, an wone yokkirage me, kinaruk logonip o. At Aliku kinogoba Ala kiniki oba panggombugwi kiinok, kiniki nu'lek eerogo pinagage, ndi, it aap Ala nen yorage kagak yoraga nen wone yokkirogo nogogwaarak nogo abet aret mbakwi kiinok, eeriyak mbakotak nogo a'me nggelok ari, eeke kaamunggup o,” yinuk, yoragagerak.

Wundeegwaarak 19:9

Yori lagangge mbareegi, at Aliku ALA nen Muta yoge, “An wone nimbirak mbanggwi nogo it aakumi Iterali nen inaruk konembunuk, koone yorage nogo mondok-mondok abet mbako logowak nduk, an ameraakot apit aago enggela'me keya wambi woraagin o,” yinuk, yoge mbareegi, at Muta nen it aakumi Iterali yereegwaarak nogo Aliku ALA yoreegerak.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Wundeegwaarak 3:16

Togop aret me, it aap Iterali inoweewi yo'nggok kero kuwak eeppiinok, yorage logonet, Kit kinombomini Abarakam inom, Itak inom, Yakup inom, at Aliku inogoba Ala nogo nen ni'neya wage nagaarik, yo'nege logonet, It aakumi Metit mendek nen aaninggin-paaninggin inoba piigwi nogo an inogoba Ala nen muk liippiige nagarik,

Wundeegwaarak 3:18

Kat yoramenggendak nogo it aap Iterali yo'nggok nogo nen konenugun aret me, konenggwi iinok, kinom aap endagembogut Metit mendek nogo owagam nogo logomonggotik, at yogo logonet, At Aliku aakumi Iberani inogoba Ala nogo muk niniya wagaarak me, nogo kenagan yegak karume time at Aliku ninogoba Ala ake warogo wogogo logonet, alut eeri noorak me, kat nen, E, yo'niraanok nduk, yokkiri wogo o, yinuk, yo'nu o.

Wundeegwaarak 3:4

At Muta nogo enegen pekkaakit nduk panggo yi nage nogo Aliku ALA kage nagagerik, eyo ku'mbanak enggela'me nen oone yoge logonet, “Muta, Muta.” Yoge mbareegi, Muta nen, “An yime wonage me, yo'niru o.”

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Wundeegwaarak 4:1

Yoge mbareegi, at Muta nen Ala yoge, “It aakumi Iterali mendek nen an yoraminggirak nogo noone konembunuk abet nombaka'lek logonet, At Aliku ALA nikkeya woroolik kagak pilit ari o, yo'nugwi iinok, an nen nonggop yoraagin o?”

Wundeegwaarak 4:31

it aakumi Iterali yo'nggok nogo nen, “Aaninggin-paaninggin ninoba pinanege nogo, Aliku ALA nen enegen niige nagaarik, koonggerak kogo o,” yinuk, iniki abet mbako logonet, inendobanggun yindumbunuk, alut eereegwaarak.

Wundeegwaarak 4:4

Nage mbareegi, Aliku ALA nen Muta yoge, “Waalo age ti, keenggi piget.” Yoge mbareegi, Muta nogo waalo age eenggi pigagangge nagagerik, waalo nogo eenggime wagangge kagak waanggun aret agagerak.

Yeremiya 31:3

O maan aa'nduk Aliku ALA nen nit ninowagam kin ari wa'nuk yo'nirage logonet, “An kinabuwa nen niniki kunik eekkinabeegirak nogo ti, Lek ariyak lek mondok-mondok logorak nogo mendek paga eekkinabeegirak me, Ninom kunik lombok logowok nduk, niniki kunik eekkinakak mban eeke minggirak o.

Yaya 11:15

Ndi, kit kiniki noba panggombunuk abet nombarubagip nduk, an time logolik yime wonagarak nogo kit kinake aret wonagarak me, nale'nggen mbake agarik. Yogondak perak, at wonage me nawok o.”

Yaya 11:42

Kat an noone mondok konengge menggendak nogo, an abu neenu aret kwe, it aakumi ugun mi'ndak wonogwe yi nogo, kat nen nappani wagagindak abet aret mbaruwak nduk, yokkigi o.”

Yaya 20:27

Yorage nagagerik, Tomat nogo yoge logonet, “Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate pelenak me keenggi mambege, ee'nake logomenggendik, kiniki yungguppegak eeke logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak.

Yaya 20:31

Eeke nagagerak liiru mbanak yi nogo ti, Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.

Yaya 5:36

at Yaya nen an nabok paganogo yokkirage ti, meek negen. An abu worok togon eeke logokit nduk, nogoba nen yo'nereegerak eeke minggirak nogo paga nogoba nen nappani wagagerak nabok pagak ari nogo ti, mondok iya lombok aret o.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Iberani 11:16

It iniki nen, “Nit ninawi abe mbogut paga kola nawok lak ao,” yinuk, miippunuk, kambit nogo mbareegwa, Ala nen it iniki mbareegwaarak nogo ndak-ndak inawi abe kota negen pipuk eerogo piyareegerak wonage me, “Ninogoba Ala o, yinuk, yo'nogo logorak op aret,” mbake menggerak.