Wundeegwaarak 4:21 - Ala Wone Peenok Peebi Mbanak

²¹ Tu paga awo nogwe me, Aliku ALA nen Muta yoge logonet, “Kiyokan o Metit nage logomenggendik, eerubok mendek ee'nok nduk koba pagagirak nogo abok aret Pirawun enggaanom paga liirogon aret eeri nanu o. Eeri namenggendak kwe, aakumi Iterali wundi noorak lek yoraawak nduk, an nen Pirawun iniki omaawi agago pigin o.

Wundeegwaarak 4:21 Iomraidhean Croise

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Ndawi 105:25

At apuri ineebi lombok inombako logowak nduk, inikime mambiige, At ayeloman mini inambokan laganggo logowak nduk, inikime nggaganogo piige,

Ndawi 78:43

O Metit paga ineenu ariyak mendek iya tit eeke, O Towan kobappaga time eerubok mendek eeke, Eereegerak kogogwaarak nogo mari ogwe, Eereegwaarak.

Wundeegwaarak 10:1

Ti'nuk, at Aliku ALA nen Muta yoge, “An aakumi Metit mendek inenggela'me ineenu agak eerubok mendek eerikit nduk, at Pirawun inom, at awuri inom wone koongga inom, iniki omaawi agago piigirak nogo ti,

Wundeegwaarak 10:20

Mondok lek ogogwaarak kwe, at Aliku ALA nen Pirawun iniki omaawi eerogo pege mbareegi, it aakumi Iterali nogo nawak nduk, teppiyoolik mondok ogogumbuk aret puk agagerak.

Wundeegwaarak 10:27

Yoreegerak kwe, Aliku ALA nen Pirawun iniki omaawi eerogo pereegerak me, at Pirawun nen it Iterali mendek nogo nawak nduk, teppiyoorak eebi mbake nagagerik,

Wundeegwaarak 11:10

Ndi, it Muta Karun imbirak Pirawun enggaanom paga eerubok mendek abok aret eereegwaarak kwe, Aliku ALA nen iniki omaawi agago pereegerak me, Iterali mendek at abu'me piige menggim nen wundi nawak nduk teppiyoolik ogogumbuk aret wonagagerak.

Wundeegwaarak 11:9

Wungge mbareegi, Aliku ALA nen Muta yoge, “At Pirawun nen kat koone koneniyak, eebi, kombake me, an nen o Metit paga yime eerubok mendek eeke nogo abunuk ambinom eeke logogin o,” yinuk, yoreegerak.

Wundeegwaarak 14:17

Titik ige keenok, niyo mogonnaremenggerak paga aakumi Iterali wunda nogwe me, it Metit mendek muguren wunda nawak nduk, iniki omaawi eerogo piyaminggirak paga muguren wunda nogwe iinok, Pirawun anggweendo inom, it nggweendo wim eeka kuda paga punuk, wonok nogwe ineebe nogo inom, an ambi eeppiige neenok, it Pirawun awuri yigin unde menggerak inom abok aret, Ala wi! yinuk, nendage tiyappugun o.

Wundeegwaarak 14:4

an nen Pirawun iniki omaawi eerogo pigin o. Iniki omaawi eerogo piminggirak paga kit mukkiren wogwe iinok, an tiyanak minggirak nogo nen at Pirawun awuri ineegin warak inom ambi eeppiige neenok, it aakumi Metit mendek nen Naliku ALA an aret ineenu arugun o,” yinuk, yoge mbareegi, Muta yoreegerak nogo it aakumi Iterali mendek nogo nen ndak-ndak aret eereegwaarak.

Wundeegwaarak 3:19

Yorumonggotak kwe, aap ambi eenggi omaawi ambik paga eeppega'lek kagak, E o, yokkiraagin lek ti, neenu aret me,

Wundeegwaarak 3:20

an neenggi omaawi paga eerubok mendek eeke logonet, it Metit mendek alik negen yigirogo inooke neenok perak, teppinagamenggerak wundi woraamunggup o.

Wundeegwaarak 7:13

Togop aret eereegerak kwe, Aliku ALA nen aa'nduk yereegerak nogo ndak-ndak Pirawun iniki omaawi age nagagerik, inoone konenulik mbo pereegerak.

Wundeegwaarak 7:3

an nen Pirawun iniki omaawi eerogo piminggirak kagak, o Metit time ineenu agak eerubok mendek inom, eekulik tam warak mendek inom, ambik lombok eeriminggirak kwe,

Wundeegwaarak 8:11

Ogolem nogo ti, kat keebe paga inom, kiname paga inom, it kawuri kinom wone koongga iname paga inom, kapuri aakumi o Metit mendek ineebe paga inom, lek age logonet, niyo Nin inikime mban logowak nduk eerogo piyaagin o.”

Wundeegwaarak 8:15

Ndi, ogolem nogo lek agagerak at Pirawun kage nagagerik, iniki aaninggin wonage nogo tayok yereegerak kwe, Aliku ALA nen wone yereegerak nogo ndak-ndak iniki omaawi a'nuk, Muta Karun imbirak inoone koneniyak eebi mbareegerak.

Wundeegwaarak 8:32

Lek aret age mbareegi, at Pirawun nogo aa'nduk iniki omaawi agagerak nogo ndak-ndak aret a'nuk, aakumi Iterali nogo nawak nduk teppiyoolik, ogogumbuk aret piirogo wonagagerak.

Wundeegwaarak 9:12

Togop eeginabeegerak kwe, at Aliku ALA nen Pirawun abunuk iniki omaawi eerogo pege mbareegi, Aliku ALA nen Muta yoreegerak nogo ndak-ndak it yogwi nogo at aruk konenulik mbo pereegerak.

Wundeegwaarak 9:35

at Aliku ALA nen aa'nduk Muta yoreegerak nogo ndak-ndak at Pirawun nogo it aakumi Iterali nawak nduk, teppiyoolik eereegerak nogo ti aret o.

Yetaya 6:10

Ndi, it aakumi ti, inigen kogwe, inaruk konenggwi, iniki liippatinuk yunggup-melak eekwi, Eekwi iinok, An nen obeelom eeginake neyo, inogogumbuk ogwe, Inaruk logu kwak ogwe, inigen mbuk kwak ogwe, Eeruwak nduk eeppiya nage, Eeru o.”

Yetaya 63:17

Kaliku ALA wae. Kat nen nit eeriyak ninombake nogo mbo punuk, tu alik paga nomo agan nawok nduk eeppinanege, Kayuk wukwi niyo, ninogogumbuk eerogo pinanege, Eeke nogo ti, Nonggop nduk eerogo pinanege agandik? Nit kayeloman mini aret me, ambinom liippinanege, Kanebunu mendek keyate kwak nit aret me, aa'nduk wonogogu kwak oolome eerogo pinanege, Eekendak o.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Oroma 9:18

at Ala nen aap ambi abuwa mba'nuk teppikit mbake kenok, teppege, ndi, ambi iniki omaawi eerogo pikit mbake kenok, iniki omaawi eerogo pege, eeke kogo monggoorak o, yinuk, yokkirage agarik o.

2 Korindut 2:16

It aakumi lek eerogo piyaagin nogo nen obari nogo kogo nagaatik, “Yi ninooke menggerak mendek aret me, abet mbaruwok o,” yinuk, yuurak op aret kwe kagak, mbo punuk kambit nogo menggaarak. Ndi, it inagap ndarak nogo nen perak, obari kogo nagaatik, “Nineenik ee'ninaburak mendek yi aret kogo,” yinuk, waganggo menggaarak me, ineenik aret logogun o. Ala nen nit aakumi inenggela'me togop logorak kooneegerak kwe, nit nen eeriyak meek tit ee'ninake o, obak!

Pelaareegerak 2:36

O Arowet niyo Aronon aa'nggi paga wonage kuli nen nok, o kota ambi kobappaga time nen nok, o kota Nggileyat kuli kota-kota abok aret yugum yagat omaawi wurik kagak at Aliku ninogoba Ala nen wo'niragaarak me, tebenogo pereegurak.