Wundeegwaarak 36:1 - Ala Wone Peenok Peebi Mbanak

¹ Togop aret me, aap Mbetalen inom, Akoliyap inom, it aap Aliku ALA nen ineenggi amburu paga at awooliya wuruwak nduk, ineenu eeppiige, iniki koombunuk eeriyak mendek wogorage, eekerak nogo inom, abok aret at Aliku ALA nen wone lengganogo pegerak nogo ndak-ndak at awooliya wuko logowak o,” yinuk, yoragagerak.

Wundeegwaarak 36:1 Iomraidhean Croise

1 Mbinineegwaarak 2:20

Ndake mbareegi, at Kut nen Uri ndake, Uri nen Mbetalen ndake, eereegwaarak.

1 Mbinineegwaarak 28:21

Ala awi wuremenggenom eeko logorak ti, it aap Ala unde inom, Lewi mendek inom, inawuri lombok aago pipuk eerak wonogwe, ndi, it aap ando yi eeriyak ndi eeriyak kani warak nogo, iniki nen kat yeenggwa kogo logorak togon wonogwe, ndi, it aakumi inoweewi inom, aakumi ugun mendek inom, abok aret wone lengganogo yorage keenok, eeko logorak kunduk, wonogwe mban aret o,” yinuk, yoreegerak.

Ndawi 119:6

Koone, “Yogop ee'nu ndogop ee'nu,” yugu nogo Abok aret liippunuk eerit nage neenok, An nenggali arigin lek aret o.

Wundeegwaarak 12:28

Alut eeppunuk, iname nogo nogogwaarik, Aliku ALA nen it Iterali eeko logowak nduk, Muta Karun imbirak yoragagerak nogo ndak-ndak aret eereegwaarak.

Wundeegwaarak 25:8

an logowam nake wukwi iinok, an it ninom aret logogin o.

Wundeegwaarak 28:3

At Karun nogo nake leenogo pege keenok, an neebe unde logonet, eeke logowak nduk, aakumi an neebe unde inayum penggaako menggaarak abu ineenu eeppiigirak nogo nen ayum penggaaruwak nduk, yoret o.

Wundeegwaarak 31:11

inanobak paga kilippiigo logorak amburu inom, o mage logowam obari abe kaga kani kunggo logorak inom, yokkigirak nogo ndak-ndak ineenggi amburu paga eeko logowak nduk, inom eeppiigirak o,” yinuk, Muta yoreegerak.

Wundeegwaarak 36:2

Yorage nagagerik, aap Mbetalen inom, Akoliyap inom, it aakumi iniki koombunuk ineenggi amburu paga eerit nogo logorak Aliku ALA nen wogoragagerak nogo inom, abok aret Aliku ALA awooliya wuri woroorak iniki aganabeegerak nogo Muta nen wiiragagerak wogo mbareegwa,

Wundeegwaarak 38:23

aap anebunu Ndan mendek endage Akitamak aput Akoliyap nogo nen kayin yawenak amuni mbanak inom, ndomba eeruwak laanak mu kunik inom, maa'ngga kunik inom, maa'ngga anggup kunik inom, nogo paga yi mendek ndi mendek etenggen yabenggek-ndabenggek eerogo penggaake, mbuti emas paga yi mendek ndi mendek etenggen alik ogobakkigike, eyo paga yi mendek ndi mendek eenggi amburu eeke, eeke menggerak me, at imbirak nen eekwi iigak, wu wundeegerak nogo yi aret.

Wundeegwaarak 39:1

At Aliku ALA nen Muta yoreegerak nogo ndak-ndak at Karun apuri inom Ala unde logonet, inayum alik leenak nogo mendek yirikko'nok, o mage logowam aakumi inake eeri unggwogo logowak nduk, ndomba eeruwak laanak mu kunik inom, maa'ngga kunik inom, maa'ngga anggup kunik inom, nogo paga aap Karun apuri inom inayum penggaareegwaarak.

Linggineegwaarak 7:9

it aap inanebunu Kekat mendek perak, yi mendek ndi mendek alik leenak Ala awooliya wurik me logorak unde eeppiyareegerak nogo inuum paga piyaninuk nugu logorak me, it ambi wogoroolik teppiyareegerak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Iberani 8:2

it aakumi nen ooliya negen wureegwam nogome eeke lek o. At ooliya abe Ala nen wureegim Mage Lombok Menggim time aret ninake eeke agaarik o.