Wundeegwaarak 32:5 - Ala Wone Peenok Peebi Mbanak5 at Karun nen iige nagagerik, tapi aagaluk ogut eerogo pereegim taa'nogo ake warogo kani kunggak yuwak nduk yugum logonogo pege nagagerik, “O ko'lu ti, laago lako logonet, at Aliku ALA alut eeko logowok o,” yinuk, oone nggwok paga nggomooreegerak. Faic an caibideil |
Yoge mbareegi, at Muta nen, “Aliku ALA wone lenggenogo yorage menggim ndak-ndak nineenggi nippunuk, wonogwe niigak, yeenggwa niragaarak me, ake warogo kani kunggak eeruwok nduk, yugum logonogo punuk, endage ti, Nineegin Tiyak Yigi o, yinuk, ndiimbu yirik nogo mengga kwak at Aliku ALA aret o,” yinuk, toongge nagagerik, “Aliku ALA nen aap Amalek mendek nda'narit nogwe nogo inom mondok-mondok wim mbanak logogin o,” yinuk, yereegerak.
wagangge nagagerik, alut eeko logorak tapi aagaluk pogom wakkagak ogobakkigirogo pege logonet, obogum aluk-puut kenok, pulu paga tabonogo amuni mbanogo pege mbareegi, it aakumi Iterali kogo nogogwaarik, yogo logonet, “Nit Iterali o Metit nen wo'niren wundi wagaarak Ala pogom ninogoba nogo yi aret o,” yinuk, yogwe nogo
Nggomooke mbareegi, ko'lu kuubondendok it aakumi Iterali mendek nogo Ala kwak ogut eerak nogo ake inaanggumi warogo kani kunggwi, eegu nggami aanggo wakwi kwak wariyak nduk warogo lakwi, eeko logonet, yi inom, mbi inom, nenok, mi'na'nuk kwirabik-kwirabok yogo logonet, kumi-aap inom ugun-ugun eeko nogogwaarak.
It Iterali an nen ogobakkigirinabeegirak nogo inami eerogo mbo paninuk, Inoweewi inendagembogut inawi nggwok abe mban wurogo piinet nogwe, It Yekura mendek nen kota-kota ambik aret wurogo pit nanuk, yugum pak nggabe eerogo pit nogwe, Eereegwaarak kwe, An nen o kota-kota time abok aret kani kunik mbo wuppi woraagin me, kani nen pup eerogo nagin o, yinuk, yegerak me, yokkiragi o,” yoragagirak.
An Ala nake warogo kani kunggwi, gandum anggen yigirogo an Ala nake pugwi, ko'lu-kii'me pi woroorak yugu nogo yi mendek ndi mendek warogo nake wo'nugwi, anggur amburu nake kilirogo pugwi, Naliku ALA nen laago lariyak punogo pereegirak ti abok aret, Yi Ala alut eeruwok nduk, pi wogo, yinuk, Naliku ALA nake kani kuniyak nduk, pi wogo logomenggaarik, kuwak eeppunuk, nalut eeko logowak o.
Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.