Wundeegwaarak 32:4 - Ala Wone Peenok Peebi Mbanak

⁴ wagangge nagagerik, alut eeko logorak tapi aagaluk pogom wakkagak ogobakkigirogo pege logonet, obogum aluk-puut kenok, pulu paga tabonogo amuni mbanogo pege mbareegi, it aakumi Iterali kogo nogogwaarik, yogo logonet, “Nit Iterali o Metit nen wo'niren wundi wagaarak Ala pogom ninogoba nogo yi aret o,” yinuk, yogwe nogo

Wundeegwaarak 32:4 Iomraidhean Croise

1 Endagembogut 12:28

yinuk, oreewi inom wone mbambunuk, at Yerobeyam nen mbuti emas paga tapi aagalogwe inogut mbere ogobakkigippunuk, it aakumi Iterali yorage, “Kit Iterali mendek yi wae. Kit o Yerutalem Ala ake alut eeri noorak tu nda aret me, o Metit nen wokkiren wundi wagagerak nogo kinogoba Ala kwak alut eeko logorak yi aret me, kinigen pekkaanip o.”

1 Endagembogut 12:32

ndi, tut 6 penembunuk, ambi penenak tanggal 15 paga, it Yekura nen inale'nggen paga laago lako mengga kwak, inale'nggen nen laago lako logowak nduk, koonogo pege, eeke nagagerik, o Mbeten tapi aagalogwe ogut ogobakkigirik inake warogo wogogo menggam nogome inake warogo wogorage, o Mbeten puut paga alut eeko logowam unde logowak nduk, aap mippiige, eereegerak.

2 Endagembogut 10:20

Yorage nagagerik, at Yeku nen ambinom yorage logonet, “Togop aret me, at kugi Mba'an alut eeriyak nduk, Ne ndi eyom paga kuwak eeri woroorak, punogo pinip o.” Yoragagerak punogo pogo mbareegwa,

2 Endagembogut 10:29

Lek eerogo pereegerak kwe, aap Nebat aput Yerobeyam nen maluk eerit nage logonet tapi inogut mbere mbuti emas paga ogobakkigirogo ambi o Mbeten pege, ambi o Ndan pege, eereegerak paga Iterali nen inalut eerit nogo logonet, maluk eeko nogogwaarak nogo, at Yeku perak, mbo puulik aret eeke nagagerak.

2 Mbinineegwaarak 13:8

At Aliku ALA abu'me piinok wonage menggim aap Ndawut paga wiganak nen unde logowok nduk, eeppinaneegerak kagak, kat o yogondak tebenogo pinaniyak nduk koonggendak ya? Kawuri wim eeka ambik ineenggi lingginiyak meek aret wonogwe, ndi, at Yerobeyam nen kit alut eeko logorak Ala obaane'me mbuti emas paga tapi aagalogwe kinake ogobakkigirogo wokkiragagerak nogo porogo wonogwe, eekwi kwe,

Nekemiya 9:18

It nen tapi ogut ogobakkigippunuk, yogo logonet, O Metit nen wokkiren wundi wagaarak kinogoba Ala kwak yi aret o, yinuk, yogwe, ndi, kat meek eerogo pagarak meek aret kwe, mondok iya lombok miyuk-meya eerogo pagagwi, eereegwaarak kwe, teppiyareegindak o.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 20:23

an wonage neegak, mbuti perak mendek inom, mbuti emas mendek inom, nogo paga inagugi ogut ambi ogobakkigirogo patinuk, it an ninom lambumbunuk nalut eerugwaarik o.

Wundeegwaarak 20:4

Kit nen yi mendek ndi mendek agi mbogut paga menggerak inom, nggween paga menggerak inom, nggween abu'me niyo inikime menggerak inom, inogut wakkagak ogobakkigirogo punuk,

Wundeegwaarak 28:11

Ineenggi amburu pegak cap ogobakkigiko mengga kwak, at Iterali apuri inendage yugum mbere nogo paga ayo waganogo pege logomenggendik, yugum eebe nogo paga muun negen mbuti emas paga yengget-wangget komaarogo punuk,

Wundeegwaarak 28:9

Pugwi iinok, yugum pugagi negen pindan-pindan eeke menggerak kiritoperat mbere wagangge logomenggendik, at Iterali apuri nda'nogogwaarak nogo ndak-ndak yugum ambi paga inendage 6 ayo waganogo pege, ndi, yugum ore nogo paga inendage 6 ayo waganogo pege, eerumunggun o.

Wundeegwaarak 32:1

Ndi, at Muta puut paga laganeegerak nogo mbet-mbet wambi waga'lek mbareegi, it aakumi Iterali nogo Karun owagam kuwak ari nanuk at yogo logonet, “At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk tu ni'niren nawak nduk, Ala kokwak ambi ogobakkigi'niret o.”

Wundeegwaarak 32:24

Yo'nogo mbaka, an nen, Mbuti emas kinobaanggi-kinobaangge eerak nogo nggoorogo wonok niri woraanip o, yoragarak niri wogo mbaka, kani kunik me mbo mambege mbaki, tapi aagaluk ogut aret a'nuk wundi wagaarak yi aret o.”

Wundeegwaarak 32:3

Yorage mbareegi, it aakumi Iterali mendek abok aret mbuti emas inaruk me wonage nogo nggoorogo at Karun wogori wogo mbareegwa,

Wundeegwaarak 32:35

Ndi, at Karun nen tapi aagaluk ogobakkigirogo Iterali wogorage mbareegi, inik-inik eereegwaarak onggo Aliku ALA nen andi nggwok inoba nappi wagagerak.

Wundeegwaarak 32:5

at Karun nen iige nagagerik, tapi aagaluk ogut eerogo pereegim taa'nogo ake warogo kani kunggak yuwak nduk yugum logonogo pege nagagerik, “O ko'lu ti, laago lako logonet, at Aliku ALA alut eeko logowok o,” yinuk, oone nggwok paga nggomooreegerak.

Wundeegwaarak 32:7

Ti eekwi at Aliku ALA nen iige nagagerik, Muta yoge, “It kapuri Iterali mendek o Metit nen wogoren wundi wagandak nogo an wone, Yogop ee'nu ndogop ee'nu, yoragarak nogo awo aret kagak mbo punuk, tu alik nomoninuk nogo logonet, alut eeko logorak mbuti emas paga tapi aagaluk ogut agago punuk, abu'me inendobanggun yindumbunuk alut eekwi, inaanggo ake warogo wogogwi, eeko logonet, Ninogoba Ala kwak o Metit nen wo'niren wundi wagaarak nogo yi aret o, yinuk, yogwe nogo ti, maluk lombok eekwi me, mbet-mbet aret wambi nak o.”

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Yetaya 46:6

Aap nen mbuti emas inayuma yonggolak nogo kilirogo wuppugwi, Mbuti perak aaninggin wakkogwe, Eeko nagaatik, Aap mbuti emas ogobakkigika nen ti paga kugi ogut ogobakkigiruwak nduk, onggo wogogwi, Ogobakkigirogo pege kenok, abu'me tebe yinuk, ayuk wukwi,

Yetikiyen 23:8

At awo tawe o Metit paga nen aap inom nogo yege logonet, elak pigagangga'lek nogo aret piginok-paganok eekwi, at eebe paga iniki nengge kenok ugun eeppit mban nugwi, eeko nogogwaarak nogo mbo puulik kundugu eeke nagagerak.

Oteya 10:5

It o Tamariya menggaarak nen inayuk wuka tapi aagaluk ogut eerak o Mbet-Awen wonage nogo, Wonok o nda time pi nogwe iyo, inagabiti mbakwi, Iniki wakkologo logonet, le yogwe, It aap inagugi ogut eerak abu abe eerak me, pi wakwi it kugi unde nogo nen kunduk, le yogwe, Eerugun o.

Oteya 13:2

Yogondak kunduk, maluk ambi eekak eerit wundi wogwe, Inambuti perak paga inagugi ogut eeppunuk alut eekwi, Inayuk wuko logowak nduk, inagugi inogut abu abe lombok ineenggi amburu paga ogobakkigirogo pugwi, Eeko nagaatik, “Kugi ogut eekoorak yi, ake warogo wogogwi, Lembu aagalogwe inogut eerak ti, kineyak mbaninakwi, Ee'nip o,” Yinuk, yorogo menggaarak o.

Nappiigak 17:29

Ti kenok, nit Ala paga wiganak aret wonogwe me, at eebe alom ti, aakumi iniki koonogo punuk mbuti emas paga, mbuti perak paga, yugum paga, kugiwak negen ogobakkigirik ti kwak mbarugup o.

Nappiigak 7:41

Yogo mbareegwa, tapi aagaluk ngguunok ogut ogobakkigirogo punuk, aanggo wako logonet, it ineenggi paga ogobakkigireegwaarak nogo ayuk wukwi, ale'nggen nen inik-inik eekwi, eereegwaarak.

1 Korindut 10:7

It aakumi ando nen kugi eeko logonet, “Yi inom, mbi inom, nenok, mi'na'nuk, kwirabik-kwirabok yogo logonet, kumi aap inom ugun-ugun eeko nogogwaarak o,” yinuk, liiru mbanak nogo ndak-ndak kit kugiwak amili kuniyak mage o.

Pelaareegerak 9:16

at Aliku ALA nen wone yokkiragagerak nogo awo aret kagak, mbo punuk, at Aliku kinogoba Ala maluk lombok eeppogo logonet, tu alik nomoninuk, Ala obaane'me mbuti emas paga tapi ogut ogobakkigikkologo nogogutik, mippunuk, alut eekwi kiyareegirak nogo o.

Owak Loongga 8:24

ambinom yorage logonet, “Togop aret kwe, an ambi nggino yokkira o. Kit nen wim eeko logonet, inaruk ayo inagugun mbuti emas waganggotak nogo kinalitak ambitak mban wo'ninip o,” yoragagerak. It Miriyan mendek nogo ti, aakumi Itamayen mendek me, inaruk ayo mbuti emas paga ogobakkigirik yiriko nogogwaarak me, yoragagerak.

Owak Loongga 8:27

Pi wogo mbareegwa, at Nggireyon nen mbuti emas nogo paga yum agale warak epod eerogo ko'no negen mendaarogo punuk, at awi kota Opara time pereegerak me, kwe ambi ogonggelo mbo punuk, ya wukak menggi kwak, it aakumi Iterali nen Ala mbo punuk, yum agale warak epod nogo aret kugiwak negen eerogo punuk, alut eeri nogo nogogwaarak. Ti eekwi paga, yum epod nogo at Nggireyon inom, at apuri inom, ta'na pugu anggin pogom inoba luurik aret wonagagerak.