Wundeegwaarak 32:3 - Ala Wone Peenok Peebi Mbanak

³ Yorage mbareegi, it aakumi Iterali mendek abok aret mbuti emas inaruk me wonage nogo nggoorogo at Karun wogori wogo mbareegwa,

Wundeegwaarak 32:3 Iomraidhean Croise

Wakkagagerak 24:22

Ndi, unta niyo wogoragagerak nogo abu aret nonggo mbareegwa, at Abarakam ayeloman nogo nen mbuti emas paga ogobakkigirik aaninggin mbuuluk we 5 gram negen kwe, onggo nggwok nogo mendek at kolaga nogo ogobak unggut me pugunogo pege, mbuti emas paga ogobakkigirik aaninggin teeluk 100 gram kwe, onggo abu iya nogo mberaarenggen obaak peenok-peenok yippege,

Wakkagagerak 35:4

Yorage mbareegi, it nogo nen inagugiwak nogo inom, inaruk tiimba pugunik inom, abok aret kuwak eeppunuk muunogo Yakup wogori wogo mbareegwa, at Yakup nen wonok eyo teno alome o Tikem koorok time aret nggween taambereegerak.

Wundeegwaarak 32:2

Yogo mbareegwa, at Karun nen it yorage, “Kit kinakuwi inom, kinapurilogwe wologwe-komologwe inom, mbuti emas inaruk me pugunik nogo nggoorogo niri woraanip o.”

Wundeegwaarak 32:4

wagangge nagagerik, alut eeko logorak tapi aagaluk pogom wakkagak ogobakkigirogo pege logonet, obogum aluk-puut kenok, pulu paga tabonogo amuni mbanogo pege mbareegi, it aakumi Iterali kogo nogogwaarik, yogo logonet, “Nit Iterali o Metit nen wo'niren wundi wagaarak Ala pogom ninogoba nogo yi aret o,” yinuk, yogwe nogo

Yetaya 3:19

inaruk ayo inom, ineenggi paga mberaarenggen yarak inom, inayum inete paga lenggenak inom,

Yetaya 46:6

Aap nen mbuti emas inayuma yonggolak nogo kilirogo wuppugwi, Mbuti perak aaninggin wakkogwe, Eeko nagaatik, Aap mbuti emas ogobakkigika nen ti paga kugi ogut ogobakkigiruwak nduk, onggo wogogwi, Ogobakkigirogo pege kenok, abu'me tebe yinuk, ayuk wukwi,

Yeremiya 10:9

Mbuti perak aan libik-lebek eerak o Taritit nen wonok wogwe, Mbuti emas o Upat nen wonok wogwe, Eekwi iinok, It eyo paga ogobakkigika inom, it mbuti emas paga ogobakkigika inom, nogo nen, ogut ogobakkigirogo pugwi, Yum maa'ngga amu kunik paga, maa'ngga anggup paga, yugu nogo yirippiigwi, Eeko menggaarak nogo It aap ineenggi amburu warak nen mban eeko menggaarak kwe,