Wundeegwaarak 32:1 - Ala Wone Peenok Peebi Mbanak

¹ Ndi, at Muta puut paga laganeegerak nogo mbet-mbet wambi waga'lek mbareegi, it aakumi Iterali nogo Karun owagam kuwak ari nanuk at yogo logonet, “At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk tu ni'niren nawak nduk, Ala kokwak ambi ogobakkigi'niret o.”

Wundeegwaarak 32:1 Iomraidhean Croise

Wakkagagerak 19:14

Yogo mbareegwa, at Lot nogo yonggo at apuri komologwe mbere koloorak nduk eekwi at arumini nogo, yora nage nagagerik, “O yime Ala nen mondok pup eerogo pigin me, mbo punuk mbet mbaganinip o,” yinuk, yoragagerak kwe, it iniki nen, “Lot ti, pilit agan nege agaarik,” mba'nuk, mbaganulik puk ogogwaarak.

Wakkagagerak 21:26

at Abimelek nen, “Yogop eekaarak o, yinuk, mbet-mbet yo'niriyak me wonagandak o. Wone yi, an neenggo'lek aret me, yogondak mban aret konenggi ti, ta nen eekerak me yagan o?”

Wakkagagerak 39:8

Yoge mbareegi, at Yutup nen, “Neebi o,” ari nagagerik, “An nogoba ame yi mendek ndi mendek kooniyak nogo ti, nogoba koonggeelik, an mban koongge logowak nduk, mippanege mbareegi, amindik-amendek abok aret an mban unde wonage me, neebi o.

Wakkagagerak 44:15

at Yutup nen yorage logonet, “Wologwe! Kit eekotak yi, nonggop nduk togop eekotak? Aap nggwok an kokwak nen, yi mendek ndi mendek kumaakaatak kenok, tili pagangge logonet, ineenu ageelik nduk eekotak?”

Wakkagagerak 44:4

Nappiyareegerak o nogome nen wundi nogo nogogwaarik, awo tayo yi naga'lek iigak, at Yutup nen at ayeloman nogo yoge logonet, “Wulaga wae! It aap nagaarak nogo muguren inambokan nak o. Ineebe iya nage logomenggendik, yorage logonet, Nit obeelom eeppinagagwi niigak, onggo negen nonggop nduk maluk eeppinanogotak?

Ndawi 106:19

O Korep logonet, tapi aagaluk ogut ogobakkigirogo pugwi, Mbuti paga inagugiwak ogobakkigirogo punuk ayuk wukwi,

Wundeegwaarak 13:21

Wogwe iigak, at Aliku ALA nogo aa'nduk a'nuk, o liingge kenok, ndugwi paga mugurok wogo logowak nduk mippege, o kiip age kenok, ndi eya paga wogo logowak nduk, ndi wuninogo mippege, eereegerak paga aakumi Iterali nogo liingge-oonikiya aret wogo nogogwaarak.

Wundeegwaarak 14:11

Yogo nogogwaarik, Muta yogwi, “Nonggop eeppinaniyak nduk, o Metit nen wo'niren wundi wagandak? O Metit nggween taambinaniyak lek kenok, o karume yime kambuwok nduk, wo'niren wagandak ya?

Wundeegwaarak 16:3

“Nit o Metit time logonet, ninaanggo larak noorak nduk, ninggirik wonogwe, oroti ndonggok togon nunggwi, eeko logonet, Aliku ALA nen ambi eeppinanege kenok, kambuwok lak, nit Iterali kuwak aago yi, mbi abu nen o karume yime kambuwok nduk wo'niren pinani wogotak nineebi a!”

Wundeegwaarak 20:23

an wonage neegak, mbuti perak mendek inom, mbuti emas mendek inom, nogo paga inagugi ogut ambi ogobakkigirogo patinuk, it an ninom lambumbunuk nalut eerugwaarik o.

Wundeegwaarak 24:12

Wambi wogogwaarak wonogwe me, Aliku ALA nen Muta yoge, “An nen, Yogop ee'nu ndogop ee'nu, wone yugu inom, eeko logorak wone inom, yugum tabak paga liiru mbanggirak yi, wokkege neenok, aakumi mamunirage a wambenok nduk, puut yi paga neya lagi mok o.”

Wundeegwaarak 24:18

Ti eeke kagak, at Muta nogo puut irimbaga ndugwi enggela'me lagi nage nagagerik, wonage kagak, nogo 40 yereegerak.

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Wundeegwaarak 32:22

Yoge mbareegi, at Karun nen yoge logonet, “An mbe'nirugun o, nogoba. It aakumi yi, maluk eeriyak inikilom mbako menggaarak nogo kat keenu aret o.

Wundeegwaarak 32:23

It nen an yo'nogo logonet, At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk, tu ni'niren nage logorak Ala kokwak ambi ogobakkigi'niret o.

Wundeegwaarak 32:7

Ti eekwi at Aliku ALA nen iige nagagerik, Muta yoge, “It kapuri Iterali mendek o Metit nen wogoren wundi wagandak nogo an wone, Yogop ee'nu ndogop ee'nu, yoragarak nogo awo aret kagak mbo punuk, tu alik nomoninuk nogo logonet, alut eeko logorak mbuti emas paga tapi aagaluk ogut agago punuk, abu'me inendobanggun yindumbunuk alut eekwi, inaanggo ake warogo wogogwi, eeko logonet, Ninogoba Ala kwak o Metit nen wo'niren wundi wagaarak nogo yi aret o, yinuk, yogwe nogo ti, maluk lombok eekwi me, mbet-mbet aret wambi nak o.”

Wundeegwaarak 33:3

Ndi, kit o yime nen nggween abu obeelom yilak amburu inom, nggiin amburu inom, yi eneeri negen kila-kila wungge menggim nogome nogo logonet, kinogogun ambik me, tu paga ambi age kenok kinoorukwak, an ninom nagin lek, yegerak o, yinuk, aakumi Iterali yoret o.”

Yetikiyen 20:8

Yoragagirak kwe, an yorage nogo eeriyak ineebi mbako nogogwaarik, an noone konenulik mbo punuk, Yeenggwa niraawak o, yinuk, ogole warak ogut eerak ayuk wukwi nogo mbo pugwi, it Metit mendek inagugi nogo teppugwi, eeka'lek iinok, an nanini kilirogo inoba piige, it o Metit wonogwe me nanini kani kunik negen inoba kwippiige, Eerikit o, yinuk, koonogo pereegirak.

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Matiyut 24:43

At aap awi unde nen, Yogoot iyagalo ne ndi eyom paga woraagin, eenu a'netak en, tu paappunuk, amendek kiraari unggwage kero, nogo yega'lek mondok-mondok tum wake logonetak o, yinuk, kineenu a'nip o.

Matiyut 24:48

Ndi, aap ayeloman nogo ti, obaabut abu maluk me, Nogoba elaambirik, logonuk woraagin, mbaki o, yinuk,

Nappiigak 17:29

Ti kenok, nit Ala paga wiganak aret wonogwe me, at eebe alom ti, aakumi iniki koonogo punuk mbuti emas paga, mbuti perak paga, yugum paga, kugiwak negen ogobakkigirik ti kwak mbarugup o.

Nappiigak 19:26

aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

Nappiigak 7:40

at Karun yogwi, At o Metit nen wo'niren wagaarak Muta nogo, nggeeme nagaarak nineenggo'lek me, nit wo'niren nege logowak nduk, ninagugiwak ambi ogobakkigi'niret o, yoreegwaarak.

Pelaareegerak 31:8

At Aliku ALA nen teppagage, eraanggi mbo paganuk mbagangge, eerigin lek kimbirak aret logonet, tu nikkeren nagin me, kat kagabiti mbake, Eeriyak, anggon eekkake, eerugun o,” yoreegerak.

Pelaareegerak 9:1

Yorage nagagerik, ambinom yorage logonet, “Kit nowe-nawot Iterali mendek yi wae. Wone yi liirogon kinaruk logonip o. O yogondak yi paga aret yi aakumi ndi aakumi inanebunu nggwok inomaawi ambik lombok kit kinom ndak ariyak lek logonet, inawi kota-kota nggwok lombok wurogo pugwi, yagat pak mbogut ndak negen wurogo pugwi, eeppunuk wonogwe me, unggwi nanuk, inanggween ndinggologo logomonggotik, ye mbambatinuk logomunggup nduk, niyo Yoraran mbanogo pegak wunda namunggup o.

Pelaareegerak 9:9

Eeke mbareegi, an puut Korep paga laganeegirak nogo ti, kinom eeko logorak wone at Aliku ALA nen abuk nggaruk togon koonogo pereegerak yugum tabak mbere paga liiru mbanak nogo wo'niruwak nduk, lagi nage nagagirik, time wonage logonet, an mbi nengga'lek, yi nengga'lek, o kiip age, o weege, eeke kagak nogo 40 aret yereegirak o.

Yotuwa 7:13

Togop aret me, it aakumi Iterali ti, an namendek ambi kumaapporogo wonage nogo mbo nappega'lek kagak, it inawim nen Iterali inoori wogwe iinok, ko wappunuk logorak meek aret me, ko'lu kuubondendok it inanebunu lombok ineebe ndarak ndegek inalitik-inalitak iniki kwaarinabikit nduk, Naliku ALA nenggaanom paga kuwak eeri wagak eeko logowak o. Kuwak eeri wogwe iinok, an nen, Aap anebunu ti wiganak mendek nen kumaakerak o, ari neenok, inagunu lombok nen an nowagam wogwe iinok, an nen, Aap inagunu ti mendek nen eekerak o, ari neenok, inagunu ambit ti mendek abok aret kuwak eeri wogwe iinok, an nen, Aap ti mendek nen aret kiraakerak o, ari neenok perak, aap ti, an ninom wone abu nggaruk togon koonogo yoragagirak nogo, taganogo pege logonet, it aakumi Iterali inendage maluk eerogo piigerak me, an namendek kumaapporogo wonage nogo inom, at eebe inom, at amendek inom, owe-awot abok aret kani kumbiyoorak Naliku Iterali inogoba Ala an aret yagarak me, ko'lu eeke neyaawak nen it aakumi Iterali inoba kikak naka'lek nake leenogo patinuk logowak nduk, mi'nage logomenggendik, yora nak o.”

2 Peterut 3:4

yogo logonet, “O yi, maan Ala nen wakkagagerak kuli nen, nok, yogondak kuli alik aga'lek itok menggerak kagak, ninombomini nen, O yi, lek eeri woraagin o, yogwe iigak, kambit nogogwaarak me, Woraagin, yereegerak nogo, eebe wage lek, ngge?” yinuk, miyuk-meya eerogo pinagagwi iyaamunggup o.