Wundeegwaarak 30:1 - Ala Wone Peenok Peebi Mbanak

¹ At Aliku ALA nen Muta ambinom yoge logonet, “Obari abe kaga kani kunggak eyo liibu paga ogobakkigirumunggun o.

Wundeegwaarak 30:1 Iomraidhean Croise

1 Endagembogut 6:20

agi-ogu inom, aru-ogwe inom, agi nippereegerak inom, abok ndak-ndak metet 9 mban wakkanet nagagerak. Wakkanet nage nagagerik, kobat akem nogo ti, mbuti emas at mendek paga mban tabak-tabak eerak paga nabenogo pege, obari abe kani kunggak eyo nggabina paga ogobakkigirik nogo paga nabenogo pege,

1 Endagembogut 6:22

o wurik nogo inikime abok aret obari abe kunggo logorak Ala inom lambunggak o mage lombok logowam endekenggwe wonagagerak nogo inom, mbuti emas paga mban nabenogo pit nagagerak.

1 Endagembogut 7:48

At Talomo nen yi mendek ndi mendek abok aret Aliku ALA awi wurik me logorak ogobakkigireegerak nogo ti, mbuti emas paga Ala ake warogo wogogo logowam inom, mbuti emas paga Ala wonage mbaruwak nduk, oroti worarogo pegak eyo ndoonak inom,

1 Mbinineegwaarak 28:18

obari abe kaga mendek kani kunggak ogobakkigiriyak me, “Mbuti emas at mendek paga mban aaninggin ndogop paga ogobakkigiriyak,” yoge, malayikat negen kerub-kerub a'naabit wiganogo punuk, Aliku ALA wone yugu aloobut mbanak nobappunuk logorak mbuti emas paga ogobakkigiriyak nogo yoge, eereegerak.

1 Mbinineegwaarak 6:49

at Karun apuri-ombowologwe inom perak, Ala ayeloman Muta nen wone lengganogo yoragagerak nogo ndak-ndak, Ala awooliya wurik Mage Lombok Menggim time aakumi Iterali inomaluk lek eerogo piyaawak nduk, nggami aanggo wakwi kwak, Ala ake warogo kani kunggak eerak paga inom, obari abe kaga nogo mendek kani kunggak ogobakkigirik paga inom, Ala ake kani kunggak yuwak nduk, mippiyareegerak.

2 Mbinineegwaarak 26:16

Aap Utiya endage nggwok agagerak paga iniki wogoppateegerak me, irip paga endage maluk eekkolagagerak. Endage maluk eekkolage logonet, Aliku ogoba Ala wone liirogon eeke logolik taganogo punuk, obari abe kaga kani kunggo menggam Aliku ALA awi wurik me wonage nogo kunikit nduk, unggwage nagagerik, kungge me,

Wundeegwaarak 30:10

Tahun ambit eerak paga obari abe kaga kani kunggo logowam maluk agaarak kero obeelom aruwak nduk, aakumi inomaluk lek aruwak nduk nggami aanggo wakwi kwak an nake warogo wo'nugwi amiya nogo, at Karun nen wonok eyo owak mippuurak irip to eerogo puurak nogo paga lambunogo pit nage logowak o. Ti eeriyak nogo ti, Naliku ALA nake leenak abu mage lombok logorak me, tahun ambit eerak paga kapuri nda'naremenggaarak kinom mondok-mondok eeko logomunggup o,” yinuk, yoreegerak.

Wundeegwaarak 30:2

Kani kunggak ti ogobakkigike logonet, aanunggut aru-ogwe, agi-ogu abo ndak-ndak metet oolo negen wakkagak pege, ndi, owak mippit nage logonet, metet ambiret negen wakkagak punuk, irip mbangga'lek to eerogo pege, eerumunggun o.

Wundeegwaarak 31:8

oroti pegak eyo ndooniyak inom, eyo ndoonak ti paga eeko logorak inom, ndi owak mbuti emas at mendek paga mban ogobakkigiriyak inom, ndi wuninggo logonet yi mendek ndi mendek eekak inom, obari abe kaga kani kunggak inom,

Wundeegwaarak 35:15

obari abe kaga kani kunggak inom, eebe eewu'nuk negak eyo inom, Ala ake leenogo pogo logonet amburu kilippiigak inom, obari abe kaga mendek inom, ooliya wuriyak tu unggwogo menggam yum tuguniyak inom, ogobakkigirogo pugwi,

Wundeegwaarak 39:38

obari abe kaga kani kunggak emas paga nabenak inom, Ala ake leenogo pogo logonet kilippiigak amburu inom, obari abe kaga inom, yum tabak tungga paga tugunggak inom,

Wundeegwaarak 40:5

obari abe kaga kani kunggak ake mbuti emas paga ogobakkigirik nogo wonok an noone yugu naloobut mbanak me yonggolak akem wonage kagak, ena endekem nggwe taati pege, yum tungga'nggi paga tugunogo pege, eeru o.

Yetikiyen 41:22

ake warogo wogogak eyo paga ogobakkigirik irip agi nggorek metet ambi eeppunuk ambi oolo inom wakkage kage, irip aru-ogwe inom, ambe agi-ogu inom, ti ndak-ndak metet ambit mban aret wakkage kage, ndi, aanunggut inom, iyok inom, kobat inom, ti, eyo paga mban ogobakkigirik wonage kage, eereegirak. Eeke mbareegi, at aap nogo nen an yo'nege logonet, “Eyo ndoonak Aliku ALA enggaanom paga menggerak nogo yi aret o,” yinuk, yo'nereegerak.

Ala Unde 4:18

Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kaga kani kunggo menggam eyo owak mippugu irip-irip to eerak agi paga labunogo punuk, amiya ando apit nogo wonok an ninom lambungge minggim nawooliya wurik tu unggwogo menggam abu'me time kilirogo puwak o.

Ala Unde 4:7

Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kani kunggo menggam eyo owak mippugu irip-irip to eerak agi paga labunogo punuk, amiya ando apit nogo waganogo an ninom lambungge minggim nawooliya wurik tu unggwogo menggam endekem nggwe nake warogo kani kunggo menggam abu'me time kilirogo puwak o.

Linggineegwaarak 3:31

It ndegenggo logorak unde eeppiyareegwaarak nogo ti, Ala aloobut mbanak inom, oroti pegak eyo ndoonak inom, ndi wuninogo pegak inom, Ala ake warogo wogogak inom, mage menggim aakumi inake eeko logonet, eekak yi mendek ndi mendek inom, yum oolo tugungga inom, mage menggim logonet, eekak yi mendek ndi mendek apit aret it unde wonogogwaarak.

Linggineegwaarak 4:11

An nake warogo wo'niriyak mbuti emas paga ogobakkigirik nogo, yum maa'ngga amu kunik paga obaga lenggenogo pugwi, ti'nuk, lumba-lumba agabolo ogombaga wunom lenggenogo pugwi, eeppunuk, eyo eewu'nuk naga nogo nonggonogo puwak o.

Iberani 9:4

obari abe kaga kunggo menggam mbuti emas paga ogobakkigirik nogo, time aret wonagagerak. Ndi, togolowak mbuti emas paga ogobakkigirik me, mbi mana ando yonggolak inom, aap Karun owaanggun paga agarip wundeegerak nogo inom, ndi, Ala nen wone yugum paga liiru mbanogo Muta wogoreegerak nogo inom, abok aret Ala aloobut mbanak enaagan-ambokan mbuti emas mban nabenak wonagagerak nogome yonggolak o akenggwe Mage Lombok Menggim time aret wonagagerak.

Wayu 8:3

Kage neegak, malayikat alik ambi togolowak mbuti emas paga ogobakkigirik eenggime wonok, Ala ake warogo kani kunggo menggam mi'nari wage mbaki, it Ala apuri ake leenak tamban eekwi inoone yogwi nogo at yoge logonet, kani kunggo menggam mbuti emas paga ogobakkigirik Ala wone lengganogo yorage menggim abu'me wonage nogome, kani kuni ungguwak nduk, obari abe kaga apit toologo wogoge kagarak.