Wundeegwaarak 3:8 - Ala Wone Peenok Peebi Mbanak

⁸ Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Wundeegwaarak 3:8 Iomraidhean Croise

Wakkagagerak 11:5

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Wakkagagerak 11:7

ari nagagerik, “It inoone ambit yogwe nogo konen-konen yogo logokwak, inoone inalitak lombok eerogo piyaawok o.”

Wakkagagerak 15:13

at Aliku ALA nen at yoge logonet, “Kat kombowologwe nda'naremenggaarak nogo nen aakumi iname we nggiru negen ari nanuk wonogwe iigak, it aakumi nen inayeloman eeppiinok logonet, meek lagik-loguk aganakwi iigak, tahun empat ratus eerugun me, wone yi abet aret yokkege me, liippu o.

Wakkagagerak 15:14

Togop eeko logogun kwe, it aakumi kat kombowologwe inayeloman inabu'me tebenogo piinok wonogwe nogo, onggo aaninggin mendek inoba piige neenok, o nogome mbo punuk wunggo logonet, inamindik-inamendek ambik aret ko'nok wundi woraagun o.

Wakkagagerak 18:21

it yi maluk ndi maluk eekwi iinok, aakumi nen yogwe naruk konenggirak nogo abet aret eekwi a, lek a? yinuk, nenegen maloppiya nage agarik o.”

Wakkagagerak 43:11

Yoge mbareegi, it inogoba Iterali nogo nen, “Togop kenok, kit nen aap o Metit unde wonage nogo iniki ale'nggen eerogo wogoriyak yi mendek ndi mendek obari obeelom mendek inom, kundali inom, nggiin amburu inom, yibinggami inom, teno anggen inom, woromo anggen inom, abok aret kuwak eeppunuk, kinegaruna yonggologo wogori nanip o.

Wakkagagerak 46:4

An nen enaani aret ndegenggiren o Metit nage logominggirik, ti'nuk peebi an nen mban kiyokan o Kanan yime wokkiren woraagin o. Ndi, Yutup eenggi ndoonak paga kangge keenok, nggween taambagagin o.”

Wakkagagerak 50:24

Eeke nagagerik, at Yutup nen owe-awot nogo yorage logonet, “An abu kambuurak ee'nake me, kambiminggirak neegak kit perak, Ala nen, Nggween wokkiraagin o, yinuk, Abarakam, Itak, Yakup wone abuk nggaruk togon yoragagim nogome o yime nen liirogon aret unde logomunggup nduk wokkiren pinagi nagin o.”

1 Mbinineegwaarak 1:15

Kewi mendek inom, Ariki mendek inom, Tini mendek inom,

Nekemiya 9:8

Kat yoge nogo li'lak mban eeke kenok, it aakumi Kanan mendek inom, Ket mendek inom, Amori mendek inom, Perit mendek inom, Yebut mendek inom, Nggiragati mendek inom, inanggween abok aret at apuri-ombowologwe wogoroorak wone abuk nggaruk togon koonogo punuk yoreegindak nogo, kat abe koonak mban eeke menggendak me, koonogo pereegindak nogo a'me lik togon aret eereegindak o.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 12:6

Nggween nggabok worako menggam Mbuti perak leennaruwak nduk, ne 7 worappunuk, Abu obeelom age kogo mengga kwak, Kaliku ALA koone ari menggendak nogo Mbeyok ariilik, a'me lik togon aret age menggerak o

Ndawi 34:8

Aliku ALA mondok obeelom aret menggerak kineenu arubagip nduk, ombat wakkaanip o. Ineebe op logowok nduk, abu'me ari unggwogwe nogo Inale'nggen aret mbako logogun o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Wundeegwaarak 12:41

Ndi, tahun empat ratus tiga puluh abu eeppunuk, ko'lu aret tahun ambi eeriyak panggo ari kagak, at Aliku ALA apuri aakumi Iterali mendek inawuri lombok leenak nogo o Metit nen wundi wogogwaarak.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Wundeegwaarak 13:5

Wundi nogwe me, at Aliku ALA nen wokkiren it aakumi Kanan mendek inom, Ket mendek inom, Amori mendek inom, Kewi mendek inom, Yebut mendek inom, wonogo menggam yilak amburu inom, nggiin amburu inom, niyo eneeri negen kila-kila wungge menggim kinombomini wogoraagin o, yinuk, kumbuk mbanogo yoragagim nogome pinagi namenggerak wonogo logonet, tut yi peneni wage kenok, laago yi, lariyak abeko logonet,

Wundeegwaarak 3:17

it o Metit aaninggin-paaninggin eeppiigwi me time nen wogoren aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween mili obeelom yilak amburu inom, nggiin amburu inom, niyo eneeri negen kila-kila wungge menggim time piya nagin abu koonogo pigirak, yegerako, yinuk, yoraamunggun o.

Wundeegwaarak 34:11

Yi eeriyak ndi eeriyak wone lengganogo yogondak yokkirage yi, kiniki liippunuk eerit nogo logonip o. Liirogon aret eerit nogwe kiinok, kit awo wogwe kiigak an naa'nduk a'nuk, it aakumi Amori mendek inom, Kanan mendek inom, Ket mendek inom, Perit mendek inom, Kewi mendek inom, Yebut mendek inom, apit aret mugogo wumbiige neyaamunggup o.

Wundeegwaarak 5:23

Kat wone yo'negendak nogo wonok Pirawun yori nagarak kuli paga nen kapuri abunuk aaninggin inoba piige kagak, inagap ndaka'lek keegi o,” yinuk, yoreegerak.

Yetaya 36:17

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, piya nagin, yegerak me, at aap Kitikiya nen yokkirage nogo, konenggo logorak mage o.

Yetaya 64:1

Ai, nogoba. Kat mbogut paga tu paarogo punuk, keebe aret wura wage keegak, Puut-puut na'ndo-wa'ndo ari kane!

Yeremiya 11:5

Eekwi kiinok, an nen kit kinombomini inanggween abu abe yilak amburu inom, nggiin amburu inom, niyo eneeri negen kila-kila wungge menggim time wogoraagin o, yinuk, kumbuk mbanogo yoragagim nogome kit wokkiraagin o, yinuk, yoragagirak it yogondak unde eeppatinuk wonogwe nogo nen wone yugu ti, liirogon eeka'lek iinok, pulunik aret logogun, yegerak, yoret o.” Yo'nege mbaki, an nen, “Kaliku ALA wae. Abet aret yagan o.”

Yeremiya 2:7

O Metit nen wogoren wundi wage nagagirik, o piyareegim nogome wonogo logonet, Anggen abe yugu nunggwi, yi mendek ndi mendek nggween ti paga yarak mbanogo nunggwi, Eeko logowak nduk, Nggween abu mili lubu eerak paga piya wagagirak kwe, Time wonogo logonet, nggween mbet-mbet aret enete maluk eerogo pugwi, Neyate kwak wogoragagirak nanggween nogo, maluk eerogo pugwi iinok, aakumi nen, Ogole o, yogwe, Eereegwaarak o.

Yeremiya 32:22

O nggween mili lombok yilak amburu inom, nggiin amburu inom, niyo eneeri negen kila-kila wungge menggim time wokkiraagin o, yinuk, kumbuk mbanogo inombomini yoragagenom nogo aret wogorage mbareegin,

Yetikiyen 20:6

Ne ti eyom paga it yorage logonet, Kit o Metit nen wokkiren wundi woraanuk, yi o ndi o enggela'me nggween abu obeelom lombok yilak amburu inom, nggiin amburu inom, niyo eneeri negen kila-kila wungge menggim nggween an nen kit kinake leenogo pereegim nogome wokkiren pinagi nagin o, yinuk, yorage nagagirik, kumbuk mbaneegirak o.

Ala Unde 20:24

Yi aakumi ndi aakumi iigak, Naliku inogoba Ala an nen it inalik mban napuri logowak nduk, leenogo piyareegirak me, it aakumi ti, inanggween abu obeelom yilak amburu inom, nggiin amburu inom, niyo eneeri negen kila-kila wungge menggi kwak wonage nogo, Kit unde logomunggup nduk, wokkiraagin, yoragagirak nogo aret wogoraagin o.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Linggineegwaarak 13:18

Ndi, lagi nogo logomonggotik, it aakumi time ti, ineebe ambik wonogwe ilik, mbuuluk wonogwe a? Inomaawi ambik wonogwe ilik, lebenak wonogwe a?

Linggineegwaarak 13:19

Ndi, o ti nonggop o? O ti, abu obeelom wonage ilik, maluk wonage a? O taganak kota time ti nonggop o? Pak wurik wonage ilik, pak wurik lek wonage a?

Linggineegwaarak 13:27

Titik irogo nogogwaarik, it nen wone mbininogo Muta yogo logonet, “O time kinigen pekka nanip o, yo'niragandak nogo abok aret ninigen yomboonggo nogoorik, nggween abu amburu warak me, nggiin amburu inom, yilak amburu inom, niyo eneeri negen kila-kila wungge menggim abu iya lombok kogoorak me, anggen yugu eebe kenegen kaanok nduk wonok wogoorak yi ket o.

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Pelaareegerak 1:25

Yomboonggo nogogwaarik, eyo anggen o yime mendek mbaninuk, wo'niri nogo logonet, At Aliku ninogoba Ala nen nggween wo'nirage nogo ti, abu obeelom lombok kogoorak o, yinuk, yo'nira nogogwaarak.

Pelaareegerak 1:7

o yogondak yi paga aret kinawooliya wurik minogo kologo logomonggotik, aap Amori mendek inanggween puut nggelok-nggobok time unggwogwe, it aakumi korotok menggaarak o Araba kobak nabunogo pereegim nggelok-nggobok wonogwe me unggwogwe, puut lunik me wonogwe me unggwogwe, o Kanan o ame pa'nggwe karume wonogwe me unggwogwe, niyo nggwok yenggenak aa'nggi paga wonogwe me unggwogwe, it aakumi o Kanan time wonogwe me unggwogwe, ndi, o Libanon niyo nggwok Eparat kuli time aret unggwogwe, eerit nanip o.

Pelaareegerak 27:3

at Aliku kinogobamini inogoba Ala nen wone yokkiragagerak nogo ndak-ndak kinanggween yilak amburu inom, nggiin amburu inom, niyo eneeri negen kila-kila wungge menggim at Aliku kinogoba Ala nen wokkirage nogome unggwi namunggup nduk, niyo nogo wunda nogo logomonggotik kenok, eeko logorak wone yugu yi, tigitogon yugum ti paga liiru mbanogo pumunggup o.

Pelaareegerak 28:11

At Aliku ALA nen kinombomini, Nggween wokkiraagin o, yinuk, wone abuk nggaruk togon kumbuk mbanogo yoragagim nogome wokkiramenggerak wonogwe kiigak, kinakuwi elege ndaganako menggam obeelom eerogo piige, kinaanggumi ndaruwak nduk, obeelom eerogo piige, yi awi ndi awi yarumonggotak anggen ka'let-pa'let eerogo pinagage, eeke logonet, ambik lombok kalo logonogo wokkirage logogin o.

Pelaareegerak 6:3

Togop aret me, kit nowe-nawot Iterali mendek yi wae! Kinaruk liirogon konenggo logonip o. At Aliku kinombomini inogoba Ala nen wone abuk nggaruk togon yokkiragagerak nogo ndak-ndak, kit o nggween anggiinu mili me, yilak amburu inom, nggiin amburu inom, niyo eneeri negen kila-kila wungge menggim wonage me time ari nanuk, yi wone ndi wone ambi kinoba aga'lek kineebe obeelom logonet, kinanebunu nggwok togon wigannarit nogo logobagip nduk, wone lengganak ti, liirogon eerit nogo logonu o.

Pelaareegerak 7:1

Yorage nagagerik, at Muta nen aakumi Iterali ambinom yorage logonet, “At Aliku kinogoba Ala nen o kit unggwi nogo logomonggotik, unde a'nuk logowam time wokkiren pinagi nage logonet, at aa'nduk a'nuk, it aakumi inanebunu ambik inomaawi nggwok aakumi Ket mendek, Nggiragati mendek, Amori mendek, Kanan mendek, Perit mendek, Kewi mendek, Yebut mendek, inanebunu 7 aret

Yotuwa 9:1

It aap inendagembogut niyo Yoraran oonegen kilu yi nage menggim pa'nggwe puut-puut paga wonogwe inom, puut nggelok-nggobok wonogwe inom, niyo nggwok yenggenak laut ambet paga nen, agi puut Libanon kuli aap inendagembogut Ket mendek inom, Amori mendek inom, Kanan mendek inom, Perit mendek inom, Kewi mendek inom, Yebut mendek inom, abok aret at Yotuwa eeke nogo inaruk konenggo nogogwaarik,

Yotuwa 9:7

Yorogogwaarak kwe, it aap Iterali mendek nen it Kewi mendek nogo yorogo logonet, “Kit kinawi we korok-korok ninom wonogwe ya'i nen wogotak kiigak, wone abuk nggaruk togon mbanukwak nonggoti o.”