At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.
Wundeegwaarak 3:2 - Ala Wone Peenok Peebi Mbanak2 Wage nagagerik, wonage me, at Aliku ALA ayonggo malayikat nogo eyo ku'mbanak me kani wunuk ari kagak enggela'me nogome nen Muta nikka wagagerak. Eyo nogo kani nengga'lek we omoonuk wunuk mban ari enegen kage nagagerik, Faic an caibideil |
Wundeegwaarak 3:2
29 Iomraidhean Croise
Togop aret me, it aap Iterali inoweewi yo'nggok kero kuwak eeppiinok, yorage logonet, Kit kinombomini Abarakam inom, Itak inom, Yakup inom, at Aliku inogoba Ala nogo nen ni'neya wage nagaarik, yo'nege logonet, It aakumi Metit mendek nen aaninggin-paaninggin inoba piigwi nogo an inogoba Ala nen muk liippiige nagarik,
An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.
Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,
Ka wundi wogo mbareegwa, aap endagembogut abu'me logonet eeko menggaarak inom, o nggwok pippunuk menggaarak inom, it aap yi o ndi o unde menggaarak inom, aap endagembogut inom wone koongga inom, abok aret kuwak ari wa'nuk, it aap ineebe kenagan nogo kani omoonuk nen inagabolo ti'mondok eerogo piige, ineeruwak ambiriluk ambi kani nengge, inayum nggorek yirik nogo kani nen yuwik-mbawik eerogo pege, ineebe paga kani nen inobari eerogo pege, eerulik ineebe menggaarak ndak-ndak inaani aret wonogwe iyareegwaarak.
At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.
At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.
It aakumi kanggwi ineenik agago mippiyaagin nogo ti, at Muta nogo eyo ku'mbanak alome kani wunuk ari kagak, wonage me, Ala nen at yoreegerak wone nogo liiru mbangge logonet, Abarakam inom, Itak inom, Yakup inom, inogoba Ala ti, an aret o, yinuk, yoreegerak liiru mbaneegerak nogo kit pekkaga'lek ogotik ya?
It aakumi kambeegwaarak ineenik agago mippiyaagin nogo ti, at Muta eyo ku'mbanak me kani wunuk ari kagak ari koneneegerak wone nogo mbininogo liiru mbangge logonet, Nogoba Ala ti, aap Abarakam inom, Itak inom, Yakup inom, inogoba Ala aret o, yinuk, liiru mbaneegerak ti paga it kambeegwaarak nogo Ala nen abet aret ineenik agago mippiige menggerak kogo o.
Wone Muta yoreegerak nogo eeriyak op mbakwi kwe, niniki maan mendek nen, “Eeriyak lek o,” yo'nirage paga eeriyak meek kenok, at Ala nen kooneegerak nogo ti, nit maluk eekwi nogo lek eerogo puwak nduk, at aput lombok aap pogom logonet, maluk eeriyak kagak kwe, eeka'lek wonagagerak paga ninomaluk lek eerogo pereegerak o.
It inanggween paga yi mendek ndi mendek abu obeelom mendek kenok mban oona lu'luk agago wogorage, At eyoongga logonak me kani wunuk ari inikime menggerak nogo nen ale'nggen inoba piige, Eeke logorak yagarak yi, Abok aret aap Yutup oba aret kwi'nage, Oreewi inenggela'me nen inowe at aret wonage me, Nggare-nggare mendaarak kwak, anobak paga yiri'nage, Eeruwak o.
Sanasan