Wundeegwaarak 3:10 - Ala Wone Peenok Peebi Mbanak

¹⁰ an napuri Iterali mendek o Metit nen wogoren wundi woroorak kat Pirawun yori nagak eeke logonok nduk, nappagagi o,” yinuk, yoreegerak.

Wundeegwaarak 3:10 Iomraidhean Croise

Wakkagagerak 15:13

at Aliku ALA nen at yoge logonet, “Kat kombowologwe nda'naremenggaarak nogo nen aakumi iname we nggiru negen ari nanuk wonogwe iigak, it aakumi nen inayeloman eeppiinok logonet, meek lagik-loguk aganakwi iigak, tahun empat ratus eerugun me, wone yi abet aret yokkege me, liippu o.

Wakkagagerak 15:14

Togop eeko logogun kwe, it aakumi kat kombowologwe inayeloman inabu'me tebenogo piinok wonogwe nogo, onggo aaninggin mendek inoba piige neenok, o nogome mbo punuk wunggo logonet, inamindik-inamendek ambik aret ko'nok wundi woraagun o.

Ndawi 105:26

At ayeloman Muta nogo ayonggo nappege, Aap leenogo pereegerak Karun nogo imbirak nappiige, Eereegerak.

Ndawi 77:20

Aap ndomba ndegeninaka nen Andomba wogoren nage menggi kwak, Kat nen Muta Karun imbirak yorage keegak, Kapuri wogoren wogogwaarak o,” Yinuk, yoreegirak o.

Wundeegwaarak 12:40

It aakumi Iterali mendek nogo o Metit time wonogwe iigak, tahun empat ratus tiga puluh aret eereegerak.

Wundeegwaarak 12:41

Ndi, tahun empat ratus tiga puluh abu eeppunuk, ko'lu aret tahun ambi eeriyak panggo ari kagak, at Aliku ALA apuri aakumi Iterali mendek inawuri lombok leenak nogo o Metit nen wundi wogogwaarak.

Wundeegwaarak 33:12

Ne ambi paga Muta nen at Aliku ALA yoge, “Kat nen ari logonet, Aakumi Iterali mendek yi, wogoren nak o, yo'nege menggendak kwe, ta nimbirak nen wogoren noorak yo'negen? Ndi, kendage an neenu me, keebe ninikilom kombake o, yo'nege menggendak kwe,

Wundeegwaarak 33:13

kat nen abet aret nabuwa mbake kenok, it aakumi inanebunu Iterali yi, An mendek aret o, yinuk, inoba aberak logonet, kat keebe liirogon neenu age, ndi, kat nimbirak mondok-mondok niniki kunik wonage, eerikit nduk, kat eeriyak mbake menggendak nogo yo'niru o.”

Wundeegwaarak 6:26

Ndi, aakumi Iterali o Metit nen wogoren wundi nawak nduk, aap Metit inowe endagembogut Pirawun yoreegwaarak tirogon aap inalik lek Karun Muta imbirak mban aret.

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Nappiigak 7:34

An napuri o Metit wonogwe nogo inoorit nogwe nenegen iige, yagan warit nugu logonet inoone yogwe nogo naruk konengge, eeke minggirak me, wondet eerogo piyaakit nduk wambi wagi o. Kat o Metit nappagage me, aret nak o, yinuk, yoreegerak o.

Nappiigak 7:36

At nogo, ninombomini o Metit nogome nen wogoren wundi wage logonet, o Metit nen, yi yenggenak Merah ambet paga nen, karume time nen, eerubok mendek eeke, ineenu ariyak inagabiti warak mendek eeke, eerit wage kagak, tahun 40 eereegerak.

Nappiigak 7:6

Yoge nagagerik, Ala nen ambinom yoreegerak nogo yi aret. Kat kombowologwe nogo, o aakumi inambik iname time aap nggiru negen nugwi me, it inayeloman eeppiinok, aaninggin-paaninggin inoba piigak mban eekwi iigak, tahun 400 arigin o.

Nappiigak 7:7

Togop eerugun kwe, it aakumi kat kombowologwe inayeloman eeginabemenggaarak nogo, an nen maluk eeppiige neenok, inambik iname nogome nen wundi wogo logomenggaarik, o yime woraanuk logonet, an nalut ee'nako logogun o, yinuk, Ala nen Abarakam yoreegerak.

Owak Loongga 6:14

Yoge mbareegi, at Aliku ALA nen ena koonogo Nggireyon pekkaanuk, yoge logonet, “An nen kat ambi eeriyak nappagakit nduk woroolik mbaken? Ambi eeriyak nappagakit nduk, aret wagarak me, komaawi eeke menggendak ti paga aret aakumi Iterali it Miriyan mendek ineenggime nen inagap ndarenok nduk, pipuk eeke logot o.”

1 Tamuwen 12:6

Yogo mbareegwa, at Tamuwen nen wone ambinom it abok aret yorage logonet, “It Muta Karun imbirak at Aliku ALA nen aret leenogo mippiige nagagerik, kinombomini o Metit nen wogoren wundi wagagerak.

1 Tamuwen 12:8

Yoragagerak wogo mbareegwa, at nen it nogo yorage logonet, “Aap Yakup apuri inom o Metit nogogwaarak wonogwe me, aakumi Metit mendek nen it tebembiinok, wonogo mbareegwa, at Aliku ALA yeenggwaaraawak nduk, nggino yogo mbareegwa, Aliku ALA nen Muta Karun imbirak nappiyareegerak nogo nogogwaarik, kinombomini o Metit nen wogoren, o yime aret ye mbambatinuk logowak nduk, piya wogogwaarak.