Wundeegwaarak 3:1 - Ala Wone Peenok Peebi Mbanak

¹ At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

Wundeegwaarak 3:1 Iomraidhean Croise

1 Endagembogut 19:19

Yoge mbareegi, aap Eliya time nen wage nagagerik, aap Tapat aput Elita nogo tapi mbere'mbo lambunik ineenggi lingginik 12 me, it ando 11 paga yabu eekwi iigak, at Elita nogo ambi 12 paga eeke me, Eliya owagam wage nagagerik, ayum nggorek nogo nggoorogo Elita oba lenggembereegerak.

1 Endagembogut 19:8

Yoge mbareegi, Eliya nogo mi'nanuk, oroti inom, niyo inom, nenok, omaawi eekkolage nagagerik, nage tit kagak, nogo 40 yit Ala abuut, Puut Korep nogo paga ari nagagerak.

Ndawi 106:19

O Korep logonet, tapi aagaluk ogut ogobakkigirogo pugwi, Mbuti paga inagugiwak ogobakkigirogo punuk ayuk wukwi,

Wundeegwaarak 18:12

Ari nagagerik, ndomba ambi Ala ake warogo kani kungge, ndi, alik mendek ando inom Ala ake warogo wogoge, eeke mbareegi, at Karun inom, it aap Iterali yo'nggok inom, at Muta aru inom Ala enggaanom paga mbi nawak nduk, Yitoro ka wogo nogogwaarik, inom mbi nunggugwaarak.

Wundeegwaarak 19:3

Inawooliya wuppatinuk wonogwe iigak, at Muta nogo Ala imbirak wone mbaniyak nduk, puut Tinayi paga lagangge mbareegi, at Aliku ALA nogo puut paga nen Muta yoge logonet, “Yakup apuri wiganak it Iterali mendek nogo yogop yoret o.

Wundeegwaarak 2:16

Aap Ala unde ambi Miriyan mendek apurilogwe komologwe ineebe 7 wonogogwaarak. It komologwe nogo nen inogoba aanggumi kambin-ndomba inagi toologo eyo nenaarak paga kilirogo wogoroorak nduk, niyo tooko menggam nogome wogoren wogogwaarak me,

Wundeegwaarak 2:18

Toorirage mbareegi, komologwe nogo mbet-mbet aret inogoba Erekuwen wonage me ka nogo mbareegwa, inogoba nogo nen it yorage, “Mbet-mbet waga'lek kiige minggirak kwe, ne yogondak nonggop eeko nogotik, mbet-mbet aret wogop?”

Wundeegwaarak 2:21

Yori wogogwaarak nage nagagerik, “Ninom yime ye mbanggoloorak op o,” mba'nuk, inom wonage me aap Yitoro nogo nen apuluk kolaga Tipora nogo Muta akwe kolaawak nduk wogoreegerak.

Wundeegwaarak 24:13

Yoge mbareegi, at Muta ayeloman Yotuwa imbirak puut paga Ala ka lagi nawok nduk, eeko logonet,

Wundeegwaarak 3:12

Yoge mbareegi, at Ala nen Muta yoge, “An yeenggwa kirigin lek mbaken? It aakumi Iterali mendek o Metit wonogwe nogo wogoren wundi woraanuk, puut yi paga an nalut eeri wogo logomonggotik kenok, Ala nen abet aret nappaneegerak kagi, yinuk, keenu arumunggun o.”

Wundeegwaarak 3:5

Yoge mbareegi, Ala nen at Muta yoge, “An nowagam ya'i panggo yi woroorak ti, mage o. Ndi, kat mi'ndak wonage me taati kunduk, nggween mage lombok aret me, kiyok ogut nggerenak ti, piinogo pu o.”

Wundeegwaarak 4:18

Ti'nuk, Muta nogo iyokan aru Yitoro owagam nage nagagerik, yoge logonet, “An nowe-nawot o Metit wonogwe nogo ineenik wonogwe ilik, lek a? Pegiya naakit nduk, yokkiri wagi o.” Yoge mbareegi, aru nogo nen, “Pegiya noorak op aret me, nak o,” yoreegerak.

Wundeegwaarak 4:27

Ti eeko nogogwaarik, awo nogwe me, Aliku ALA nen Karun yoge logonet, “Muta kimbirak lambuniyak nduk o karume time nak o.” Yoge mbareegi, Ala abuut nogo paga Muta imbirak lambumbunuk, keyage warogo agandin eyak mbangge nagagerik,

Amot 1:1

O mi awo waga'lek kagak tahun mbere eeppunuk, ambi awo eeke paga at aap Utiya aakumi Yekura mendek inowe endagembogut a'nuk wone lengganogo yorage, ndi, at aap Yowat aput Yerobeyam nogo, aakumi Iterali mendek inowe endagembogut a'nuk wone lengganogo yorage, eekwi iigak, aap ndomba ndegeninaka o Tekowa mendek ambi endage Amot nogo nen it Iterali mendek eeppiyoorak abi paga kage nagagerik, yoragagerak nogo yi aret o.

Maleyaki 4:4

“Puut Korep paga nen it aakumi Iterali abok aret yoraawak nduk, wone lengganak inom, eeko logorak wone yugu inom, nayeloman Muta yoge mbareegi, liiru mbaneegerak nogo abeko logowak o.

Linggineegwaarak 10:29

Eeko mbareegwa, at Muta aru aap Miriyan mendek Erekuwen aput Kobap nogo Muta nen yoge, “At Aliku ALA nen, Nggween wokkiraagin o, yinuk, yereegim nogome nogwe me, nit ninom nawok nduk omok o. Ninom nogo logomonggoorik, Aliku ALA nen nit aakumi Iterali obeelom eeppinaniyak, yo'niragagerak nogo obeelom eeppinanege kenok, nit nen kat obeelom eerogo pagagun o.”

Linggineegwaarak 10:33

Yoge mbareegi, it aakumi Iterali nogo at Aliku ALA abuut nogo mbo pogo nogogwaarik, Aliku ALA wone yugu aloobut mbanak me yonggolak wonage nogo aa'nduk inengga loolo punuk, inawooliya wuppunuk logorak kwaarit nogo logonet, nogo kenagan yit wogogwaarak.

Lukat 2:8

O Mbe'lekem ando kundugu time it aap ndomba ndegeninaka nogo nen oonikiya paga endekem karume inandomba inarum wonogwe me,

Nappiigak 7:30

Nogome logonet, tahun 40 aret eereegerak. Eeke nagagerik, ne ambi paga karume puut Tinayi nogome wonage me, eyoongga alokwi paga kani omoonuk wunuk ari enggela'me malayikat mendek ambi nikka wagagerak.

Pelaareegerak 1:2

Puut Korep nen o Kareti-Mbareneya noorak kenok, tu puut Teyit paga unggwagak nogo logonet, nogo 11 yit nogo menggaarak o.

Pelaareegerak 1:6

“Nit puut Korep paga wonogwe me, at Aliku ninogoba Ala nen yo'nirage logonet, Puut yi paga maan togon wonogogutak me,

Pelaareegerak 4:10

At Aliku kinogoba Ala enggaanom puut Korep paga mi'ndak kiigak, Aliku ALA nen an yo'nege logonet, It aakumi Iterali ti, an noone yorage inaruk liirogon konembunuk, an inagabiti nombako logomenggaarik, kangga'lek awo ineenik wonogo logonet, inapurilogwe mamuninako logowak nduk, aakumi Iterali ti, an nowagam kuwak ari woraawak nen yoret o, yinuk, yo'nereegerak eyom nogo abeko logonip o.

Owak Loongga 4:11

Ndi, aap ambi endage Ebet anebunu Keni mendek nogo nen, at owe-awot aap Kobap Muta arebenggelo ombowologwe wiganak ando inom ogooppunuk, o Kereti koorok nggween Taanayim teno alome time ooliya wuppunuk, wonagagerak.

1 Tamuwen 16:11

Yoge nagagerik, Itayi ambinom yoge logonet, “Kat kapurilogwe aap ndarak nogo, yi abok aret ilik, ambi wonage a?” Yoge mbareegi, at Itayi nen wone onggo yoge logonet, “Ambiret enabooluk ndarak wonage kwe, ndomba ndegeninake wonage o.” Yoge mbareegi, at Tamuwen nen, “At waga'lek kagak, nit mbi nagun lek me, woraawak nduk, wiiru o,” yoreegerak.