Wundeegwaarak 26:36 - Ala Wone Peenok Peebi Mbanak

³⁶ Nawooliya wuriyak tungga paga kayin tuguniyak ti, ligi abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, waganogo it aap yum enete yabenggek-ndabenggek penggaako menggaarak ineenu nen penggaakwi iinok,

Wundeegwaarak 26:36 Iomraidhean Croise

Ndawi 78:60

At wonage menggim o Tilo nogo mbo punuk mbagangge, Aakumi inenggela'me at awooliya wurik nogo teppege,

Wundeegwaarak 26:31

Ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, waganogo it aap penggaako menggaarak abu ineenu nen yum ambi tabak penggaako logowak nduk wogoramonggotak penggaako logonet, malayikat negen kerub ogut eerogo inom aret penggaarogo pugwi iinok,

Wundeegwaarak 27:16

Eeko logomenggaarik, tungga pelenuwam nogo ti, owak 4 iyok warak mban eerogo mippunuk, ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, aap ambi yabenggek-ndabenggek penggaake eenu nen yum tabak nggorek metet 9 wakkagak penggaake kenok, owak 4 nogo paga tugunogo wuppi woraawak o.

Wundeegwaarak 28:15

Yoge nagagerik, ambinom yoge logonet, “Yum ko'no negen mendaarak amiguwak paga nabenak wonage kenok, an eeriyak mbake nogo eenu aruwak nen amiguwak paga nabenak logowak nduk, ayum agale warak akem yiriyak epod penggaariyak yokkigirak nogo ndak-ndak aret penggaako logonet, ndomba eeruwak paga mbuti emas nabenogo laanak inom, ligi kibu-kibu laanak inom, maa'ngga amu kunik laanak inom, maa'ngga anggup kunik laanak inom, ligi yawenak amuni mbanak laanak inom, nogo paga it penggaako menggaarak abu ineenu nogo nen penggaaruwak o.

Wundeegwaarak 28:39

Ndi, inayum akem agi yiriyak nggorek ti, kayin yawenak amuni mbanak paga penggaakwi, inabetagi perenogo puurak ti, kayin ti mendek paga mban penggaakwi, inagabee'le ti, it aap yonggon ineenggi amburu yako menggaarak nogo nen yakwi, eeruwak o.

Wundeegwaarak 35:11

Kuwak ogwe iinok, ooliya eebe inom, oo'ngget inom, yum tabak obaga lenggeniyak inom, enonggon inom, owak agi-ogu mippuurak inom, karo-karo nappuurak inom, owak oolo mippit noorak inom, owak mippit noorak iyok inom, ogobakkigirogo pugwi,

Wundeegwaarak 35:15

obari abe kaga kani kunggak inom, eebe eewu'nuk negak eyo inom, Ala ake leenogo pogo logonet amburu kilippiigak inom, obari abe kaga mendek inom, ooliya wuriyak tu unggwogo menggam yum tuguniyak inom, ogobakkigirogo pugwi,

Wundeegwaarak 36:37

Ndi, ooliya wuriyak tungga paga kayin tugunggak yuurak nduk, ligi yawenak amuni mbanak laanak inom, ndomba eeruwak laanak amu kunik inom, maa'ngga kunik inom, maa'ngga anggup kunik inom, nogo mendek waganggo nogogwaarik, it aap yum etenggen yabenggek-ndabenggek penggaako menggaarak ineenu nen penggaarogo pugwi,

Wundeegwaarak 38:18

Pit nogo nogogwaarik, owa'nagat tungga'nggi mbanogo puwam nogo paga tugunggo logorak ndomba eeruwak laanak mu kunik inom, maa'ngga kunik inom, maa'ngga anggup kunik inom, ligi yawenak amuni mbanak laanak inom, nogo paga aap ineenu nen yabenggek-ndabenggek penggaako mengga kwak yum tabak irip nggorek metet 9 paga wakkogwe, ndi, ambe agi tiyarogon paga ti, owa'nagat wuriyak yum tugunogo wuppi wogogwaarak nogo ndak-ndak metet mbere eeppunuk, metet ambi oolo negen paga wakkogwe, eerogo pereegwaarak.

Wundeegwaarak 39:29

inagabee'le ti, ligi yawenak amuni mbanak laanak inom, ndomba eeruwak paga amu kunik laanak inom, maa'ngga kunik laanak inom, maa'ngga anggup kunik laanak inom, nogo paga it aap yum etenggen yabenggek-ndabenggek penggaako mengga kwak, penggaarogo pugwi, eereegwaarak. Ti eereegwaarak ti, at Aliku ALA nen Muta yoreegerak nogo ndak-ndak aret eereegwaarak.

Wundeegwaarak 39:33

Muta owagam pi wogogwaarak nogo ti, ooliya eebe wuriyak kayin tabak inom, inikime eekak yuurak yi mendek ndi mendek inom, enonggon waganggak inom, eyo owak mippuurak inom, eyo karo-karo nappuurak inom, owa'nagat owak mippuurak inom, iyok inom,

Wundeegwaarak 40:5

obari abe kaga kani kunggak ake mbuti emas paga ogobakkigirik nogo wonok an noone yugu naloobut mbanak me yonggolak akem wonage kagak, ena endekem nggwe taati pege, yum tungga'nggi paga tugunogo pege, eeru o.

Yetikiyen 16:10

ayum yabenggek-ndabenggek eerak yirippege, iyogogut lumba-lumba agabolo paga penggaarak yirippege, ayum yawenak paga lenggenogo pege, ayum nggorek onggo nggwok mendek yippege, eerogo pereegirak o.

Linggineegwaarak 3:25

It Nggeroton mendek nen Ala inom lambungge menggim awooliya wurik ndegenggo logorak unde eeppiyareegwaarak ti, ooliya wurik inom, oo'ngget lumba-lumba agabolo mbiganogo maaka nogo inom, Ala inom lambungge menggim awooliya wurik tu unggwogo menggam yum tabak tugungga inom,

Linggineegwaarak 9:15

Ala wone yugu aloobut mbanak me yonggolak logorak awooliya nogo abu aret wurogo pogo mbareegwa, ne ti paga aret Aliku ALA awooliya wurik paga ndugwi lenggeni wage logonet, oonikiya nen kuubondendok kuli ti, kani wuninik abinak negen ooliya wurik irimbaga wonage, ndi, liingge ti, ndugwi pogom obaga lenggenak wonage, eeke nagagerak.

Yaya 10:9

Tu an aret o. It aap tu an wonage yi paga unggwi wogwe iinok, inagap ndakkolaagun o. Inagap ndarak wonogwe me, yinggak-unggwagak eeko logonet, inagari'ngga mbanogo nenet nogo logogun o.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.