Wundeegwaarak 26:26 - Ala Wone Peenok Peebi Mbanak

²⁶ Ti eeppunuk, eyo liibu karo-karo nappuurak ti, owak eeben abeenok mippugu nogo paga eyo liibu 5 aret karo-karo nappugwi,

Wundeegwaarak 26:26 Iomraidhean Croise

Wundeegwaarak 25:5

ndomba ngguunok agabolo maa'ngga kunik inom, lumba-lumba laut inikime menggerak agabolo inom, eyo liibu inom,

Wundeegwaarak 26:25

Owak ambit paga, mbuti perak paga iyok mbere ogobakkigirogo pugwi, ndi, ambit paga, togop mban eerogo pugwi, eerit iyok 16 aret pit nogo logomenggaarik, owak 8 nogo oonegen kilu yi nage menggim pa'nggwe mippit nawak o.

Wundeegwaarak 26:27

owak eeben abeenok mippugu nogo paga eyo nogo 5 karo-karo nappugwi, ndi, oonegen kilu yi nage menggim pa'nggwe owak mippugu nogo paga eyo 5 karo-karo nappugwi, eeruwak o.

Linggineegwaarak 3:36

It Merari mendek nen Ala awooliya wuko logonet, eekak unde eeppiyareegwaarak nogo ti, kobat inom, eyo karo-karo nappegak inom, owak mippegak inom, owak mippegak iyok inom, ooliya wuko logonet eeko menggaarak abok aret unde wonogwe,

Linggineegwaarak 4:31

Ninom lambungge minggim nawooliya wurik me ndegenggo logonet, it eeko logorak ineyabu ti, kobat inom, eyo karo-karo nappegak inom, owak mippegak inom, owak mippegak iyok inom, piyaninuk noorak it aret unde wonogwe,

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

Epetut 4:16

Nineenggi-niniyok yeregerak-peregerak abok aret eeriyak ake punik alitak lombok wonage kwe, nineebe ambit ninomanggen paga yinik-kunik eerak logonet, eerit nage kenok, nineebe mondok op aret menggerak nogo kokwak, nit Ala apuri ninanobak kwak Keritut ninom togop aret kunik me, niniki-kiniki kunik eeko logonet, ninalitak eeriyak unde eeppinaneegerak nogo ndak-ndak eerit nugwi niinok, Keritut eebe mondok obeelom aret logonet, nit nineebe paga wiganit nage logogin.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.