Wundeegwaarak 26:2 - Ala Wone Peenok Peebi Mbanak

² Kayin tabak 10 penggaariyak nogo apit aret ndak-ndak irip aru-ogwe ti, metet 12 eeppunuk, ambi oolo kuli wakkogwe, ndi, ambe agi-ogu ti, metet mbere negen wakkogwe, eerogo penggaaruwak o.

Wundeegwaarak 26:2 Iomraidhean Croise

2 Tamuwen 7:2

Ndawut nen aap Ala nen yoge kagak yoraga Natan nogo yoge logonet, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Ala aloobut mbanak kenok we ooliya wurik me wonage ti ket o.”

1 Mbinineegwaarak 17:1

At aap endagembogut Ndawut nogo, at awi o nggwok abe wuppunuk, ale'nggen paga wonage logonet, aap Ala yoge kagak yoraga Natan nogo yoge, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Aliku ALA aloobut mbanak kenok we ooliya wurik me wonage ti ket o.”

Wundeegwaarak 26:1

Yoge nagagerik, ambinom yoge, “An nawooliya wuriyak nduk eeko logonet, ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, nogo waganogo it aap penggaako menggaarak abu ineenu nen kayin tabak 10 aret penggaako logowak nduk wogoramenggendak penggaako logonet, malayikat negen kerub ogut eerogo inom aret nabenogo penggaaruwak o.

Wundeegwaarak 26:3

Penggaako logomenggaarik, kayin tabak 5 penggaaremenggaarak nogo ambit paga lambunogo penggaakwi, ndi, 5 ando nogo togop aret ambit paga lambunogo penggaakwi, eerogo punuk,

Linggineegwaarak 4:25

nawooliya wurik me yum tugunik nogo inom, an ninom lambungge minggim yum tugunik nogo inom, nawooliya wurik oo'ngget ndomba agabolo negen lenggenak inom, ti irimbaga lumba-lumba agabolo oo'ngget maarak inom, ninom lambungge minggim nawooliya wurik me tu unggwogo menggam yum tugunik inom,