Wundeegwaarak 26:1 - Ala Wone Peenok Peebi Mbanak

¹ Yoge nagagerik, ambinom yoge, “An nawooliya wuriyak nduk eeko logonet, ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, nogo waganogo it aap penggaako menggaarak abu ineenu nen kayin tabak 10 aret penggaako logowak nduk wogoramenggendak penggaako logonet, malayikat negen kerub ogut eerogo inom aret nabenogo penggaaruwak o.

Wundeegwaarak 26:1 Iomraidhean Croise

2 Tamuwen 7:2

Ndawut nen aap Ala nen yoge kagak yoraga Natan nogo yoge logonet, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Ala aloobut mbanak kenok we ooliya wurik me wonage ti ket o.”

1 Endagembogut 6:29

Ogobakkigirogo piinok, o wurik ko irip me akem ogoorak inom, ko endekem oolo ogoorak inom, abok aret yendok-wandok kerub inom, eyo nggabu inom, iri'ngga anggen laambu inom, inogut wakkagak ayo waganogo pit nage,

1 Mbinineegwaarak 17:1

At aap endagembogut Ndawut nogo, at awi o nggwok abe wuppunuk, ale'nggen paga wonage logonet, aap Ala yoge kagak yoraga Natan nogo yoge, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Aliku ALA aloobut mbanak kenok we ooliya wurik me wonage ti ket o.”

1 Mbinineegwaarak 21:29

Ti eeke eyom paga Aliku ALA inom lambungge menggim awooliya at Muta karume logonet wuriyak yoreegerak nogo inom, warogo kani kunggak ogobakkigirik inom, o Nggibeyon puut paga warogo wogorogo menggam time aret wonagagerak.

Wundeegwaarak 25:18

obaga lenggenogo puurak irimbaga irip aru-ogwe paga malayikat negen kerub ogut mbere mbuti emas paga ogobakkigirogo piinok,

Wundeegwaarak 25:4

ndomba eeruwak paga ligi laanak mu kunik inom, maa'ngga kunik inom, maa'ngga anggup kunik inom, kayin yawenak amuni mbanak inom, kambin eeruwak inom,

Wundeegwaarak 25:8

an logowam nake wukwi iinok, an it ninom aret logogin o.

Wundeegwaarak 26:2

Kayin tabak 10 penggaariyak nogo apit aret ndak-ndak irip aru-ogwe ti, metet 12 eeppunuk, ambi oolo kuli wakkogwe, ndi, ambe agi-ogu ti, metet mbere negen wakkogwe, eerogo penggaaruwak o.

Wundeegwaarak 26:31

Ligi yawenak abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, waganogo it aap penggaako menggaarak abu ineenu nen yum ambi tabak penggaako logowak nduk wogoramonggotak penggaako logonet, malayikat negen kerub ogut eerogo inom aret penggaarogo pugwi iinok,

Wundeegwaarak 26:36

Nawooliya wuriyak tungga paga kayin tuguniyak ti, ligi abu abe laanak inom, ligi laanak mu kunik inom, maa'ngga kunik inom, maa'ngga anggup kunik inom, waganogo it aap yum enete yabenggek-ndabenggek penggaako menggaarak ineenu nen penggaakwi iinok,

Wundeegwaarak 31:7

an ninom lambungge logowam nawooliya wuriyak inom, naloobut mbaniyak wone yugu yonggoliyak inom, naloobut mbambunuk, abiringga nariyak irimbaga an ninom lambuni wambi wage logowam inom, nawooliya wuremenggenom yi mendek ndi mendek eekak yuurak inom,

Wundeegwaarak 35:11

Kuwak ogwe iinok, ooliya eebe inom, oo'ngget inom, yum tabak obaga lenggeniyak inom, enonggon inom, owak agi-ogu mippuurak inom, karo-karo nappuurak inom, owak oolo mippit noorak inom, owak mippit noorak iyok inom, ogobakkigirogo pugwi,

Wundeegwaarak 35:35

it aakumi nen eyo paga yi mendek ndi mendek ogobakkigirogo pugwi, mbuti emas paga yi mendek ndi mendek ogobakkigikwi, ndomba eeruwak paga ligi laanak mu kunik inom, maa'ngga kunik inom, maa'ngga anggup kunik inom, ligi yawenak abu abe laanak inom, ti paga yi mendek ndi mendek etenggen yabenggek-ndabenggek eerogo ogobakkigikwi, ligi laanak paga kayin tabak penggaarogo pugwi, ineenggi amburu paga eeko mengga kwak, eeko logowak nduk, wogorage, eekerak o.

Wundeegwaarak 35:6

ndomba eeruwak laanak mu kunik inom, maa'ngga kunik inom, maa'ngga anggup kunik inom, ligi yawenak amuni mbanak inom, kambin eeruwak inom,

Wundeegwaarak 36:35

Eeko nogogwaarik, it aap yum penggaako menggaarak abu ineenu nen ligi yawenak amuni mbanak laanak inom, ndomba eeruwak laanak amu kunik inom, maa'ngga kunik inom, maa'ngga anggup kunik inom, waganogo yum ambi tabak penggaakwi iigak, it aap malayikat negen kerub ogut ogobakkigikwi ineenu nogo nen malayikat negen kerub nogo ogut eerogo inom aret penggaarogo pugwi,

Wundeegwaarak 40:2

“Tut iyaalok penenak tanggal 1 yi paga aret an ninom lambungge logowam mage logorak nawooliya nogo wuru o.

Linggineegwaarak 3:25

It Nggeroton mendek nen Ala inom lambungge menggim awooliya wurik ndegenggo logorak unde eeppiyareegwaarak ti, ooliya wurik inom, oo'ngget lumba-lumba agabolo mbiganogo maaka nogo inom, Ala inom lambungge menggim awooliya wurik tu unggwogo menggam yum tabak tugungga inom,

Linggineegwaarak 4:25

nawooliya wurik me yum tugunik nogo inom, an ninom lambungge minggim yum tugunik nogo inom, nawooliya wurik oo'ngget ndomba agabolo negen lenggenak inom, ti irimbaga lumba-lumba agabolo oo'ngget maarak inom, ninom lambungge minggim nawooliya wurik me tu unggwogo menggam yum tugunik inom,

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 2:21

Ala awi wurik yoragagerak nogo ti, at eebe nduk aret yoragagerak.

Iberani 8:2

it aakumi nen ooliya negen wureegwam nogome eeke lek o. At ooliya abe Ala nen wureegim Mage Lombok Menggim time aret ninake eeke agaarik o.

Iberani 9:2

Ala unde nen eeko logowam ooliya negen wuko logonet, ko mbere ogooreegwaarak. Ko endekenggwe ogoorak ti, “Mage Menggim,” yogo nogogwaarak me, ndi wuninogo pegak ogobakkigirik inom, roti Ala ake pogo nogogwaarak eyo ndoonak inom, time aret wonagagerak.

Iberani 9:9

Ooliya wurik me eeko nogogwaarak nogo ti, eebe yogondak kin agaarak eekwi yi, ogut wakkagak aret eeko nogogwaarak me, yi mendek ndi mendek Ala ake pugwi, Ala ake warogo wogogwi, eeko nogogwaarak kwe, it wogori wogwe ti paga, “Nomaluk abu lek eerogo punuk, obeelom agago panegi o,” yinuk, iniki ale'nggen logolik. Ata, inomaluk aberak aret wonogogwaarak me, we ogut wakkagak aret eeko nogogwaarak kogo o.

Wayu 19:8

inoone yogwe iigak, akwe nogo wage mbaki, ayum ambi abu yawenak kikak naka'lek abe laambu yanggwi negen lan aago yikkolawak nduk, wogoge kagarak. Ndi, ayum abe yawenak nogo ti, it Ala apuri ake leenak nen maluk eeka'lek obeelom mban eerit nugwi nogo kwak aret kagarak.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.