Wundeegwaarak 24:6 - Ala Wone Peenok Peebi Mbanak

⁶ at Muta nen amiya nogo wagangge nagagerik, eegu togolowa'na toologo pege, ndi, eegu nogo Ala aanggo warogo kani kunggo menggam taati werenogo pege, eeke nagagerik,

Wundeegwaarak 24:6 Iomraidhean Croise

2 Endagembogut 17:15

wone lengganogo yoragagerak nogo, “Eeko logorak nineebi o,” yinuk, inombomini inom wone abuk nggaruk togon koonogo pereegerak inom, aaninggin inoba arukwak yorage nagagerak inom, taganogo mbo punuk, obeelom eeginaburak lek aanom warogo kagak inagugiwak tiyappit nogo logonet, it kunduk, ineebe abe lek maluk aret wonogogwaarak. At Aliku ALA nen, “Yi aakumi ndi aakumi eerit nogo menggaarak nogo kit togoti eerit nogo logorak mage o,” yoragagerak kagak, it eekwi nogo wakkagak aret eerit nogo nogogwaarak.

Ndawi 99:6

Aap Ala unde inenggela'me Muta Karun inom wonogwe, “Ninogoba Ala aret,” yogo menggaarak Inenggela'me aap Tamuwen wonage, Eeko logonet, “Yeenggwa niret o,” yinuk, Aliku ALA yogo mbareegwa, inoone konembunuk, Yeenggwaarage nagagerak o.

Wundeegwaarak 12:22

amiya togolowa'na tooppunuk, iri'ngga wumokot negen paga amiya nogo labumbunuk tunggambe peenok-peenok paga inom, irimbaga inom, labunogo punuk, kiname nen wundi naga'lek time mban kiigak o aret weeruwak o.

Wundeegwaarak 12:7

amiya ando waganogo ndomba warogo nawam o nogome abok tunggambe abeenok-abeenok paga inom, tunggambe irimbaga inom, labunogo punuk,

Wundeegwaarak 24:8

Yogo mbareegwa, at Muta nen amiya togolowak paga wonage nogo wagangge nagagerik, it aakumi nogo inoba werenogo nappege logonet, “An wone yokkirage yi, Aliku ALA kinom lambumbinagaarak wone aa'nduk koonogo pereegerak nogo, Yi aret kogo, mbarubagip nduk, amiya yi kinoba werenogo pinagagi o,” yinuk, yoragagerak.

Wundeegwaarak 29:16

kat nen warogo pege logomenggendik, amiya waganogo an nake warogo kani kunggo logowam irip aru-ogwe, ambe agi-ogu, eyo nabenemenggendak paga abok aret werenogo pit namunggun o.

Wundeegwaarak 29:20

kat nen warogo pege logomenggendik, amiya ando waganogo aap Karun apuri inom inaruk irip abe paga labunogo piige, ineenggi iyagalo abe paga labunogo piige, iniyok iyagalo abe paga labunogo piige, eerogo piige logomenggendik, ndomba amiya nogo apit aret an Ala nake warogo kani kunggo logowam irip aru-ogwe, ambe agi-ogu eyo nabenemenggendak paga abok aret werenogo pumunggun o.

Yeremiya 31:32

It inombomini o Metit nen pigiren wundi wage logonet, an inogonggelo kwak aret kwe, Ninom wone koonogo pereegirak nogo ti, eeka'lek taganogo pereegwaarak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o,” yinuk, Aliku ALA nen aret yegerak.

Ala Unde 1:11

kani kunggo menggam o omarip paga pa'nggwe Naliku ALA nenggaanom taati aret warogo pugwi iinok, it aap an neebe unde Karun apuri nogo nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 1:5

Naliku ALA nenggaanom paga warogo pugwi iinok, an neebe unde Karun apuri nen tapi amiya nogo waganogo nawooliya wurik tu unggwogwe me, kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 3:2

ninom lambungge minggim nawooliya wurik tu unggwogo menggam taati nen nake puurak tapi nogo anobak paga ineenggi tebenogo punuk, warogo puwak o. Warogo pugwi iinok, it aap neebe unde Karun apuri nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 3:8

an ninom lambungge minggim nawooliya wurik me tu unggwogo menggam taati pi woraanuk, nake puurak nogo anobak ineenggi tebenogo punuk, warogo puwak o. Warogo pugwi iinok, Karun apuri nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 4:6

amiya nogo eenggi paga labungge logomenggerik, o mage lombok minggim aken nggwe kagak, yum tugunik endekem nggwe Naliku ALA nenggaanom paga taati ne 7 kuli werenogo pit nawak o.

1 Korindut 11:25

Nonggo nogogwaarik, ti'nuk, mbi weelek larak ando nenok, amburu toolak togop aret eenggime wagangge nagagerik, “Ala nen kinom lambumbinagarak wone ngget mendek koonogo pereegerak nawoneninu kilikkirage nogo, kit abet mbarubagip nduk, namiya kinake wundigin amburu toolak yi kwak aret me, kiniki noba abeko logonet, nonggo logonip o,” yinuk, wogorage mbareegi, nunggugwaarak.

Kolote 1:20

“Naput eyo karo-karo paga kangge kenok, yi mendek ndi mendek abok aret, an ninom ogoorak wonogwe nogo, amiya paga inonggo mbambunuk, an ninom lambuni woraagun o,” yinuk, kooneegerak me, at eereegerak paga mbogut paga mendek inom, nggween paga mendek inom, abok aret at amiya paga ninonggo mbambunuk, Ala ninom lambunogo pinaneegerak.

Iberani 12:24

ndi, Ala ninom lambuniyak nduk, wone ngget mendek koonogo ninake eeka Yetut nogo inom, time aret kuwak eerak wonogwe me, iya nogogutak negen aret wonogwe o. Kit Kaben amiya wambeegim ambi eeppinaniyak meek nogome nogogutak lek o. Ata, kit obeelom eekkinaburak Yetut amiya abe kilireegim nogome aret nogogutak me,

Iberani 8:9

It inombomini o Metit nen wogoren wundi woraakit nduk, neenggi pigiren wundi wage logonet, Wone ninom koonogo yoragagirak nogo, it liippunuk, eerit naga'lek mbareegwa, An inogoba Ala nen aret mbo piyareegirak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o, yinuk, an Ala nen aret yagi o.

Iberani 9:18

wone aa'nduk Ala nen koonogo yoragagerak nogo, eeko logowak nduk, amiya werenogo puulik ta lek o.

Iberani 9:19

Ata, at Ala nen, “Yogop ee'nu, ndogop ee'nu,” yinuk, wone nogo abu yoge mbareegi, it Yakuri nen eebe aret eeko logowak nduk, Muta nen wone nogo abok aret mbininogo yorage nagagerik, tapi-ndomba amiya niyo inom tooppunuk, ndomba eeruwak maa'ngga warak yigirok paga kunogo tamombunuk, mbuku pirik-perek aago liiru mbanak paga inom, aakumi ineebe paga inom, abok aret werenogo nagabit nagagerak.

Iberani 9:21

Ti eeppege nagagerik, ooliya wurik inom, Ala alut eeko logonet, eeko menggaarak yi mendek ndi mendek inom, abok togop aret amiya werenogo pereegerak.

1 Peterut 1:2

At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o.