Wundeegwaarak 24:16 - Ala Wone Peenok Peebi Mbanak

¹⁶ Aliku ALA eya nogo puut Tinayi paga lenggeni wambi wagagerak kagak, nogo 6 yippunuk, ko'lu paga Aliku ALA nogo ndugwi enggela'me wonage logonet, Muta wiireegerak.

Wundeegwaarak 24:16 Iomraidhean Croise

Ndawi 99:7

Ndugwi logonak enggela'me nen yorage kenok, “Yogop ee'nu ndogop ee'nu,” yorage nagagerak inom, Wone lengganogo yorage nagagerak nogo inom, Ineenggi liirogon pippunuk eeko nogogwaarak o.

Wundeegwaarak 16:10

Yoge mbareegi, at Karun nen aakumi Iterali kuwak aago abok aret wone awo yorage kagak, it nogo ina karume na'nogo nogogwaarik, ndugwi enggela'me nen Aliku ALA abinak pindanggage kogogwaarak.

Wundeegwaarak 19:9

Yori lagangge mbareegi, at Aliku ALA nen Muta yoge, “An wone nimbirak mbanggwi nogo it aakumi Iterali nen inaruk konembunuk, koone yorage nogo mondok-mondok abet mbako logowak nduk, an ameraakot apit aago enggela'me keya wambi woraagin o,” yinuk, yoge mbareegi, at Muta nen it aakumi Iterali yereegwaarak nogo Aliku ALA yoreegerak.

Wundeegwaarak 20:10

ko'lu paga ti, Naliku an kinogoba Ala nake leenogo pateegirak me, kit inom, kinapuri kumi-aap inom, kinayeloman kumi-aap inom, kinaanggumi inom, aap nggiru ambi kiniya wogwe iinok inom, kit apit aret ne ti paga yi eekak ndi eekak eeko logorak mage o.

Wundeegwaarak 24:17

Ndi, Aliku ALA eya pindanggagagerak nogo ti, kani wunuk agan puut nogo kani nengge negen eeke nogo it aakumi Iterali inigen kogogwaarak.

Yetaya 4:5

Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Yetikiyen 1:28

O mayu wage logonet, ndugwi lenggenak wonage paga mbulu nagabak menggi kwak, eya abinak at enaagan-ambokan wanggerak wonage kagagirak. Kage nagagirik, “Aliku ALA tiyanak lombok eya eerak negen aret kagi,” yinuk, ngginna'nuk, nena nggween paga wandunik wonage me, at ambi nen oone ari naruk koneneegirak o.

Ala Unde 9:23

Puk age mbareegi, Ala inom lambungge menggim awooliya wurik me nogome Muta Karun imbirak unggwi nogo nogogwaarik, wundi woraanuk, aakumi Iterali nogo inale'nggen inoba piigo mbareegwa, at Aliku ALA nen abu tiyanak lombok eya kwindagala eerak wage

Ala Unde 9:6

Muta nen yorage logonet, “Yi eekwi yi, Aliku ALA nen, An mondok tiyanak lombok minggirak inigen neyaawak nduk, aakumi Iterali, Yogop eeruwak o, yegerak kenok, eeko ogoorik o.”

Linggineegwaarak 14:10

Yorogo mbareegwa, it aakumi Iterali mendek abok nen it aap ineebe mbere nogo yugum paga inooriyak nduk wone mbanggwi iigak, Aliku ALA inom lambungge menggim awooliya wurik nogo paga abinak pindanogo pege kogogwaarak.

Linggineegwaarak 16:42

kuwak eeppunuk, Muta Karun imbirak mberirogo logonet, Ala inom lambungge menggim awooliya wurik me ina logurogon na'nogo mbareegwa, o ndugwi nogo ooliya wurik nogo paga nobari wambi wage logonet, Aliku ALA abinak pindanggage inigen kogogwaarak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Wayu 1:10

Yime wonage me, Ninowe mi'nagagerak eyom tamban eekwi nogo paga Aberiniki ninikime lik ari mbaki, nambokan nen oone nggwok eeka trompet nogo oone nggwok ari naruk konengge neegak,