Wundeegwaarak 24:11 - Ala Wone Peenok Peebi Mbanak

¹¹ Ala inigen kogogwaarak kwe, eenggi paga nen aaninggin ambi inoba piiga'lek mbareegi, inagi-inambi nenok aret wambi wogogwaarak.

Wundeegwaarak 24:11 Iomraidhean Croise

Wakkagagerak 16:13

Yoge mbareegi, at Agat inikime nen mbake logonet, “At Liippanege Menggerak nogo ti, nenegen abet aret kagarak o,” ari nagagerik, at Aliku ALA endage, Liippanege Menggerak o, yinuk, tooneegerak.

Wakkagagerak 31:54

puut nogo paga ndomba ambi Ala ake warogo lappunuk, oreewi time wonogwe nogo abok aret wiiragagerak wogo mbareegwa, laago nogo it abok aret nunggugwaarak.

1 Endagembogut 21:8

Yoge nagagerik, kwe Iteben nogo nen aap Nabot awi kota inom menggaarak inoweewi inom, aap inendage warak inom, Akap endage paga liiru mbangge logonet, “Kinawuri inambe mage negen a'nuk logorak kuwak eeri woraawak nduk, yoramonggotak kuwak eeri wogwe iinok, aap Nabot ti, it inaame kwippunuk, aap inogogun ambik mbere at Nabot engga loolo kwippiyamonggotak nogo nen at yogo logonet, Ala inom, aap endagembogut inom, meek eerogo piigerak nogo yi aret o, yogwe iinok, wonok endekem wundi nanuk, kambuwak nduk, yugum paga togu eerogo waruwak o,” yinuk, liiru mbanogo aap endagembogut eenggi amburu pega paga eerogo nappereegerak.

2 Mbinineegwaarak 23:20

Ti eeke nagagerik, aap ineegin warak ambit aago ineebe 100, ambit aago ineebe 100, inoweewi inom, it nagawan-nagawan inom, it aakumi inarum menggaarak inoweewi inom, it aakumi o time menggaarak abok aret inom, it nogo nen aap endagembogut Yowat nogo Aliku ALA awi wurik me nen wonok wambi woraanuk, aap endagembogut awi o nggwok abe wurik tu unggwogo menggam endage Irimbaga time pi unggunuk, aap endagembogut logonet, wone lengganogo yorogo menggam nogome aret kwippereegwaarak.

Nekemiya 2:16

An nen, “Togop eeri na o,” yinuk, yoroolik me, pekkenet nagagirak eege, eeriyak kooneegirak eege, it Yakuri mendek inom, Ala unde inom, aap inengga warak inom, inendage warak inom, ndi, it o pak wurugun nogo inom, ineenggo'lek ugun aret wonogogwaarak.

Ndawi 139:5

Kat nen nenaagan-nambokan abok aret yengget-wangget eeppaninuk wonage, Kat keenggi omaawi paga nobappaninuk wonage, Eeke menggendak o.

Wundeegwaarak 18:12

Ari nagagerik, ndomba ambi Ala ake warogo kani kungge, ndi, alik mendek ando inom Ala ake warogo wogoge, eeke mbareegi, at Karun inom, it aap Iterali yo'nggok inom, at Muta aru inom Ala enggaanom paga mbi nawak nduk, Yitoro ka wogo nogogwaarik, inom mbi nunggugwaarak.

Wundeegwaarak 19:21

Aliku ALA nen Muta yoge logonet, “It aakumi ti, Naliku ALA pe'neyoorak nduk inoone omaawi paga kuli pugu kagak obaga mbo wogwe iinok, kambukwak me, kat nen, Mage, yorage,

Wundeegwaarak 24:1

Yoge nagagerik, at Aliku ALA nen Muta ambinom yoge logonet, “Kat inom, Karun inom, Narap inom, Abiku inom, it aakumi Iterali yo'nggok ineebe 70 inom, kit apit aret Naliku ALA nowagam lagi wogo logomonggotik, it ando ineebe tayorogon taati nen nalut eekwi iigak,

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Yeremiya 14:3

It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Ndaniyen 10:17

Nomaawi lek eerogo panege logonet, neebe ndeyak lombok eerogo panegerak me, nogoba an kayeloman yi, nimbirak wone nonggop togon yuurak. Meek aret o.”

Linggineegwaarak 12:8

Wone eegu elaarogo paga yogeelik o. Ata, at nimbirak nengga kunna'nuk, wone mbangge logonet, Kin paga aret yoge minggirak o. At nen Naliku ALA neebe neege menggerak kagak, Kit nonggop nduk kinagabiti mbaka'lek nayeloman Muta nogo Abok nggarik-nggarek yogo ogotik?”

Pelaareegerak 12:7

At Aliku kinogoba Ala ale'nggen kinoba pinagage kagak, yi mendek ndi mendek kineenggi paga nen eerumonggotak nogo obeelom eerigin me, at Aliku kinogoba Ala enggaanom paga time nen kinakuwi-kinapurilogwe kinom kiniki ale'nggen paga nonggo logomunggup o.

Owak Loongga 13:22

Eenu age nagagerik, at Manowa nen akwe yoge logonet, “Nit Ala muk ninigen kogoorak me, kambugun aret kogo o.”

Owak Loongga 5:13

Yogwi iinok, it eegu pugu nogo nen inoweewi nagawan-nagawan yora wogwe, Aliku ALA apuri yo'niri wogwe, Eeko logonet,