Wundeegwaarak 24:1 - Ala Wone Peenok Peebi Mbanak

¹ Yoge nagagerik, at Aliku ALA nen Muta ambinom yoge logonet, “Kat inom, Karun inom, Narap inom, Abiku inom, it aakumi Iterali yo'nggok ineebe 70 inom, kit apit aret Naliku ALA nowagam lagi wogo logomonggotik, it ando ineebe tayorogon taati nen nalut eekwi iigak,

Wundeegwaarak 24:1 Iomraidhean Croise

1 Mbinineegwaarak 6:3

At Amaram apurilogwe ti, Karun, Muta, Miriyam aret. Ndi, at Karun apuri aap ndaganabeegerak ti, Narap, Abiku, Eleyatat, Itamat aret.

Wundeegwaarak 1:5

At Yakup apuri-ombowologwe wiganak ineebe lambunik ti, 70 aret kwe, apuluk Yutup nogo perak, aa'nduk o Metit nagagerak wonage me, ka nogogwaarak.

Wundeegwaarak 19:20

Yoge nagagerik, Aliku ALA nogo puut Tinayi kirin ti paga wambi woraanuk, at Muta puut ti paga lagi nawak nduk wiireegerak lagi nage mbareegi,

Wundeegwaarak 19:24

Yoge mbareegi, Aliku ALA nen Muta yoge, “Kat ogu wambi nage logomenggendik, it aap Ala unde inom, aap ugun inom, Aliku ALA pekkoorak o, yinuk, inoone omaawi paga kuli pugu kagak obaga mbo lagi wogwe iinok, an maluk eeppiyaagin me, lagi woraagwaarik o. Ata, at Karun alik perak, kimbirak aret lagi woraanok nduk, wambi nak o.”

Wundeegwaarak 19:9

Yori lagangge mbareegi, at Aliku ALA nen Muta yoge, “An wone nimbirak mbanggwi nogo it aakumi Iterali nen inaruk konembunuk, koone yorage nogo mondok-mondok abet mbako logowak nduk, an ameraakot apit aago enggela'me keya wambi woraagin o,” yinuk, yoge mbareegi, at Muta nen it aakumi Iterali yereegwaarak nogo Aliku ALA yoreegerak.

Wundeegwaarak 20:21

Yorage nagagerik, it aakumi Iterali nogo tayorogon taati mi'ndak iigak, at Muta alik aret ameraakot yumak-lumak aago Ala wonage me panggorogon taati aret ari nagagerak.

Wundeegwaarak 24:15

Yorage nagagerik, at Muta nogo alik puut paga lagangge kagak, puut nogo paga ndugwi nobarogo pege mbareegi,

Wundeegwaarak 24:2

kat Muta kalik mban Naliku ALA nowagam panggorogon neya woraamunggun o. It aap yo'nggok ineebe 70 nogo an nowagam panggorogon neya wogwe, ndi, it aakumi Iterali ti, puurom yime lagi wogwe, eeriyak mage o,” yinuk, yoreegerak.

Wundeegwaarak 24:9

Yorage nagagerik, Muta inom, Karun inom, Narap inom, Abiku inom, it aap Iterali yo'nggok ineebe 70 inom, it apit aret puurom paga lagi nogo nogogwaarik,

Wundeegwaarak 28:1

Yoge nagagerik, Aliku ALA nen Muta wone ambinom yoge logonet, “Kat koweeluk Karun inom, at apuri Narap, Abiku, Eleyatat, Itamat inom, an neebe unde logowak nduk, aakumi Iterali inenggela'me nen kat keya woraawak yoret o,

Wundeegwaarak 3:5

Yoge mbareegi, Ala nen at Muta yoge, “An nowagam ya'i panggo yi woroorak ti, mage o. Ndi, kat mi'ndak wonage me taati kunduk, nggween mage lombok aret me, kiyok ogut nggerenak ti, piinogo pu o.”

Wundeegwaarak 34:2

Ogobakkigike logomenggendik, ko'lu kuubondendok puut Tinayi paga nimbirak lambunuwok nduk, pipuk ee'nuk, lagi woro o.

Wundeegwaarak 6:23

Ndi, Kora apurilogwe ti, Atit, Elakana, Abiyatap aret. At Kora paga nen ndegen-ndegen ndarak wiganak nogo ti aret.

Yetikiyen 8:11

Ogut eerak wonage nogo eraaninu aap Iterali mendek inoweewi ineebe 70 mi'ndak wonogwe, ndi, aap Tapan aput Yaataniya it inenggela'me mi'ndak wonage, eerak logonet, it inalitik-inalitak obari abe kaga kani anggen ndoongga ineenggime porogo wonogwe iigak, obari abe kaga nogo kani ndoonak nogo paga nen ka'luk lagangge kagagirak.

Linggineegwaarak 11:16

Yoge mbareegi, at Aliku ALA nen Muta yoge, “Kat nen it aap Iterali inoweewi iniki warak inenggela'me nen aakumi inarum menggaarak inom, inawot lombok eerak ndegeninaka inom, keenu kero, ineebe 70 paga kuwak eeppiinok, an ninom lambungge minggim nawooliya wurik me tungga paga taati kinom mi'nari woraanip o.

Lukat 10:1

Ti'nuk, peebi ninogoba Yetut nen aap alik 70 leenogo mippiige nagagerik, yi awi ndi awi o kota lombok noorak mbareegim nogome it inaa'nduk mbere'ndak lombok mban nappiyareegerak.

Lukat 10:17

Ti'nuk, it aap 70 nappiyareegerak nogo inale'nggen mbakak iniyok paga wogo logonet, “Ninogoba o! Kugi kunduk kat kendage kunogo yorogwe niinok, konenggwi iigoorak o.”

Pelaareegerak 1:15

an nen kinoweewi kinawone amburu mbanggo logorak kinanebunu lombok, iniki warak at oone konengga kero, wogonake nagagirik, ineebe seribu wonage kenok unde logowak nduk ambi mippege, ineebe 100 wonage kenok unde logowak nduk ambi mippege, ineebe 50 wonage kenok unde logowak nduk ambi mippege, ineebe 10 wonage kenok unde logowak nduk ambi mippege, eerogo piinet nage nagagirik, kinanebunu lombok kinawone amburu mbanggo logowak nduk, inom mippiyareegirak nogo o.