Wundeegwaarak 23:8 - Ala Wone Peenok Peebi Mbanak

⁸ Maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo, wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wogorogwe iinok, woorak mage o.

Wundeegwaarak 23:8 Iomraidhean Croise

Ndawi 15:5

“Ninawu porogo wonogotak nabennagaarak nogo Inom wo'niraanip o,” yorogolik kenok, Aap maluk eerulik kagak, “Abet aret eekerak,” yuwak nduk, Wu wogorogwe nogo waganggulik kenok, Aap ti mendek mban o time logogun o. It aap ti mendek mban eekwi iinok, Iniki mondok-mondok nu'lek aret logogun o.

Kini Wuppiige 15:27

Aap ambi, “An mban kolaakit,” mba'nuk, ko'net nage paga akwe-apuri maluk eerogo piige menggerak kwe, Aap ambi, “Mage yugume eeriyak wu wo'niriyak neebi,” mbaka nogo perak, eenik aret logogin o.

Kini Wuppiige 17:23

Aap ambi eekerak onggo oba puurak yugu nogo eeppukwak wu kumaarogo wogogwi nogo Aap maluk mendek nen kolage menggerak.

Kini Wuppiige 17:8

Mage yugu kagak eeruwok nduk, wu wogorogwe nogo ti, Inili eeka aret mbakwi me, Wogorogwe iinok, eerit nugwi abok aret A'me mban arit nage menggerak.

Kini Wuppiige 19:4

Aap eenggi warak wonage paga oreewi ambik ogo menggaarak kwe, Aap eenggi lek wonage paga perak, oreewi mbo punuk mbaganggo menggaarak.

Wone Alom Kibingga 7:7

Aap iniki warak nen oone yimbu-lambu eerogo aakumi inawu nenet nugwi paga wi negen aret kunggologwe, Ndi, mage yugu kagak wu kologwe paga inobaabut yuundurak aret eekkologwe, Eeko menggaarak.

Yetaya 1:13

It nen warogo wo'niri wogwe ti, inomaluk inoba lenggenak kagak wo'niri wogwe me, Aanom warogo eekwi ti, mbo puwak o. Kani kunggwi obari ti, ogole warak lombok kage agarik o. Tut ngget penengge paga lakwi, Ne 7 paga yonggonggologo logonet lakwi, It kuwak eeko logonet lakwi, Eekwi ti, Inomaluk wonage kagak eekwi me, pekkoorak meek lombok ee'nake,

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetaya 33:15

It aap obeelom mban eerit nugwi, Wone abe koonak mban yogwe, Aakumi wi-wi eeginako logonet inamendek waganggwi nogo, “Woorak nineebi o,” yinuk, mbo pugwi, Mage yugu kagak wu wogorogwe waganggwi nogo mbo pugwi, Aakumi inooruwok yogwe iinok, inaruk nakkologwe, It aap maluk eeka nen eerit nugwi nogo inigen iigwi iyo, inigen nobakkologwe, Eekwi iinok ti,

Yetaya 5:22

It aap anggur amburu nengga iyagalo inom, Amburu kumili aganaka nenggelak-kenggelak eeka unde inom,

Yetaya 5:23

“Wu kolaawok,” mba'nuk, aap maluk eekerak kagak, teppogo logonet, Aap maluk eerulik abe kagak awone yiluk-yiluk mbangga inom, ti, mondok inabuwa o!

Yetikiyen 22:12

ndi, o kota enggela'me time aap inooruwak nduk, inonggo nggerenogo nunggwi, eeko agaarik o. At nen awu wogoragaatak porogo wonogwe, Onggo wo'ninip, yorage, at awu porogo wonogwe nogo paga ambik aret nabenogo kolage, oone omaawi paga aakumi wi-wi eerogo piige logonet, inamendek wagangge, eeke logonet, an noone yugu nogo at mondok kobak eerogo pereegerak o, yinuk, Naliku ALA nen aret yagi o.

Oteya 4:18

Anggur amburu ndonggok togon nenok, kumi ugun-ugun eeginabit nugwi kwak eerit nugwi me, It nen, Ninenggali wappinaniyak ti, op aret, mba'nuk eerit nugu agaarik o.

Amot 5:12

Kit maluk ambik eerit nugwi, Ndi, kinomaluk iya negen eeriyak koonggwi, Eekwi an neenu me nduk, yokkiragi o. It aap iniki abe koonak nogo piyak-payak eerogo piigwi, Maluk eerak onggo, Ndogop puurak o, yugu kagak, Puurak lek, yoraawak nduk, inawu wogorogwe iinok, waganggwi, It aap tebenak mendek nogo inowak loonggo logonet, inawone abe mbangga'lek yaga-taga eerogo piigwi, Eeko monggotak me,

Mika 7:3

Maluk eeriyak abu ineenu paga eerit nugu agaarik o. Inarum waka inoweewi nen, “Onggo pinip,” yorogwe, Inowak loongga nen inawone abe mbanuwak nduk, onggo waganggwi, It aap inayuk warak nen it eeriyak mbakwi nogo mban wone lengganogo yorogwe, Eeko logorak wone yugu abe koonak kagak nomok-komok eerogo pugwi, Eeko agaarik o.

Pelaareegerak 10:17

Ndi, at Aliku kinogoba Ala ti, yi kugi ndi kugi at obaane'me punuk, alut eekwi nogo abok aret at abu'me iigak, at Ala alik aret irimbaga wonage o. Ndi, yi aap ndi aap yo'nggok tebenak iigak, at Aliku ALA alik tiyanak aret wonage o. At mondok tiyanak omaawi ambik mondok iya lombok me, at ambi iya, ambi meek mbake, ndi, at ambi eeppinanuwak nduk, wu wogogwi iinok wagangge, eekeelik o.

Pelaareegerak 16:19

Mippiyamonggotak aakumi inowak loonggo logonet, maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wokkirogwe iinok waganggwi, maluk eerak onggo ndak-ndak eeppuurak kagak yiluk-yiluk awone mbanggwi, aap inetenggen pegiigak inowak loonggwi, eeko logobok o.

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”

1 Tamuwen 8:3

inogoba eeke nagagerak nogo liirogon woppunuk eeko logolik. Ata, wu kolaawok nduk, aakumi inambokan laganggwi, wu wogorogwe iinok, inoone yaga-kaga eerogo abe inowak looninaka'lek teppiigwi, eeko nogogwaarak.