Wundeegwaarak 23:6 - Ala Wone Peenok Peebi Mbanak

⁶ Aap eenggi lek mendek owak looniyak nduk wage kenok, Aap yi meek me, yinuk, awone ugun-ugun mbaniyak mage o.

Wundeegwaarak 23:6 Iomraidhean Croise

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Ayup 31:13

Nayeloman mini kumi-aap nen, Ndogop eeppinaniyak me eekendak o, Yinuk, yo'nugwi iigak, It yogwe an liippega'lek mbo piige neenok,

Kini Wuppiige 18:5

Aap maluk mendek inom a'nuk, inaana'le mbanggwi, Ndi, aap maluk eeka'lek ugun wonogwe iigak, “Maluk eekotak o,” yinuk, yorogwe, Eekwi ti, maluk aret o.

Kini Wuppiige 22:22

It aap tebenak wonogwe nogo ti, Aliku ALA nen inawone mbangge, Inamendek ndinggwi iinok, inamendek ndinemenggaarak nogo wagangge, Eerigin me, “Aap ti, eenggi lek o,” yinuk, amendek wagangge, It aakumi ambi eekkoloorak meek wonogwe nogo wone mbanggo menggam tebenogo piige, Eeriyak mage o.

Wone Alom Kibingga 5:8

Aap ambi yabu unde wonage nogo owe nen enegen wagangge, ndi, it imbirak inoweewi tiyarogon nen inigen wogonakwi, eeko menggaarak me, kat nen o ambime it aakumi meek mendek tebenogo piinok wonogwe, wone yugu ndak-ndak eeppiiga'lek inawone yiluk-yiluk mbanggwi, eekwi kenegen iige kenok, “Aap yi eekwi iya!” mbariyak mage o.

Yetaya 5:23

“Wu kolaawok,” mba'nuk, aap maluk eekerak kagak, teppogo logonet, Aap maluk eerulik abe kagak awone yiluk-yiluk mbangga inom, ti, mondok inabuwa o!

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 6:28

It napuri abok ti, inogogumbuk an ari eeriyak ineebi mbaka wonogwe, Aakumi meek eerogo piinet nugwi, Mbuti tembaga inom, abe mbuti inom, omaawi menggi kwak, iniki omaawi togop aret wonogwe, Eerak wonogo logonet, Eeriyak lek mendek kagak eerit nugu menggaarak.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Pelaareegerak 16:19

Mippiyamonggotak aakumi inowak loonggo logonet, maluk eerak onggo, Ndogop puurak o, yugu kagak, Puurak lek, yoruwak nduk, wu kote wogogwi nogo ti, aap inawone abe mbaniyak kagak inigen mbuk kwak liinggwi yogo logonet, kagaarogo pugwi, ndi, Ninawone op aret mbanugun, mba'nuk, nogwe nogo wi-wi eeginako logonet, Maluk eerulik kagak yogotak o, yinuk, it aap obeelom nogo inenggali wappiigwi, eeko menggaarak me, togop eeruwak nduk, wu wokkirogwe iinok waganggwi, maluk eerak onggo ndak-ndak eeppuurak kagak yiluk-yiluk awone mbanggwi, aap inetenggen pegiigak inowak loonggwi, eeko logobok o.

Pelaareegerak 27:19

It aakumi nggiru inom, elege moono inom, kumi nanu inom, inawone liirogon koonogo piigwi lek ti, pulunik aret logowak o, yogwe iinok, It aakumi abok nen, Abet aret o, yogwe,

1 Tamuwen 8:3

inogoba eeke nagagerak nogo liirogon woppunuk eeko logolik. Ata, wu kolaawok nduk, aakumi inambokan laganggwi, wu wogorogwe iinok, inoone yaga-kaga eerogo abe inowak looninaka'lek teppiigwi, eeko nogogwaarak.